YESAYA4
1Di dii nwu nkpo basanko bakuɛnsĩkamamufũ osuɔtɔ onwiimambuɛ alɛ, “Bubale alesaa loo amumun-ya kafɔɔ akleesaa loo amu,afɔ ta balɛɛ leyooto lɛfɔ di suoto loo lete.Tekete sinunsɔ di suoto loo! ”
Babase Yerusalem Lelolaa
2Di dii nwu nkpo SAATE nwu owosola kamalɛ onyu ku dibu, kasɔ nwu awosobi kamale lɛkanta ku dibu ninta mba nimabu ni di Israel.3Mba baadiɛ ni di Sion, baabu ni di Yerusalem, babalɛɛ ma klekle, mba bamuu baaka baakpee ni di mba niawɛ ni nkpa baaka ni di Yerusalem.4SAATE nwu kamafoto Sion basanko lɛkpɔnɔfɔ nwu di suoto; abafoto ntɔ abadi nwu di Yerusalem suoto ku lɛkanko ninwuna ku ɔtɔ ninwuna.5Nse SAATE nwu ntɔɔbla dituntũ ku kɔyɔ eetĩi Sion kobokote nwu kumuu ku batii ba nimasi ni ninfa ku kakũ, ɔtɔ wɔ nikofiɛ ni lɛkpa kafɔɔ di kakyɛ; di amuu kamɛ dibu nimale akpanta antĩi ma.6Dibale lɛkpaayo ku oyududu di kakũ difila kamɛ, ku katanikokɔ ku kawofakɔ di afɛɛfɔ ku kanto ɔnɔɔ kamɛ.The Seed Company