BAKA 224
1Di Yehoiakim sɛka ole kamɛ yi, ni di Babel ɔka Nebukadnesar lataka di kasɔ nwu suoto nɛ. Ninfɛ di Yehoiakim labale nwɔ kpɛmblatɛ alɛɛ atiɛ nɛ. Kafɔɔ aakyisa disibu nɔɔ, ni aataka aayila di Nebukadnesar suoto nɛ.2Ni di SAATE nwu ladiki Babel batii, Siria batii, Moab batii ku Amon batii bayu aakpee Yehoiakim nɛ. Aakpee ma alɛ balaawɔɔsa Yuda, di SAATE nwu bakpɛmblatɛ nɔɔ, Yaa ɔlaa babuɛtɛtɛ ɔlaa wɔ baabuɛ ni kanya.3Nwaako asaa ya mmle lawa di Yuda suoto di SAATE nwu ɔlaa kanya, alɛ ookyisa ma di anu nɔɔ, ta Manase sikpile ku n-ya amuu aabla nii,4di ntɔ be nintabla ni okpile kuonwii kaasɔ nkyakaa nii. Diekye aata ntɔ be nintabla ni okpile layii Yerusalem, di SAATE nwu kafɔɔ ditatuna alɛ ɔɔyɔ ankyɛ nii.5Di sɛsaabla bamba se di Yehoiakim sɛka ole ku n-ya amuu aabla nii yi, bɛɛkpana nya di Yuda baka sekofolaa kukũ kamɛ.6Ni di Yehoiakim latɛ ɔnyɛɛ ku bate nɔɔ nɛ. Ninfɛ di obisuɔtɔbi nɔɔ, Yehoiakin layila nwɔ kaanya fɛ ɔka nɛ.7Nioso Egipte ɔka ditasinkple aadie di kale nɔɔ kamu, diekye Babel ɔka layɔ nwɔ kasɔ kamuu, diayɔ ni di Egipte Kaklenyii dialaadu ni Eufrate Okle.
Di Babel ɔka sɛka ole lɛlɛɛ nɛnle kamɛ, ni aamufũ Yehoiakin aalaatɛ di leyo katenkɔ nɛ.13Fɛ mmle di SAATE nwu labuɛ nii, Nebukadnesar ladiki lɛsaawɛ le niate ni di SAATE nwu olekatakɔ ku lɛkayo nwu, ni aayɔ koto sɛɛle asaa ya di Israel ɔka Solomon labla aata ni di SAATE nwu olekatakɔ kamɛ nɛ.14Nebukadnesar lakpaa Yerusalem batii bamuu aasifiko bafɔɔ kale: banɔɔfotii bamuu, bakpɛtɛ bamuu, kɔnɛɛ kamɛ sɛkpɛ bablatɛ ku abɔɔsaa ɔkpɛ bablatɛ- bamuu labla nkpe lefosi. Batii ba niatɛ baale ni bapiitɛ di kasɔ nwu suoto lete baadiɛ baatɛ.15Nebukadnesar lamufũ Yehoiakin, aakpaa nwɔ aasifiko Babel. Aakpaa kafɔɔ ɔka ɔya, basɔfɔ nɔɔ, banɔɔfotii nɔɔ ku kasɔ nwu batunletɛ aasifiko.16Mba di Babel ɔka kafɔɔ lasifiko ni Babel niale bakpɛtɛ bamuu ba niawo ni bakpɛtɛ nkpe nkuɛnsĩ, baawɛ ni osie baata ni kakpɛ, kɔnɛɛ kamɛ sɛkpɛ bablatɛ ku abɔɔsaa ɔkpɛ bablatɛ kakpe.17Ni di Nebukadnesar layɔ Yehoiakin ote bisɔnle, Matania aabla ɔka di Yehoiakin disi, ni aakyɛlɛnsa leyooto nɔɔ alɛ Sedekia nɛ.
Kafɔɔ sɛmaa, Sedekia lataka aayila di Babel ɔka suoto.
Yuda Ɔka Yehoiakin
8Yehoiakin lafũ lefosi alɛɛ anɛ fiɛ aabale ɔka, ni aale sɛka di Yerusalem awɛntɛ atiɛ. Ɔya niale Nehusta, Elnatan obisankobi aale; aakye ni Yerusalem.9Ni aabla sikpile di SAATE nwu anu, fɛ mmle di ote labla ni nɛ.10Di obe nwu kamɛ, Babel ɔka Nebukadnesar banɔɔfotii nwu ntoodu Yerusalem, bɛɛmana okpoo nwu beekyi,11ninfɛ di Nebukadnesar omu lawa okpoo kplɛ nwu, di obe wɔ di banɔɔfotii nɔɔ lamana nwu baakyi ni nɛ.12Ni di Yuda ɔka Yehoiakin, ɔya, bakpɛmblatɛ nɔɔ, batii finle nɔɔ ku banɔɔfotii nɔɔ bamuu layɔ suoto lɛma baata Nebukadnesar nɛ.Di Babel ɔka sɛka ole lɛlɛɛ nɛnle kamɛ, ni aamufũ Yehoiakin aalaatɛ di leyo katenkɔ nɛ.13Fɛ mmle di SAATE nwu labuɛ nii, Nebukadnesar ladiki lɛsaawɛ le niate ni di SAATE nwu olekatakɔ ku lɛkayo nwu, ni aayɔ koto sɛɛle asaa ya di Israel ɔka Solomon labla aata ni di SAATE nwu olekatakɔ kamɛ nɛ.14Nebukadnesar lakpaa Yerusalem batii bamuu aasifiko bafɔɔ kale: banɔɔfotii bamuu, bakpɛtɛ bamuu, kɔnɛɛ kamɛ sɛkpɛ bablatɛ ku abɔɔsaa ɔkpɛ bablatɛ- bamuu labla nkpe lefosi. Batii ba niatɛ baale ni bapiitɛ di kasɔ nwu suoto lete baadiɛ baatɛ.15Nebukadnesar lamufũ Yehoiakin, aakpaa nwɔ aasifiko Babel. Aakpaa kafɔɔ ɔka ɔya, basɔfɔ nɔɔ, banɔɔfotii nɔɔ ku kasɔ nwu batunletɛ aasifiko.16Mba di Babel ɔka kafɔɔ lasifiko ni Babel niale bakpɛtɛ bamuu ba niawo ni bakpɛtɛ nkpe nkuɛnsĩ, baawɛ ni osie baata ni kakpɛ, kɔnɛɛ kamɛ sɛkpɛ bablatɛ ku abɔɔsaa ɔkpɛ bablatɛ kakpe.17Ni di Nebukadnesar layɔ Yehoiakin ote bisɔnle, Matania aabla ɔka di Yehoiakin disi, ni aakyɛlɛnsa leyooto nɔɔ alɛ Sedekia nɛ.
Yuda Ɔka Sedekia
18Alɛɛ afosi-anyɔ-ninwii di Sedekia lafũ fiɛ aabale ɔka, ni aale sɛka di Yerusalem lefosi lɛlɛɛ ninwii nɛ. Ɔya leyooto niale Hamutal, Yeremia obisankobi aale; aakye ni Libna.19Aabla okpile di SAATE nwu anu, fɛ mmle di Yehoiakim labla nii.20Ta SAATE nwu ɔblɔ oso di n-ya mmle amuu lawa di Yerusalem ku Yuda suoto, ni di kayɛntɛkɔ aakyisa ma di anu nɔɔ nɛ.Kafɔɔ sɛmaa, Sedekia lataka aayila di Babel ɔka suoto.
The Seed Company