YESAYA61
Didiki Nwu Ɔlaa Biene
1SAATE Kplɛ nwu Ninwuna ntika di suoto nii,diekye SAATE nwu lɛpɛ mi ɔfɔɔalɛ mbuɛ ɔlaa biene nwu nta bapiitɛ.Eekpee mi alɛ nkpee mba situ niebiɛ ni kɔnɛɛ kaafutu,alɛ mmayie didiki lakya nta balanleku ayo batentɛ odiki di ditunu kamɛ,2ninyie lɛkya di SAATE nwu sibualɛ lɛlɛɛ suotoku Yaa loo ɔbla okyisa dii nwualɛ kakpee mba bamuu nikowi ni kɔnɛɛ kaafutu,3alɛ kabie asaa nta mba nikowi ni sɛnyaami di Sion-kayɔ sɛlɛ lɛkakoto anta madi ntɔ̀ kanya,suoto lɛyɔɔ nnɔnyidi kaku owi kanyaku katansa akpeeledi nnɛɛ ofee ninwuna kanya.Babalɛɛ ma ɔsaabla tinini awoso kplɛ,SAATE nwu awoso ya ɛɛsɔ nialɛ oodiki sɛlɛ nɔɔ lɛkakoto antuo.4Babase saa okpoo biɛle nwu letofomanse kafɔɔ aba ya nialalaa ni kofokofoko lɛbla;babase sekpoo kplɛ biɛle nwu obudimanlolaa asaa ya nialalaa ni kofokofoko manta ana nwu.5Bafɔɔ makpa bafoso lee;kale bamba batii kafɔɔ makpɛ afe lee ku awosobi afe lee.6Babalɛɛ ye alɛ SAATE nwu olebatatɛ,mantika ye ayooto alɛ Yaa loo basumutɛ.Bibale nnle nwu lɛsaawɛ,minkanta di lɛlɛ lɛma suoto.7Di sinunsɔ lɛma kanya yi,batii nii mafũ nlekɔ nnyɔ,di disi okpee kaasɔ kanya yi,babanya suoto lɛyɔɔ di atesaa lɛma suoto;nioso babale atesaa nlekɔ nnyɔ di kasɔ lɛma suoto,suoto lɛyɔɔ le kafɔɔ ninaa ni kaloo male lele ma.8“Diekye ami, SAATE nwu mbɔmbɔ lɛka tinini;lekyidi kayu ku sikpile ole.Di onukwale nii ole kamɛ kamata ma kotombla kanya ninii ka ninaa ni kaloo ku mma.9Batii matofo banantii lɛma nwu di nnle nwu kamɛmantofo ma kafɔɔ di batii nwu kamɛ.Batii ba bamuu nimanya ma ni matofoalɛ mma ninle batii ba di SAATE nwu lewii ni lɛyɔɔ nɛ.”10Nnya suoto lɛyɔɔ osie kanya di SAATE nwu kamɛ;ɔkla nii mpɔ di Yaa nii kamɛ.Diekye ɛɛyɔ didiki abula eenyukũsa miɛɛyɔ kafɔɔ ɔsaabla tinini awu wua eekpee mi,fɛ mmle di ɔkafɔɔsa mbla ni disi nɔɔ klekle fɛle oletatɛ,fɛ mmle kafɔɔ di ɔkafɔɔ nklɛɛ ni suoto nɔɔ ku anyɛnɛ.11Diekye fɛ mmle di kɔtɛ nta asaa nkɔntɔ nidi kɔba kafɔɔ nta alesaa nwu nlɛ ni,nkpo di SAATE Kplɛ nwu nta ɔsaabla tinini ku katansandie di nnle anu nɛ.The Seed Company