ƆLAABUƐTƐ6
1Ntɔɔnya dikpilesaa bamba di kufĩ kalɔ, dikpe kafɔɔ onutũle di batii suoto:2Yaa nta otii lɛsaawɛ, akleesaa ku dibu, di mmle di otu nɔɔ kamɛ dibiesaa kuninwii dilaafĩ nwɔ nii. Kafɔɔ Yaa nintɔɔ aale nya, kafɔɔ ɔfɔɔ nin-le nya. Nle mmle nle kasakasa ninyinyiisaa kpile.3Otii kafuo babi kɔlafa ɔwɛ, ansiɛ nkpa alɛɛ kpinwu; kafɔɔ akpakpa eesiɛ nkpa ɛɛklɛ, ni nse ɔlɔbafuo lɛsaawɛ nɔɔ ole, kaku nɔɔ kafɔɔ kasoo nwaa yi, ni kobuɛ nlɛ obi wɔ niekpi ni di kafutu kamɛ fiɛ baalofo nwɔ ni nlɛ alenke nwɔ.4Ni kasakasa ɛɛwa, ni ditunũ kamɛ ninsifi, ditunũ kamɛ kafɔɔ di leyooto nini n-yu.5Kuntɛ ditanya kufĩ diidii ee atofo lɛsalɛsaa yi, dikpe ɔnyɛɛ ɔtɛ kpinwu dilenke nle di otii nwu n-wɛ nii-6nse kuntɛ eesiɛ nkpa alɛɛ kakpe sɛnyɔ simu, ananfuo kafɔɔ lɛsaawɛ nɔɔ ole. Diele lɛba ninwii di bamuu nsifi?7Otii okyĩini omuu kamɛ yi, kanya nɔɔ ambla anta,kafɔɔ lɛkɔnsɔkleesaa nɔɔ nimmiɛ nwɔ diidii.8Obe lɛsaa di numbentɛ lɛyɔalenke buutɛ?Obe lɛsaa di piitɛ n-wɛdi lɛkyɛmbi nɔɔ le aye ni ɔkyɛ di batii bule anu?9Lɛsaa le di anu nnya ni nlɛ dilenkeakɔnsɔklesaa omiɛ okyi.Nle mmle kafɔɔ nle kasakasa,ɔkpɛ ɔbla owii di kɔfɛɛfɔ kamɛ dile.10Batɔɔta lɛsaa lele ninkpe ni kaayi leyooto kofokofoko,baye kafɔɔ lɛsaa le di otii nle nii;otii kuonwii dilaafuo nnwɔ ninkpe osie alenke nwɔ nioyilako.11Sɛlaa kɔpɔ ni yi,lɛsɔdiki kɔwa kasɔ,ni lɛ nfɛ di nle mmle ndie lɛsaa nwaa ninta otii?12Diekye owe nin-ye lɛsaa le ninlɛ diɛta ni otii di nkpa kamɛ, di ayi asɛɛ ku obe kakuu ka niɛbla ni kasakasa kamɛ anfe ni fɛle kunyii? Owe nimafuo nwɔ ɔtɔkɔ lɛsaa le nimawa ni di kufĩ kalɔ, nse asinnaa?
The Seed Company