YESAYA53
1Owe niefũ ɔlaa loo eenu?Owe kafɔɔ di SAATE nwu kɔnɛɛ siene ladiki suoto kuatuo?2Aamuɔ di anu nɔɔ fɛ ɔla fɔle niɛtaa,fɛle odu wɔ niakɔntɔ ni kafɔɔ di kasɔ kosole suoto.Atalɛ onyu ee dibu kuninwii ditawɛ nwɔ diata munyu nwɔ nii,kanyunkɔ kukanwii nnaa nwɔ aaklee wo ni ɔkɔnsɔ.3Batii lanyu nwɔ nyakatãa, baasĩ nwɔ kafɔɔ,aale otii wɔ nianu ni dibuo ku ninyinyi.Fɛ otii wɔ di batii lakyisa ni anu di suoto nɔɔbaasĩ nwɔ, butatɔɔ dibu kuniwii kafɔɔ.4Nwaako aafũ wo sifiɛaatuka wo kafɔɔ abuo,kafɔɔ awo buonyu bulɛ Yaa niapɛ nwɔ,nnwɔɔ nianafi nwɔ kootoko, aabla nwɔ amumu.5Kafɔɔ baatika nwɔ nkɔ ta ɔtanlolaa loo ɔbla oso,baapɛ nwɔ baapupuusa ta sikple loo oso;Letoko nanfi le aafũ ni lata wo atoko ɔkyɛ ole,di nkɔ nɔɔ nwu, ni baayɔɔsa wo sifiɛ kafɔɔ nɛ.6Bamuu loo, fɛle bafoso, butooyu osuku,obiala loo ntɔɔyɔ osuku nɔɔ akyɛ;ni di SAATE nwu layɔ bamuu looɔtanlolaa ɔbla aatika nwɔ di suoto nɛ.7Baanyinka nwɔ baabla nwɔ amumu,kafɔɔ atabɛ kanya;baakpaa nwɔ fɛle lefosobi boofenko olo,fɛ mmle okle di foso nlo kanana ante ni di sinwini nwiɛtɛ nɔɔ katũ yi,nkpo atabɛ kanya nɛ.8Baanyinka nwɔ baakanko, ni baakpaa nwɔ baasifiko nɛ.Owe nimafuo ɔlaa obuɛ di banantii nɔɔ suoto?Diekye baadiki nwɔ nkpa di nkpa basiɛtɛ kasɔ suoto;ta batii nii ɔtanlolaa ɔbla oso baabla nwɔ amumu.9Baakutu nwɔ ɔkya di bakpiletɛ kamɛ,baakookaa nwɔ di saawɛntɛ ɔkya kamɛ,nu atakpee kudú kukunwiiee kakyɔnkyɔ kadie nwɔ kaanya.10Kafɔɔ SAATE nwu dibiesaa diale alɛ oopupuusa nwɔ antɔɔ kafɔɔ dibuo,nioso kuntɛ SAATE nwu niabla kukpi nɔɔ okpile oleɔta yi,alɛ aanya banantii nɔɔ mansiɛ nkpa kaanale,alɛ SAATE nwu dibiesaa kawa kaanya di nnɛɛ nɔɔ kamɛ.11Di ɔkla nɔɔ dibuo ɔnya sɛmaa yi,abanya nkpa lɛkpa, ninnɔɔ nwɔ ɔkɔnsɔ;di lɛsaatofo nɔɔ kamɛ, kpɛmblatɛ nii tininitɛ nwu kamata batii kpinwu lɛbɛ,antuka ma kafɔɔ sikpile.12Nkpo oso kamatɔɔ kalekɔ di banɔɔfotii kamɛ,abasɛ kafɔɔ kakpɛ asaa ku basientɛ,diekye aayɔ nkpa nɔɔ aata aafũ kukpibaaka nwɔ kafɔɔ baakpee di bakpiletɛ kamɛ.Diekye aafũ batii kpinwu sikpile aatuka,aatikiti lekoto kafɔɔ di bakpiletɛ disi.
The Seed Company