Yeremia2
Yaa Layɔ Nwu Olè Di Israel Suoto
1Ni di SAATE nwu ɔlaa lawa kuatɛɛ alɛ,2“Kyɛ faalaayie lɛkya di Yerusalem atoko anu alɛ;“ ‘Konyuma onukwale wɔ niawɛ fɔ ni di sekpeele lɛfɔ kamɛ,fɛ ɔkafɔɔ di mmle faabɔmbɔ mi nii,faatikankoe buafe ni di ɔfaafuu,buafe ni di kasɔ ka batakpee ni alesaa kamɛ.3Israel late klekle aata SAATE nwu,awosobi nɔɔ lɛtɛsɛ kasale aale;batii ba bamuu niakpanko nwɔ ni lawɛ letokonanfi,ni di ɔlaa kpile latũ ma nɛ,’ ” SAATE nwu niebuɛ.Israel Bawa Sikpile
4Oo Yakob leyo,ku aye Israel batii nfaabi nwu mmuu, binu SAATE nwu ɔlaa.5Nnya ɔlaa wɔ di SAATE nwu kobuɛ ni alɛ,“Lɛmɛnsaa lalaale di bate lee lanya di suoto niioso baablasa suoto baasiɛ fanfa di suoto nii?Baatikanko afiɔ ya ninandie ni lɛsalɛsaa,ni baabakple batii ba ninandie ni lɛsalɛsaa mma bamu nɛ.6Batakaalɛ alɛ, ‘Ɔfɛ di SAATE nwu nkpe,nnwɔ niakpaa wo aadieko ni di Egipte kasɔ,aakpaa wo kafɔɔ aafenko ni di ɔfaafuu kasɔ ka niakpi ni suoto,aafenko wo ni di ɔfaafuu ku afuɔnkaka kasɔ suoto.Kasɔ ka niakoso ni, di ditunu lawɛ nii,kasɔ ka di otii kuonwii ninkyɛ aafe nii, di kuonwii kafɔɔ diesi nii?’7Lakpaa ye lawako kasɔ ka ninlɛ ni asaa nwaanlɛ bibale ka awosobi ku asaa biene ninya.Kafɔɔ biawa biabakpɔnɔfɔsa kasɔ nii nwu,ni biabla atesaa nii diyududusaa nɛ.8Olebatatɛ ditakaalɛ alɛ,‘Ɔfɛ di SAATE nwu nkpe?’Mba nimblako ni kufiofa ɔkpɛ ditatofo mi;batunletɛ lataka baayila mi di suoto.Ɔlaa babuɛtɛtɛ nwu labuɛ sɛlaa di Baal leyooto kamɛ baatɛ,ni batikanko afiɔ ya ninandie ni lɛsalɛsaa.SAATE Nwu Layɔ Ɔlaa Di Batii Nɔɔ Suoto
9“Nkpo oso lɛyɔ ɔlaa di suoto lee,”SAATE nwu niebuɛ.“Kamayɔ ɔlaa di bawa lee suoto kafɔɔ.10Bitaalɛ bikyɛ Kiti batii lekpo kotoko bilaanyu,biekpee batii bakyɛ Kedar baalaalolaa asaa kamɛ banyu nwaa;baanyu nse lɛsaa lewo ntodiwa fɛle nle mmle okle:11Kale kawo ntodikyɛlɛnsa bayaa lɛma bɛɛnya?(Kafɔɔ batale bayaa saaa.)Kafɔɔ batii nii ntɔɔkyɛlɛnsa Lɛkpa lɛmabeefũ afiɔ ya ninandie ni lɛsalɛsaa.12Aye osi, bita nle mmle dibla ye ɔkpɛ,bietũtũkũ ku lɛyɛkɛ kplɛ,”SAATE nwu niebuɛ.13“Batii nii ntɔɔbla ekpile ɛnyɔ:Batoosĩ mi,nkpa ntu nwu kataakɔ,ni beekutu mma bamu atubiɔ nɛ,atubiɔ ya niebibiɛ ni, di ntu dilɔbafuo ni osiɛ kaamɛ.Ɔlaa Wɔ Niawa Ni Di Israel Batii Onukwale Ɔtanle Suoto
14Israel kpɛmblatɛ ale, ɔlanle baalofo nwɔ?Ni obe oso atɔɔbakple kakpɛ kamɛ asaa?15Bakyata ntookumii;beewi beekpee nwɔ.Batɔɔta kasɔ nɔɔ nte kafukuti;bɛɛfiɛ sekpoo nɔɔ, ni siebiɛ site nɛ.16Memfis ku Tapanhes sekpoo kafɔɔntɔɔlalaasa disi lɛfɔ lɛkakoto.17Diele afɔ omu niɛta nle mmle lɛwa fɔ di suoto,di obe wɔ biesĩ ni SAATE Yaa lee nwu,di obe wɔ aaleko fɔ ni katũ di osuku ɔkyɛ kamɛ?18Ni kanunua, obe oso fankyɛ Egiptefanaanyi ntu di Nil okle kamɛ?Obe oso kafɔɔ fankyɛ Asiriafanaanyi ntu di Okle? 19Sikpile lɛfɔ ole kamananfi fɔ kootoko;kamaa lɛfɔ okple kamalo fɔ lɛpɔɔ.Nioso bu nwu fanyu, faatofo kafɔɔmmle diɛbla ni dikpilesaa, dikpeni kafɔɔ olo diɛta fɔ ni,nse feesĩ SAATE Yaa lɛfɔ nwufanan-yɛkɛ mi ni,”SAATE nwu niebuɛ, SAATE wɔ Ninlenke ni nɛ.Israel Lasĩ SAATE Nwu Osumu
