Lulanga lwa49shr_buk
Obufà-nshuzo bw’ebirugu
1Gwârhi omukulu w’abimbiza. Lwa bene Korè. Lulanga.2Muyumve guno mwe mashanja mweshi, murhege okurhwiri mwe mubà okw’igulu mweshi.3Barhwâli mweshi ninyu bantu kwône, mwe bagale ninyu bakenyi.4Akanwa kâni binwa bya bugula kaderha, n’omurhima gwâni bya burhimanya gwakengêra.5Nkola nayanka okurhwiri kwâni nkurhege omugani, nyanke omusi gw’olulanga nyimbirekwo omugani gwâni.6Cici cankarhuma najuguma amango ensiku ziri mbî? Cici cankarhuma nadirhimana nka ngosirwe n’empingira-mungo.7Zira zicîkubagira obuhirhi bwâzo, zinacîkunge obunji b’ebi zijira?8N’obwo omuntu arhacîcungula yêne, emwa Nyamuzinda omuntu arhacîhânakwo ncungulà:9Okufungira omûka gw’omuntu kurhali hôfi, na ntâkwo gwafungirwe lwoshi,10omuntu alarne arhaluse ensiku, alame burhafà.11Bulyâla omuntu anabone abagula bagabe ebirugu, abone abahwinja n’amadâga nago gafè, abone boshi, ebirugu byâbo babisigîre bandi bandi;12Enshinda zishubâge zo nyumpa babêramwo ensiku n’amango, n’obwo bihugo binji bal’ihîre amazîno gâbo!13Nanga ntà muntu walamire omu buhirhi: omuntu anashushîne n’ebintu byo birhengamw’omûka.14Yo njira y’abacîbikakwo omurhima eyo, kwo banafà ntyo abalimbira omugisho bàburhanagwa.15Kwo bahêkwa ekuzimu ak’ezaj’ibâgwa, lufù lubayâbula na bashinganyanya babarhegeka.16Niehe Nyamuzinda ekuzimu âyîsh’inkûla, bulyâla kurhôla âyish’intôla.17Irhondo okabona omuntu ahirhire orhayôbohaga, irhondo okabona eby’omu mwâge byaluga orhayôbohaga;18bulya olusiku afà arhacîyîkire kantu ciru n’akaguma, n’obuhirhi bwâge burhâmuluse omu kuzimu.19Ciru akabà amango àli acizîne àcîbwîzire ebinwa binjà, mpu: «abandi bakusîma obûla ocîkômbire wêne»,20kurhârhume arhaja omu balinda-mboho, balya barhakacifà bàbwîne akamole.21Omuntu ohirhîre buzira kurhimanya, anashushîne n’ebintu by’okubâgwa.