ƆLAABUƐTƐ8
1Owe ninte fɛle numbentɛ nwu?Owe ninye asaa kasɔ odiki?Ninumbe ninta otii anu nkpánindiki kafɔɔ anu ɔkatu ninwu.
Kyɔɔ Ɔka Nwu Atoko
2Bla di ɔka nwu ɔlaa suoto, ta ntam be faaka ni di Yaa anu oso kobuɛ.3Tampɛsɛwa falɛ foodie di ɔka nwu anu. Tanyila faata ɔlaa wɔ ninanlɛ nii, diekye ɔka nwu kamafuo lɛsaa lele ninlɛ nwɔ ni ɔbla.4Obe wɔ di osie nsi ni di ɔka ɔlaa kamɛ, owe nimafuo obuɛ ɔtɔkɔ nwɔ alɛ, “Obe lɛsaa fɔɔbla?”5Dikpilesaa kuninwii dilɔbabla otii lele nimbla di ɔlaa nɔɔ suoto,numbentɛ otu kafɔɔ kamatofo obe biene ku sisuku nɔɔ.6Diekye obe biene ku sisuku nkpe diɛta ɔlaa biala,nu di otii sikpile nkpe onutũ di suoto nɔɔ.7Obe wɔ di otii kuonwii dieye ni kayi kamaa,owe nimafuo nwɔ lɛsaa le nimawa ni ɔtɔkɔ?8Otii kuonwii nnaa osie di kɔfɛɛfɔ suoto alɛ aafuo kũ osuku otĩi;nioso otii kuonwii nnaa osie di dikpiyi nɔɔ suoto.Fɛ mmle mananta ni otii kuonwii osuku aasifi ni di kakpɛ obe kamɛ yi,nkpo di asiensiesaa dilɔbadiɛ batii ba nimbla nya ni nɛ.Batii Tinini Ku Basiesientɛ
9Lanya asaa ya mmle amuu, di obe wɔ latɛ anu lanyu ni lɛsaa biala le bɛɛbla ni di kufĩ kalɔ. Obe nkpe di otii n-le ni sɛsaate di bawo nɔɔ suoto an-yɔ ankpee ni nnwɔɔ omu nɔɔ suoto kubuɛ.10Nfa nwu kafɔɔ yi, lanya mmle baakookaa ni siensietɛ nwu- mba ninwa ni kakleklekɔ lɛba nwu mandie mansifi ni, mantansa ma ni kafɔɔ di okpoo kplɛ wɔ kamɛ mambla ni nle mmle. Nle mmle kafɔɔ lɛbla kasakasa.11Nse baaka lɛka wla di okpile ɔbla suoto yi, batii situ n-yii ku sikpile ɔbla.12Kuntɛ otii kpile mbla sikpile kɔlafa, kafɔɔ ankple ansiɛ nkpa anklɛ yi, n-ye nlɛ dibalɛ ɔkyɛ ninta batii ba ninyɛkɛ ni Yaa, mba ninyɛkɛ ni di anu nɔɔ.13Kafɔɔ ta kpiletɛ ninyɛkɛ ni Yaa oso yi, dilɔbalɛ ɔkyɛ ɔta ma, ayi lɛma kafɔɔ dilɔbakaana fɛle kunyii.14Lɛsaa bamba nkpe ninwa ni kaasɔ suoto diɛbla ni kasakasa: batininitɛ ba ninwɛ ni lɛsaa le niesiɛko diɛta ni basiensietɛ, ku basiensietɛ ba ninwɛ ni lɛsaa le niesiɛko diɛta ni batininitɛ. Nle mmle kafɔɔ yi, kobuɛ nlɛ diɛbla kasakasa.15Nioso lefũ nkpa ole lekpee, diekye lɛsaa kuninwii diɛlɛ dita otii di kufĩ kalɔ dilenke alɛ aale, an-nyi, an-nya suoto lɛyɔɔ. Ni nle mmle kamaklee nwɔ di sɛkpɛ nɔɔ kamɛ di ayi ya amuu di Yaa lɛtɔɔ ni di kufĩ kalɔ.16Nse lɛyɔ disibu nii nlɛ kotofo ninumbe nnyu kafɔɔ otii dibuo di kasɔ suoto- di anu nɔɔ ninwɛ sɛkyɔsĩ akyɔsĩi kakũ ku kakyɛ yi,17ni lanya asaa ya amuu di Yaa lɛbla ni nɛ. Otii kuonwii dilɔbanu kasɔ lɛsaa le ninwa ni di kufĩ kalɔ. Nu an-yɔ okyĩini nɔɔ okpee omuu alɛ oowolaa ni andiki yi, otii dilɔbafuo ni lɛsɔdiki ɔnya. Nse bia numbentɛ owo lenyu alɛ aye yi, ɔlɔbatɛ afuo ni kasɔ onu.The Seed Company