20“Di obe owo nintɔbafe ni kamɛ, faasoosa atoo lɛfɔ,faabubudi sikũ lɛfɔ;ni faabuɛ falɛ, ‘Namasumu fɔ!’Nwaako, di lekpenkpe takale biala suotoku kowoso biala niefukuti ni kalɔfanklɛ fante fɛ sɔnɔkpeetɛ.21Kafɔɔ ɔsɔ lasɔ fɔ fɛle nta lewosobi bienedi anwaa ku n-ya beetika ni disi kamɛ.Ni lɛ nfɛ feekyi feeyila mi di suoto,di lewosobi kpile lalaale kamɛ?22Kuntɛ feekpe ntu ku ofotolefeekpe kwayɛ kpinwu yi,lɛpɔɔ lɛfɔ okpi kunusũ nwu nteote di anu nii,”SAATE Kplɛ nwu niebuɛ.23“Lɛ fabafuo obuɛ falɛ, ‘Ninkpɔnɔfɔsa suoto nii;ee nintikanko Baal’?Nyu nkpa be faasiɛ ni di ɔtaata nwu;faatofo lɛsaa le fɛɛbla ni.Fale kapupɔnkɔ sanko wɔ nimpɛ ni sɛwaantoso anfe ni katoo ku kala,24lepoo kamɛ bɔkɛɛ wɔ nintuka ni atoo di ɔfaafuu kamɛ osiɛ ntɔɔkaa nwɔ nii,anfiɔni ni kɔfɛɛfɔ di ɔkɔnsɔ akleesaa nɔɔ kamɛ-owe nimafuo nwɔ osuku otĩi di ɔkɔnsɔ akleesaa nɔɔ osie kanya nwu kamɛ?Diɛkaatɛ alɛ basuɔtɔ lele nimiɛ nwɔ ni lekpee suoto lɛma kubuɛ;di kɔwɛntɛ nɔɔ ofe kamɛ yi, babawɛ nwɔ.25Tantoso diediki obe wɔ di nkpaa lɛfɔ kamate ni nfukuti,di owolonwo lɛfɔ lekoso nii.Kafɔɔ faabuɛ falɛ, ‘Ole nnaa!Mbɔmbɔ bafɔɔ bayaa,ni dikpeni ntikanko ma.’Israel Lesiɛko Alɛ Baananfi Nwɔ Kootoko
26“Fɛ mmle mankpee ni yu sinunsɔ nse beemufũ nwɔ ni yi,nkpo kanya beekpee Israel leyo sinunsɔ nɛ-mma, baka lɛma ku banɔɔfotii lɛma,olebatatɛ lɛma ku ɔlaababuɛtɛtɛ lɛma.27Mambuɛ mantɔkɔ owoso alɛ, ‘Afɔ ninle mi kote,’mantɔkɔ difuɔ kafɔɔ alɛ, ‘Afɔ nielofo mi.’Batoomunikĩisa mmãa lɛma bɛɛtɛɛ,kafɔɔ diele anu lɛma;kafɔɔ nse ɔlaa letũ ma yi, mambuɛ alɛ, ‘Wa fabadiki wo!’28Ɔfɛ nfɛ di bayaa ba biabla biata ni suoto lee nkpe?Bita ma bawa nse babafuo ye odikinse ɔlaa letũ ye!Oo Yuda, diekye bikpe bayaa kpinwufɛ mmle bikpe ni sekpoo.29“Bitɔɔtaka bieyila mi ni di suoto,obe oso nfɛ biɔyɔ ɔlaa di suoto nii?”SAATE nwu niebuɛ.30“Kasakasa lananfi batii lee kootoko;batayɔ nwu ole di ololaa nwu suoto.Mpamii lee ntɔɔbɛbɛɛ ɔlaababuɛtɛtɛ leefɛle kyata wɔ di kɔka nkle nii.31“Aye kɔna ko mmle, binu SAATE nwu ɔlaa:“Ntodile ɔfaafuu lɛta Israel ɛɛsɛɛ kasɔ ka niawɔfɔ ni tunutunu?Obe oso di batii nii mbuɛ alɛ, ‘Bukpe osuku munkyɛ munkyi;bulɔbasinwa ɔkyɛ lɛfɔ diidii’?32Okpeele kafuo anyɛnɛ nɔɔ oyee,sɛɛ ɔkafɔɔ n-yee kɔyɔ nɔɔ aklɛɛsaa?Kafɔɔ batii nii ntooyee mi,di ayi ya manaafuo ni ɔka.33Mmle faye ni kamɛ nwaa di lɛbɔmbɔ obie kamɛ!Bia basanko kpile kafuo asaa otekete di sisuku lɛfɔ suoto.34Batii nnya bapiitɛ ba ninambla ni okpile ntɔ be ninkpe ni nkpadi akpeele lɛfɔ suoto,nu fatamufũ ma boobiɛ kokloo mambuo nii.Kafɔɔ di n-ya mmle amuu sɛmaa yi,35foobuɛ falɛ, ‘Ninkpi lɛpɔɔ;annya ɔblɔ akpeeko mi.’Kafɔɔ kamananfi fɔ kootokodiekye feebuɛ falɛ, ‘Nimbla okpile.’36Obe oso fɔɔtɛ fankyi,fɔɔkyɛlɛnsa sisuku lɛfɔ nkpo?Egipte kamakpee fɔ sinunsɔfɛ mmle baakpee fɔ ni di Asiria.37Fabadie kafɔɔ di lɛba nwuku nnɛɛ lɛfɔ otika di disi lɛfɔ,diekye SAATE nwu ntoosĩ mba feetika ni disi;blɔbakyakaako fɔ.The Seed Company