1 Kronika4
Yuda Banantii
1Yuda banantii niale: Peres, Hesron, Karmi, Hur ku Sobal nɛ.2Sobal obisuɔtɔbi Reaia nialofo Yahat, ni di Yahat lalofo Ahumai ku Lahad nɛ. Mba mmle niale Sorat batii nfaabi nɛ.3Mba mmle niale Etam babisuɔtɔbi nɛ: Yesreel, Yisma ku Yidbas nɛ. Obilɛma-sankobi niale Haselelponi nɛ.4Penuel lalofo Gedor, ni di Eser lalofo Husa nɛ. Mba mmle niale Hur banantii nɛ, Efrata obi kasale, aale ni kafɔɔ Betlehem ote.5Tekoa ote Ashur lawɛ basanko banyɔ, Hela ku Naara.6Naara lalofo Ahusam, Hefer, Temeni ku Haasastari aatɔɔ. Mba mmle niale Naara banantii nɛ.7Hela babisuɔtɔbi niale: Seret, Sohar, Etnan,8ku Kos wɔ niale ni Anub ku Hasobeba ote ku Harum obisuɔtɔbi Aharhel nfaabi nwu nɛ.9Yabes lawɛ dibu aalenkee babilɛma-suɔtɔbi. Ɔya latika nwɔ leyooto Yabes, aabuɛ alɛ, “Dibuo kamɛ lalofo nwɔ.”10Ni di Yabes lapɛ ɔlaa aata Israel Yaa alɛ, “Oo, alɛ faatɛɛ lɛtɔtrɔ famblɛfɛsa kafɔɔ kasɔ nii! Ta kɔnɛɛ lɛfɔ kutika di suoto nii, fadiki mi fakyeko dikpile kamɛ alɛ kadie di dibuo kamɛ.” Ni di Yaa labla dibiesaa nɔɔ aatɔɔ nɛ.11Suha obilɛma-suɔtɔbi Kelub niale Mehir ote, nnwɔɔ niale Eston ote nɛ.12Eston nialofo Bet Rafa, Pasea ku Tehina wɔ niale ni Ir-Nahas ote. Mma niale Reka basuɔtɔ nɛ.13Kenas babisuɔtɔbi niale: Otniel ku Seraia nɛ. Otniel babisuɔtɔbi niale: Hatat ku Meonotai nɛ.14Meonotai nialofo Ofra. Seraia nialofo Yoab, Ge-Harasim ote. Baatɔɔlɛɛ ni nkpo diekye batii nwu lale kɔnɛɛ kamɛ sɛkpɛ ateate bablatɛ.15Yefune obisuɔtɔbi Kaleb babisuɔtɔbi niale: Yiru, Ela ku Naam nɛ. Ela obisuɔtɔbi niale: Kenas nɛ.16Yehalelel babisuɔtɔbi niale: Sif, Sifa, Tiria ku Asarel nɛ.17Esra babisuɔtɔbi niale: Yeter, Mered, Efer ku Yalon nɛ. Mered basɔfɔ onwii lɛma nialofo Miriam, Samai ku Yisba wɔ niale ni Estemoa ote nɛ.18(Ɔsɔfɔ nɔɔ wɔ niale ni Yuda otii nialofo Yered wɔ niale ni Gedor ku Soko ote Heber, ku Sanoa ote Yekutiel aatɔɔ nɛ.) Mba mmle niale Farao obisankobi Bitia wɔ naiyɔ ni Mered babi nɛ.19Hodia ɔsɔfɔ, wɔ niale ni Naham obilɛma-sankobi babisuɔtɔbi niale: Keila ote Garmi otii nwu, ku Estemoa Maakat otii nwu nɛ.20Simon babisuɔtɔbi niale: Amnon, Rina, Ben-Hanan ku Tilon nɛ. Yisi banantii niale: Sohet ku Ben-Sohet nɛ.21Yuda obisuɔtɔbi Sela babisuɔtɔbi niale: Leka ote Er, Maresa ote Laada ku akpeele fɛnɛnɛ bakpɛmblatɛ nfaabi nwu di Bet Asbea,22Yokim, Koseba basuɔtɔ, ku Yoas ku Saraf, mba niale ni sɛka di Moab ku Yasubi Lehem nɛ. (Sekofolaa ninle nse mmle nɛ.)23Mma niale abukii bablatɛ ba niasiɛ ni di Netaim ku Gedera nɛ; baasiɛ ninfa baatɔɔbla ɔkpɛ baatɔɔta ɔka.Simeon Banantii
