Isaya
15
/
sna_bib
Chiprofita pamusoro peMoabhu
1
Chirevo chaJehovha maererano neMoabhu:
Ari romuMoabhu rava dongo,
rakaparadzwa usiku!
Kiri romuMoabhu rava dongo,
rakaparadzwa usiku!
2
Dhibhoni rakwira kutemberi yaro,
kunzvimbo dzaro dzakakwirira kundochema;
Moabhu ari kuungudza pamusoro peNebho napamusoro peMedhebha.
Misoro yose yaveurwa
ndebvu dzose dzabviswa.
3
Munzira dzomuguta vakapfeka masaga:
pamusoro pamatenga edzimba
uye nomumatare, vanoungudza vose,
vakazvambarara vachichema.
4
Heshibhoni neErieri dzinodanidzira,
manzwi avo anonzwika kusvikira kuJahazi.
Naizvozvo varwi veMoabhu vanodanidzira,
uye mwoyo yavo yaziya.
5
Mwoyo wangu unodanidzira pamusoro peMoabhu;
vatizi varo vanotiza kusvikira kuZoari,
kusvikira kuEgirati-Sherishiya.
Vanokwidza nenzira yokuRuhiti,
vanofamba vachichema,
munzira yokuHoronaimi
vanochema kuparadzwa kwavo.
6
Mvura yokuNimirimi yakapwa
uye uswa hwaoma;
bumhudza rapera
uye hapachina chakasvibirira chakasara.
7
Saka pfuma yavakawana neyavakaunganidza
vanoiyambutsira mhiri kworukova rwemikonachando.
8
Kudanidzira kwavo kwaita maungira kuchitevedza muganhu weMoabhu;
kuungudza kwavo kunosvikira kuEgiraimi,
kuchema kwavo kunosvikira kuBheeri Erimi.
9
Mvura yapaDhimoni yakazara neropa,
asi ndichauyisazve zvakawanda pamusoro peDhimoni,
shumba pamusoro pavatizi veMoabhu
uye napamusoro pavaya vakasara munyika.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
share
Share
chevron_right
Next Chapter