Luke10

1ต่อหม่า พระเยซูตั้งลึ๊กศิษย์หึ่นโล้เจ็ดสิบฮุนและไชร้ออกไปเทื่อละสองฮุน เห่อล่วงหน้าไปก่อนวั๊ว เห่อเห้าไปด๋อเพียง ด๋อตำบลกะวั๊วดะเสด็จไป2วั๊วน๊อยจ๊อเหร่ากะ เกว๊าพอเสี้ยนมีหลาย แต่ฮุนงานมีอี๊ด แค่นทรูแน๊น ไทเจ้าเห่ออ้อนวอนวั๊วไทพันพ่อสู่นา เห่อจ๊องฮุนงานฮุนกิ๊ปฮุนเสี๊ยนพืชผลฮ่องวั๊ว3ไปแหม่ ฮ่อยใช้ไทเจ้าทางหลายไปปานลึ๊กแกะอยู่เหร๋อหมู่หมาป่า4อย่าเอาได่เง็น ย้าม เกิ๊บแล่วอย่าเฮ็ดเจี๊ยนเคารพปะฮุนนำทาง5คั่นด๋าไปร๋านหลั๊งเหน่อเห่อน๊อยก่อนกะ เห่อร๋านเจ้ามีแต่เจี๊ยนสุข6ลึ๊กห่องเจี๊ยนสงบสุขอยู่มะเหน๋อ เจี๊ยนสงบสุขด๋าอยู่นำเหร่า แค๊นทรู๋แน๊นแล่วเจี๊ยนสงบสุขของลู๊ด๋าเปร๋อมาส่อโล้โล่7เห่ออยู่แน๊นร๋านแน่น กิ๋นเกว้ากิ๋นน่ำกะเหร่าทร่ำกื๊อเห๊อ เย๋อกะเหร่าฮิดเวียกกึ๊งเห่อเหร่าได้เง็น อย่าเทียวไปร๋านนั่นร๋านนี้8แค่นเจ้าด๋าไปเพียงเหน่อแล่วเหร่ารับรองเจากื๊อเห่อกิ๋นห่องเหร่าที่จั๊ดเห่อ9และเห่อปั๋วปะฮุนเพียงแน๊นเห่อดี แล้วโล่ทอยเหร่ากะ เปนบั๋นห่องพระเจ้า ฮุนเตร๋อไทเจ้าทังหลายแล่ว10แค่นเจ้าดะไปเพียงเหน่อ แล้วเหร่าโบรับรองเจ้า เห่อเจ้าออกทรึ๊งทางเพียงแน๊นแล้วน๊อยกะ11ส่ำผงไกร๊บั๋นเพียงเจ้าทั้งหลายที่ติดนำเกว้งฮ่อย ฮ่อยลเเเส้นออก ฮ่อยบ่แล๊นนำเจ้า เห่อไทเจ้าเข้าเจ๋อเที๊ยนนี้กะเปนบั๋นห่องพระเจ้าหุนเตร๋อแล่ว12ฮ่อยโล้ทอยเจ้าทั้งหลายกะ โษห่องเพียงโสโดมเหม่อแน๊นด๋าเว๊าลื้นโทษห่องเพียงแน๊น13เจี๊ยนบ่ดีห่องเจ้า เพียงโคราซิน เจี๊ยนบ่ดีห่องเจ้าเพียงเบธไซดา เจี๊ยนฮิดมหัศจรรย์ได่ฮิดกลางไทเจ้าได้ฮิดเหร่อเพียงไทระ กับเพียงไซดอน ฮุนเหร่อเพียงสองเพียงนี้ได่ห่ำผ้ากระสอบ นั่งส้างกองไกว้เทร้ากลับจื๊อม่อหม่าเยื๊อแล่ว14แต่มื้อพิพากษาแน๊น โทษเพียงไทระ กับเพียงไซดอนด๋าเว๊ากว่าโทษของเจ้า15เจ้าเพียงคาเปอนาอุม