Lulanga lwa105shr_buk
Amaganîro g’okurhangâza g’Israheli
1Mukuze Nyakasane, muyakûze izîno lyâge, mumanyîse emikolo yâge omu karhî k’amashanja.2Mumuyimbire, mumuzihire ennanga, muyigâne ebinja àjizire by’okurhangâza.3Mucîtakîre izîno lyâge limâna, omurhima gwa ngasi balonza Nyakasane gurhimûkwe.4Musinze Nyakasane, musingirize obuhashe bwâge, mukaz’iyôrha mulongereza obusù bwâge.5Mukengêre emikolo y’okurhangâza àkozire, mukengêre ebisômerîne byâge n’ebinwa byâge.6Mw’oyo bene mwambali wâge Abrahamu mw’oyo bene enshâgi yâge Yakôbo.7Yêne ye Nyakasane Nnâmahanga, akanwa kâge igulu lyoshi karhegeka.8Arhayibagira endagâno yâge ensiku n’amango, arhayibagira akanwa àfundikiraga maburhwa cihumbi.9Kalya kanwa àfundikaga bo na Abrahamu, n’erya ndahiro àlahiriraga Izaki.10Kalya agwîkaga kashuba irhegeko kuli Yakôbo; kanaba ndagâno y’ensiku n’amango kuli Israheli.11Bulyâla aderha, erhi: «Nâkugabira ishwa lya Kanâni, bishube byo binyu birugu by’omwîmo».12Amango bàciri banyi, amango barhàli baciluga banabà bigolo eyo mwa bene;13amango bakazâgijà babunga, batwîka mwâmi bashige wundi.14Ago mango ntâye azigîre abarhindibuza, ciru banarhuma hajira abâmi ahana.15Mpu: «Murhahîraga mukahuma oku nshâgi zâni», mpu: «Murhahîraga mukashonza abageremwa bâni.»16Lêro anacirikira ecizombo omw’igulu, abanyaga ciru n’omugati bàkazagicîkubagira.17Erhi ànarhanzirigirhuma omuntu wabashokolera obwo; n’omuntu erhi ye Yozefu bàguzagya bujà.18Amagulu gâge erhi gali mazirike migozi, n’igosi lyâge erhi bamâlizonza budagulè.19Ayôrha ntyo kuhika akanwa àderhaga kâbà, n’akanwa ka Nnâmahanga kàmubêra.20Mwâmi arhumiza obwo mpu bamulîke, omurhambo w’amashanja amulîkûza.21Amujira mukulu w’enyumpa yâge, ànamubîsa ngasi hyâge hyoshi.22Mpu lyo akaziyigîriza abagula bâge nk’oku anabwîne yêne, anakazibwiriza abashamuka bâge oburhimanya.23Ago mango Israheli ahika omu Mîsiri, Yakôbo abalamira omu ishwa lya Kamu.24Olubaga lwâge lwanaciluga bwenêne, lwaluga lwarhaluka abashombanyi bâge.25Atulongola omurhima gw’abo bashombanyi mpu bamînyize olubaga lwâge banalenganye abambali.26Oku bundi arhuma omwambali Mûsa, arhuma n’omwîshogwa wâge Aroni.27Bakolera ebisômerîne byâge omu karhî kâbo. bakola ebirhangâzo omw’ishwa lya Kamu.28Arhuma omwizimya, endundulya yacîbêra, bàyumva ebinwa byâge.29Amîshi gâbo agahindula mukò, n’enfî zâbo azinigûza.30Ecihugo câbo cayunjula bikere, byahika ciru n’omu rhwonga rhw’oku bwâmi.31Aderha akanwa kwayisha irumbu ly’enzi, ecihugo coshi cayunjula mihusha.32Abashobôza olubula mpu nkuba, ecihugo câbo coshi acîrhulirakwo omuliro gw’engulumira.33Emizâbîbu yâbo n’emirhi yâbo y’amalehe ayihira oku’idaho, ashangula na ngasi murhi gwàli gumezire omu cihugo câbo.34Alîka akanwa, enzige zàgwa, amahanzi gôhe garhânkaganjirwe.35Zakera ngasi hyasi hyànali omu cihugo, zayôna ngasi mburho yanali omu mashwa gâbo.36Enfula z’omu cihugo câbo azilambika okw’idaho, ngasi lubere lwa magala gâbo lwoshi.37Abahulusa bacîyikîre amagerha n’amasholo, harhànali omuzamba ciru n’omuguma omu mashanja gâbo.38Ab’e Mîsiri erhi bàbona bàgenda basîma, bulyâla ebihamba byàli byamâbagwârha.39Alambûla ecitù cabacinga, atwâna omuliro gwabamolekera budufu.40Basengera, abarhumira enkwâle, anabashalûla n’omugati gw’empingu.41Abasa ibuye amîshi gàpamukamwo, gàhulula omu irungu nka lwîshi erubanda.42Ajira ntyo bulyâla àli akengîre akanwa kâge kimâma, kalya kanwa abwîraga omwambali Abrahamu.43Anahulusa olubaga lwâge omu nshagadu, n’abîshogwa bâge abalika n’omwîshingo.44Abashobôza ecihugo c’amashanja, banayîma omu by’abanyamahanga.45Ajira ntyo mpu lyo baseza akanwa kâge, banalange amarhegeko gâge!
No translations available.