24Simeon banantii niale: Nemuel, Yamin, Yarib, Sera ku Saul nɛ;25Saul obisuɔtɔbi niale Salum, obisuɔtɔbi nɔɔ niale Mibsam, obisuɔtɔbi nɔɔ kafɔɔ niale Misma nɛ.26Misma banantii niale: Obisuɔtɔbi nɔɔ Hamuel, nnwɔɔ nialofo Sakur, nnwɔɔ kafɔɔ aalofo Simei.27Simei lawɛ babisuɔtɔbi lefosi bakuɔ ku babisankobi bakuɔ, kafɔɔ babilɛma-suɔtɔbi ditawɛ babi kpinwu; nioso kafaabi lɛma kamuu ditapɔ kpinwu fɛ Yuda batii.28Baasiɛ di Beerseba, Molada, Hasar Sual,29Bilha, Esem, Tolad,30Betuel, Horma, Siklag,31Bet Markabot, Hasar Susim, Bet Biri ku Saaraim. Nse mmle niale sekpoo lɛma dialaase di obe wɔ di Dawid labale ni sɛka nɛ.32Sekpoenyii se niamana ma siakyi ni niale Etam, Ain, Rimon,Token ku Asan- ekpoo ɛnɔɔ-33ku sekpoenyii se simuu niamana sekpoo nwu siakyi dialaadu ni bia Baal. Nsĩ niale nsiɛkɔ lɛma nɛ. Baayɔ kafɔɔ ayo lɛma kamɛ ayooto akũ baatɛ.34Mesobab, Yamlek, Amasia obisuɔtɔbi Yosa,35Yoel, Yosibia obisuɔtɔbi Yehu, Seraia obisuɔtɔbi, Asiel obisuɔtɔbi,36ku Elioenai, Yaakoba, Yesohaia, Asaia, Adiel, Yesimiel, Benaia,37ku Sifi obisuɔtɔbi Sisa, Alon obisuɔtɔbi, Yedaia obisuɔtɔbi, Simri obisuɔtɔbi, ku Semaia obisuɔtɔbi.38Basuɔtɔ ba ayooto bɛɛlɛɛ beefenko ni niale batunletɛ di nfaabi lɛma nɛ. Ayo lɛma lalɛɛsa osie kanya,39ni mandie mankyɛ Gedor okpoo sɛmaa di kufĩ katunkɔ ɔtaata nwu manaamiɛ sɛfa kaweekɔ manta babɔkɛɛ lɛma nɛ.40Baawɛ lɛba le niasiɛ ni lɛla, sɛfa kaweekɔ nwaa, kasɔ nwu kafɔɔ lablɛfɛ, atoko ɔkyɛ ole lawɛ, dialo kafɔɔ kanana. Ham batii bawo ntodisiɛ ninfa saa.41Batii ba ayooto baakpana ni lawa di Yuda ɔka Hesekia obe kamɛ. Baadieko Ham batii di nsiɛkɔ lɛma kamɛ ku Meun batii ba niawɛ ni ninfa, baawɔɔsa ma kafɔɔ fɛɛ, fɛ mmle dile ni kamaa oyila ɔlaa diɛbadu ni obe wɔ baakpana ni sɛlaa se mmle. Ninfɛ baasiɛ di kasiɛkɔ lɛma nɛ, diekye sɛfa kaweekɔ lawɛ siata babɔkɛɛ lɛma.42Ni di Simeon batii ba mmle alafa-anɔɔ, di Pelatia, Nearia, Refaia ku Usiel, Yisi babisuɔtɔbi laleko ma ni katũ, latu baabuo di Sier kale lekpenkpe nwu nɛ.43Baalo Amalek batii ba niabu ni, baatoso nii, ni baasiɛ ninfa diɛbadu obe wɔ baakpana ni sɛlaa se mmle nɛ.The Seed Company