Omudâhwa Simoni
1Omudâhwa mukulu, Simoni, mwene Oniasi, ye washakalaga aka-Nyamuzinda, amango acihali, azibuhya n’ecirhînyiro.2Ye wabandaga eciriba c’okuyûbaka banyamwegemerwa babirhi omu bulîrî bw’aka-Nyamuzinda.3Amango gâge lyo bahumbaga ecibîkiro c’amîshi, bahumba ecîna cigali bwenêne nka nyanja.4Ayûbaka buzibu olugo, mpu ly’acingira bwinjà olubaga amango lurhênzire.5Arhàhimagwa kukwânana ekarhî k’olubaga, erhi abâga ahuluka arhenga ebwa lusîka,6nka nyenyêzi y’esêzi omu bitù, nka mwêzi mukulu,7nka myonzi y’izûba oku nyanya ly’aka-Nyamuzinda kw’Ow’Enyanya, nka mutirigongo gwalangashana omu bitù by’irenge,8nka bwâso bwa rôza omu mpondo, nka bwâso bwa lisi emezire hôfi n’iriba, nk’ihaji lya murhi gwa kasuku omu canda,9nka muliro n’obubâni omu cetêzo, nka kabindi ka masholo, katâke n’ensobeke y’ensobeke y’enjuma za ngasi lubero,10nka muzêti gujagalîre malehe, nka murhi gwa nsindani guhisire omu nkuba karhî.11Oku akazâgikwânanwa erhi abâga ayambalîre olusiku lukulu, arhôle n’emyambalo y’obukulu, erhi abâga akola ayinamukira aha luhêrero lutagatîfu, amanabumba obululi bw’aka-Nyamuzinda bwoshi irenge!12Alà oku ayinjihaga erhi abâga akola ayankirira eby’enterekêro omu maboko g’abadâhwa, erhi abâga ayîmanzire yêne ebwa karhî k’oluhêrero, na bene wâbo bamuzungulusire eburhambi buna-cimanè! onabone ayôsire nka nduluma y’e Libano n’amashami gâyo, nka kula omubô gubà guzonzirwe n’amashami gâgwo.13Alà oku ayinjihaga amango bene Aroni boshi omu irenge lyâbo babâga bafumbîrhe entûlo za Nyakasane, baligi embere z’endêko ya bene Israheli,14naye yêne adwîrhage arherekêra aha Luhêrero, analiko ashumbiriza n’obukenge Ow’Enyanya entûlo z’obukulu15Obone alambûlîre okuboko oku kabehe, ayanke ntonyi nsungunu za murhobo gwa muzâbîbu, azibulagire aha burhambi bw’oluhêrero, hazûke ehisûnunu hy’okusîmîsa Ow’Enyanya, Nnâmahanga goshi.16Ago mango lyo bene Aroni bakazâgibanda orhuhababo, babûhe emishekera yâbo minene y’amarhale, izù lishakânye, mpu kabè kakengêzo emw’Ow’Enyanya.17Erhi bahikaga aho, onabone olubaga lwoshi, luhwere oku idaho caligumiza, luharâmye Nyakasane Ogala byoshi, Nyamubâho w’Enyanya bwenêne.18Abimbiza nabo bayankirire, bayimbe obukuze, ogwo mulenge gwoshi gwakazishuba lwimbo lwinjinja.19Olubaga lusengerage Nyamuzinda w’Enyanya obwo, lushenge Nyakasane k’emirenge, kuhika ogwo mukolo gw’okurhumikira Nyamuzinda guhwe.20Enyuma ly’aho, onabone ayandagale, alambûlire endêko y’olubaga lw’Israheli kw’amaboko, n’izù linene, abahè omugisho gwa Nyamuzinda, erhi anagwêrhe irenge ly’obuhashe bw’okuderha eryol’izîno.21Aho, bukolaga bwa kabiri obwo, olubaga lwanafukama luyankirire omugisho gw’Ow’Enyanya.Musêze omurhima
22Na bunôla, kuzagi Nyamuzinda Nnâmahanga, yejira ebinja n’ebinênênè ngasi hoshi, ye walengezagya ensiku zîrhu kurhenga omu nda za banyâma, arhujirira nk’oku obwonjo bwâge bunali.23Arhuhâge n’omurhima gushagalusire, arhushobôze omurhûla mwa zino nsiku zîrhu, gugandâze omu Israheli ensiku n’amango.24Inêma lyâge liyôrhe libà haguma nîrhu, anarhulîkûze mwa gano mango.Omugani
25Hali mashanja abiri ntabonakwo, erya kasharhu lirhali ishanja:26abantu b’entondo y’e Samâriya, Abafilistini, n’olubaga lw’abahwinja b’e Sikemi.Enfundika-binwa
27Nyigîrizo za burhimanya n’obumanye ezîra Yezu, Mwene-Sira, Eleyazari w’e Yeruzalemu, asiribire mw’eci citabu, adubuliramo oburhimanya bw’omurhima gwâge, nka kul’enkuba enadubuka.28Iragi lyâge omuntu ogwêrhe amango g’okucîyigîriza, anabone oburhimanya n’okubuheba e murhima.29Akahêka ntyo, âbà ali muzibu ngasi mango, bulya akamole ka Nyamuzinda yo njira yâge.