Lulanga lwa7shr_buk

Omusengero gw’omushinganyanya odwîrhe alibuzibwa

1Endûlù ya Daudi, àyiyimbiraga Nyakasane erhi Kushi w’omu bûko bwa Benyamini orhumire.2Nyakasane, Nyamuzinda wâni, we lwâkiro lwâni,ndîkûza oku badwîrhe bandibuza boshi, nciza nâni.3Lyo balek’inshembagula nka kula entale eshembagula omuhanya:emusharhule na ntâye wahalîza mpu amulîkûza.
4Yâgirwa Nyamuzinda, ka najizire okwo,k’obubî buli omu maboko gâni?5Ka najirîre orhampalalîri kubî,ka nashokwîre omushombanyi wâni buzira igwârhiro?6Akabà najizire ntyo, omwanzi anyandukekwo anangwanyanye,andabarhe n’obûla bwâni anabushandâze omu budaka!
7Yâgirwa Nyamuzinda, zûka omu bukunizi bwâwe,oburhè bw’abashombanyi bâni oburhange,ondwîre, Nyakasane, bulya wêne warhegekaga mpuolubanja lukâja aha kagombe.
8Omurhwe gw’amashanja gukuzunguluke,nâwe obarhegeke emalunga!9Nyakasane, we mutwî w’emmanja w’amashanja,oncîranulire, Yâgirwa Nyamuzinda,nyêre nka kulya obushinganyanya n’obwimâna bwâni bunali.
10Obubî bw’emihera buhwe,na ngasi oli mushinganyanya, omuzibuhye,we yishi ebiri omu murhima n’omu nsiko,Nyamuzinda mwimâna!
11Nnâmahanga ye mpenzi yâni,ye ciza abantu b’emirhima eshingânîne.12Nyamuzinda ye mutwî w’emmanja mwimâna,oburhè bwâge ntà lusiku burhûlûla.
13Abarhalonza okumugalukira, anabarhyagize engôrho yâge,asêze olugè lw’omuherho gwâge agufôle.14Omuhera gwône gucirheganyiza emyampi y’olufù,gwône gurhuma yagulumira.15Gw’ogwo gudwîrhe gwahiga emihigo y’obubîgudwîrhe gwârhimanya obulyâlya,ci ibala gwacîlerhera!
16Gudwîrhe gwarheganya omwîna n’okuguhumba,ci gwône gwarhogera mw’ogwo mwîna gwajiraga.17Obubî bwâge bwâmunanira emalanga,obulenzi bwâge bwâmusêra oku irhwe nka ngarha.
18Niehe nâvuga Nnâmahanga omunkwa oku bushinganyanya bwâge,nâyimba izîno lya Nyamuzinda w’Enyanya!
expand_more
Search