Lulanga lwa139shr_buk

Irenge kuli olya oyishi byoshi

1Gwârhi omukulu w’abimbiza. Lulanga. Lwa Daudi.Nyakasane, wandolêrize wammanya:2Ntamîre, nyimanzire, orhahabiri,enkengêro zâni oku ziciri kulî, erhi okola ozimanyire;3ngwîshîre, ndambagîre, erhi wambona,enjira zâni zoshi ntà nguma ohabire.
4Akanwa kanabè kacindi emurhima karhacihika oku lulimi,erhi na mîra wakamanyaga koshi.5Ongwârhîre emalanga n’ebirhugo,onandêkerîzekwo okuboko kwâwe.6Obumanye buli ntyo bunsômîre bwenêne,buntalusire bwenêne, ntakabuyumva.
7Ngahi nakaja nderhe nti nkola ndi kulî n’omûka gwâwe?Ngahi nakayâkira amasù gâwe?8Nsôkîre emalunga, yo ôbà!,ngwîshîre ekuzimu-bwînini, we Nnayo.9Erhi nakalamukira mucêracêra,nti njiyûbaka iduli ly’enyanja:
10Ciru n’eyo munda nayo kuboko kwâwe kwayimpisa,kulyo kwâwe kwayisha kundwîrhe.
11Erhi nakanderha, nti: «Ciru omwizimya gumbwîke,n’obudufu bunzonge nka mûshi.»12Omwizimya wêhe gurhakubêra mwizimya,n’obudufu kuli we kwo buli nka mûshi,endundulya y’omwizimya kuli we kw’eri nka mûshi.
13We waburungusagya ensiko zâni,We wambumbaga omu nda ya nyâmà.14Ncîkwitakîre bulya oku wanjirîre kusômerîne,bulyâla emikolo yâwe eri ya kurhangâza.Omurhima gwâni ogumanyire bwinjà,15na ntà kavuha kandimwo ohabire.Nabîre ndwîrhe nabumbwa bushâla-shâla,nabîre ncidwîrhe nashwinjirwa omu kuzimu,16erhi n’amasù gâwe mîra gabonaga ebijiro byâni,erhi byoshi binakola biri biyandike omu citabu câwe;ensiku zâni zayôrhaga ziri nganje,erhi n’olurhanzi-rhanzi muli zo lurhacija oku nkuba.
17Enkengêro zâwe Nnâmahanga,mbwîne ziri ndârhi; gunali mwandu, zirhankaganjwa!18Erhi nderha nti nziganje zoshi,nashanga zo nyinji oku mushenyi;erhi nankaderha nti namâyûsa lêro,nnanashanga rhwembi rhuciri.
19Nyamuzinda, mâshi oyîrhe enkolamaligo,n’abîsi b’abantu barhengeho omuntu!20Bulyâla bàkugomîre okubozire,abashombanyi bâwe bàrhwâmire kubî.
21Abakushomba, Yâgirwa, kàli nâni kushomba mbashomba!Ka mbonakwo abasharhirakwo Nyamuzinda!22Kushomba mbashomba, ntabakwîrirwa,omu masù gâni bali bagoma.
23Nnâmahanga, ondolêreze obone omurhima gwâni,onjè emurhima obone enkengêro zâni.24Wâbona oku arhali njira mbî ngeramwo,ongeze omu njira y’abà mîra, Muhânyi.
expand_more
Search