เจ้าด๋าถึกยกหึ่นเพียงบึ๋นโ๋บได่เจ้าต้องเปร๋อล๊องไปทังแดนฮุนปร๋ายต่างหาก16แอ้งเหน๋อที่เงี๊ยไทเจ้าทั้งหลายกึ้งได่เงี๊ยฮ่อย แอ้งเหน่อที่บ่ยอมรับไทเจ้า กึ๊งบโบยอมรับฮ่อย17ลึ๊กศิษย์เจ็ดสิบฮุนเปร๋อมาด้วยเจี๊ยนดีจื๊อ แล่วน๊อยกะ พระองค์เอ้ยม้างทั้งหลายกึ๊งอยูเตร๋อบังคับห่องพวกฮ่อยโด้ย้อห่องพระองค์18วั๊วน๊อยจ๊อเหร่าทั้งหลายกะ ฮ่อยแล้นม้างต๊อกล๊องแต่บึ๋น ทรู๋บึ๋นเจิ๊บ19หน๊อแหม๋ ฮ่อยเห่อไทเจ้ามีอำนาจเหยียบงั๊วกับแมงงอด แล่วมีอำนาจบึ๊กส้างลื้นศัตรู บ่มีอะทาละฮิดใ้เจ้าได้เลย20แต่เจ้าอย่าหลงดีจื๊อนำเจี๊ยนนี้ เยื๊อทั๊วม้างอยู่เตร๋อบังคับห่องไทเจ้าเย๋อกะส่อไทเจ้าจดกื๊อส้างสวรรค์แล้ว21เสร่อแน๊นพระเยซูดีจื๊อแน๊นพระวิญญาณบริสุทธิ์ แล้วน๊อยกะ ข้าแต่พระบิดา แอ้งพันเจ้าแห่งสวรรค์กับโลก ฮ่อยทร่อย้องพระองค์ ที่พระองค์ได้ย้อนเจี๊ยนอ้างนี้กื๊อจากแอ้งมีปัญยาแอ้งฉลาด แต่ได้แสดงเห่อฮุนน๊อยหร๊อ อีพ้อถึกจื๊อแลนชอบทรู่แน๊น22อีพ้อฮ่อยได้เอาเทรื๊องสารพัดเห่อฮ่อยแล้วกึ๊งบ่มีเด๋อหร่อ กเด๋อพันลึ๊กนอกจากอีพ้อแอ้งเดียวแล้วกึ๊งบ่มีเด๋อหร่อกะอีพ้อพันเด๋อนอกจากลึ๊กกับแอ้งที่ลึ๊ก23วั๊วอ้วยฮุนน้อมลึ๊กศิษย์น๊อยจ๊อซุมเหร่ากะ แองเหน่อแล้นซุมเจ้าแล้นกึ๊งด๋าพันสุข24เย๋อฮ่อยโล้ทอยไทเจ้าทั้งหลายกะ แอ้งเผยพระวจนะหลายฮุน กับกษัตริย์หลายองค์ มั่นเห่อไทเจ้าทั้งหลายแล้นยุหนิแต่เหร่าโบเคยเลน แล้วมั่นเงี๊ยซึ่งท่านทั้งหลายได่เงี๊ย แต่เหร่าบ่เคยได่เงี๊ยเลย25หน๊อแหม๊มีบาเรียนแอ้งนึ้ง ย้องหึ่นทดลองพระองค์แล้วถามกะ อาจารย์เอ้ย ฮ่อยด๋าฮิดทรู๋เหน๋อชีวิตฮ่อยจั๊งพันนิรันดิ์26วั๊วน๊อยกะ แน๊นธรรมบัญญัติเขียนกื๊อทรู๋เหน่อ เจ้าอ้านแล่วเห่าจื๊อทูเหน๋อ27เหร่าตอบกระ เห่อเสื้องพระผู้เป็นเจ้าห่องเจ้าเห่อซอดจิตซอดจื๊อห่องเจ้า เห่อซอดแล๊งซอดเจี๊ยนคึห่องเจ้าแล้วเห่อเสื้องไทร๋านเตร๋อทรูเสื้องพ่อสู่28วั๊วลิน๊อยจ๊อเหร่ากะ เจ้าตอบถึกแล้ว เห่อเฮ็ดทรู่แน๊นแล้วเจ่าด๋าได่ซีวิต29แล้วแอ้งแน๊นมั่นแกณ๋ทั๊วจั่งน๊อยจ๊อพระเยซูกะ แม่นเด๋อพันไทร๋านเตร่อฮ่อย30พระเยซูน๊อยกะมีพ้อซายแอ้งนึ้งไปค้อยกรุงเยรูซาเล็มไปส่อเพียงเยรีโค แล้วเหร่าถึกโจรปล้น โจรแน้นได่ซิงเอาโส้งเพี๊ยห่องเหร่าแลวกึ๊งม๊อกแล้วปรี๊เหร่ากื๊อเกือบปราย31มีอาจารยืแอ้งนึ้งย้างหุนทางแน้นแล่วแน๋มแล่นแอ้งแน๊นแล้วกึ๊งย้างเท่วไปทางนึ้ง32ฮุนเลวีกึ๊งเฮ็ดทรู่กิ๋น ฮุนแล่นแล่วกึงเท่วไปทรูกิ๋น33ไทสะมาเรียแอ้งนึ้ง ย้างฮุนแล้น แล้วกึ๊งมีจื๊อฮ๊าย34เห่าไปส่อเอผ้าพันบาดแผลเห่อแล่วเอาน้ำมันกับเหล้าองุ่นทอกจ่อบาดแผลแน๊น แลวเห่อเหร่าโค้ยเเสตห่องพ่อสู่ ย้องฮุนพังโบกพักโบกนึ้งแล่วปั๋วเหร่ากื๊อ35บัดร๊องแล่วเหร่าดะเท่วเหร่าเอาเง็นสองเดนาริอันเห่อพ่อสู่โบกพัก แล้วน๊อยกะเห่อปั๋วเหร่ากื๊อ แค่นมันอี้นเง็นหลายลื้นนี้มันเปร๋อหม่าฮ่อยจั่งเอาเห่อโล้36สามแอ้งแน๊นเจ้าคึดกะแอ้งเน๋อพันไทร๋านเก๊อฮ่องฮุนที่ถึกปุ้น37ลาวน๊อยกะ กึ๊งแอ้งที่ได่สำแดงเจี๊ยนเสื้องจ๊อเหร่าพระเยซูน๊อยจ๊อเหร่ากะ เห่อเจ้าไปฮิดทรูแน้นหน่า38บัดระเยซูกับลึ๊กศิษย์กำลังย้างไป วั๊วเห่าไปเหร่อหมู่บ้านโบกนึ้งมีแม่บึ๊กแอ้งนึ้งส่อมารธาต้อนรับวั๊วกื๊อเหร่อร๋านห่องเรา39มารธามีน้องสาวส่อมารีย์ มารีย์กึ๊งนั่งเตร่อเกร้งพระเยซูเงี๊ยเจ๊๊ยนน๊อยห่องวั๊ว40นางมารธายุ่งับเจี๊ยนปรนนีบัติหลาย จั่งทอยพระองคืกะ พระเยวูเอ้ย พระองค์บ่สนจื๊อห๊ากะน๊วงสาวฮ่อยปรี๊เห่อฮ่อยปรนนิบัติยุแอ้งเดียวทร่อพระองค์ทอยเหร่าฮุนโซ้ยฮ่อยเเด้41พระเยซน๊อยกะ มารธาเอ้ย เจ้าพักจื๊อนำหลายเจี๊ยนหร่ายแนวมั่นได่มีอย่างเดียว42แนวมั่นได่มีเจี๊ยนเดียวมารีย์ได่เหร่เอาส่วนดีแล่วเด๋อดะซิงเอาไปจากเธอโบได่

Empower Asia Bible Translation Movement

https://app.library.bible/content/7b11450055b3405a