Ayubu26shr_buk
1Okubundi Ayubu anacij’eluhya, aderha, erhi:2Wêne oyîsh’irhabâla omuzamba, wêne onalîkûze okuboko kurhàgwêrhe misî!3Wêne wankahash’irhabâla omuntu orhagwêrhi burhimanya! wêne wankayêrekana oku ogwêrhe obukengêre bunji!4Ndi obwizire ebyo binwa? Ndi okuhire ogwo mûka gwarhenga muli we?5Ebizunguzungu bidwîrhe byarhenga mw’omusisi ekuzimu, kuguma n’amîshi n’ebigabamwo.6Okuzimu kuli kubwikûle embere zâge, omuhengere gurhali mufûnike.7Olunda lw’emwênè analugalihye buzira cici, n’igulu alimanike oku busha.8Anasimârhe amîshi garhenge omu bitù, n’ebitù birhanabereke idako lyâgo.9Anayigale obusù bw’Obwâmi bwâge, abubwikire n’ecitù.10Atwìre emburûnguse oku mîshi, kuguma n’olubibi lugabânya obulangashane n’omwizimya.11Enkingi z’empingu zanahôngoka, zijugurne nk’amâzikankamira.12Oku buhashe bwâge enyânja enaberânguke, n’omu kukolêsa obukengêre bwâge ebongêreze Rahabu.13Omûka gwâge gunarhume enyânja yarhûlûla, n’okuboko kwâge kwaberangwîre enjoka yàlonzagya okuyâka.14Akabà ko bibonekana ntyo, ebya emisigala y’emikolo yâge, ebi rhubona ka birhali buzira nsimiko; ci omukûngulo gw’obuhashe bwâge ndi wankaguyûmva?