Nyamuzinda ye hima byoshi
1Gwârhi omukulu w’abimbiza. Oku nzihwa z’emisî. Lulanga. Lwa Azafi. Lwimbo.2Nyamuzinda amanyîkîne omu ca Yûda, n’omu Israheli, izîno lyâge lyàjîre irenge.3Ecirâlo câge mwo ciri cigwîke omu Salemu; n’oku Siyoni kw’obwâmi bwâge bubà.4Avunirekwo emilazô y’emiherho, n’empenzi, n’engôrho n’amatumu.5Wayisha n’emisî, wamoleka nka cimole, wamanuka oku ntondo z’ensiku n’amango.6Entwâli mpu zinyagâge zànyagwa, mpu zihungâge zij’îrò, zàyumva amaboko gàrhoga.7Wakankama obwo, Nyamuzinda wa Yakôbo, babomboro n’ebihêsi byàgama.8Bakurhînye, orhajîbwa omw’irwe, erhi budârhi bw’oburhè bwâwe burhuma.9Kurheng’emalunga akanwa kâwe kàyumvikana: igulu lyàgeramw’omusisi lyanamerha.10Nyamuzinda ayimuka obwo mpu aj’itwa emmanja, anagalukire abanyinyi babà okw’igulu.11Edomu àkukuza omu burhè bwâge, n’abanyi bàsigîre omu Emati, bakujirira olusiku lukulu.12Mujire ebiragâne mubirhûle Nyakasane Nnâmahanga, abâli eburhambi bwâge barhûle Nyamuzinda entûlo.13Ye kûla abaluzi mw’omûka. Ye nageza abâmi b’igulu mw’omusisi.