Obugashânize bw’okujà omu cirhînyiro
1Lulanga. Lwa Daudi.Igulu n’ebibâmwo byoshi bibà bya Nyakasane, Ye Nnâmahanga goshi n’ebiremwa byâgo byoshi.2Ye walijeberezagya oku ndêko y’enyanja, àliyûbaka analizibuhya oku maliba g’enyîshi.3Ndi wankarheremera oku ntondo ya Nyamuzinda, erhi ndi wankabêra omu bwâmi bwâge butagatîfu?4Omuntu w’amaboko mêru-kwêru n’ow’omurhima gucîre, olya orhahîra omurhima gwâge oku by’obunywesi, orhanalahira binyoma.5Oyo ye wâgishwe na Nnâmahanga, anacîranulirwe bwinjà na Nyakasane Muyôkozi wâge.6Eryo lyo iburha ly’abamulonza, iburha ly’abalonza okubona obusù bwa Nyamuzinda wa Yakôbo.7Mwe nyumvi, yimuki, yimuki, mwe nyumvi z’ensiku n’amango: hundusi Mwâmi w’irenge.8«Ye ndi oyo Mwâmi w’irenge?» «Ye Nnâmahanga ciri-misî, ntwâli, ye Nyakasane ohima entambala.»9Mwe nyumvi, yimuki, yimuki, mwe nyumvi z’ensiku n’amango, hundusi mwâmi w’irenge.10«Ye ndi oyo mwâmi w’irenge?» «Nyamuzinda w’Emirhwe: yêne ye mwâmi w’irenge.»