Lulanga lwa16shr_buk
Nyakasane ye Mwîmo gwâni
1Lwa Daudi.Yâgirwa Nyamuzinda, onnange,bulya we lwâkiro lwâni.2Nabwîzire Nnâmahanga, nti: «We Nyakasane»,«Nnâhamwîrhu, buzira we ntà kwinjà».3Abimâna bali omu cihugo,bo Nnâmahanga arhonya.4Abandi bashiga abazimu,kuyûshûla bacîyûshûlira obuhanya.Barhakabona nahuma omu mwamba gw’embâgwa zâbo,barhakàyumva mpu amazîno gâbo gampisire ekanwa.5Waliha Nyamuzinda, we cigabi câni c’omwîmo,we na kabehe kâni,we gwêrhe obuzîne bwâni omu maboko gâwe.6Olugero bàntambagizagyamwo lwangerîre oku nsîmire,ecigabi câni c’omwîmo ciri cinjà.7Ayâgirwe Nyakasane ôkampà ihano,ciru n’obudufu nanyumve ihano lyampubuka omu ndubi y’omurhima.8Amasù gâni gayôrha gasinza Nyakasane ngasi mango,kulya kubà andi ebulyo, ntankahuligana.9Co cirhumire omûka gwâni gusîma n’omûka gwâni gucishinga;ciru n’omubiri gwâni guluhûsire omu murhûla.10Bulya orhankalikirira omûka gwâni omu kuzimu,orhankanaziga omwîra wâwe abolera omu nshinda.11Wanyêreka enjira y’akalamo,obwimâna bw’amasîma omu kubona obusù bwâwe,ekulyo kwâwe, mwîshingo gw’ensiku n’amango.