Olushika33shr_buk
Mûsa agisha olubaga embere afè
1Alaga omugisho Mûsa, muntu wa Nyamuzinda, ahîre Bene Israheli embere afè.2Aderha, erhi: Nyamubâho arhengaga e Sînayi, abamolekera kurhenga e Seyiri, alangaza anali oku ntondo ya Parani. Ho ali ayishire kurhenga oku mbugânano kurhenga e mukondwè gwa Kadeshi kuhika oku Mirhezi.3We zigira bashakulûza, abatagatîfu boshi omu maboko gâwe banali,bali bafukamire aha magulu gâwe. Erhi bakûla omulindi erhi we badwîrhe4(Mûsa arhuhìre irhegeko); Endêko ya bene Yakôbo yajà omu mwîmo gwâyo.5Hali omwâmi omu Yeshuruni, erhi abarhambo b’olubaga babugânana,erhi amashanja ga Bene Israheli galungana goshi.6Rubeni alame arhafâga. Ciru akabà abalwî bâge barhali banji.7Alaga ebi adesire kuli Yûda: Nyamubâho, oyumvîrhize izù lya Yûda,onamushubize aha lubaga lwâge.Amaboko gâge gafungire ehyâge,oyîshe omurhabâle oku bashombanyi bâge;8Kuli Levi, aderha, erhi: Ohè Levi e «Urimu» zâwe,n’e «Tumimu» zâwe, ozihe olya muntu wababaliraga,wamanamurhangula aha Masa,erhi wamarhangimujîsa kadaliaha burhambi bw’amîshi ga Meriba.9Aderha kuli nina nakuli îshe, erhi: «Ntamubonaga».Bene wâbo, arhabamanyiri.Nêci akanwa kâwe bakalonzize,n’endagâno yâwe babà bayibîkirîre.10Banayigîrize Yakôbo engeso zâwe,na Israheli Olushika lwâwe.Banasôkeze omugî emund’oli,badêkereze n’enterekêro oku luhêrero lwâwe.11Nyamuzinda, ogishe emisî yâge,onayêmêre omukolo gw’amaboko gâge.Oshangule ensiko z’abashombanyi bâge,n’ez’abanzi bâge kuhika barhibuke.12Kuli Benyamini, aderha, erhi: Benyamini ali murhonyi wa Nyamubâho,Ye anayegemîre burhahuligana.Ow’enyanya ye mulanga ensiku zoshi,ho anabêra aha karhî k’amalango gâge.13Kuli Yozefu aderha, erhi: Ecihugo câge Nyamubâho acigishire.Co cirimwo ebinja by’emalunga enyanya.Co cigwêrhe n’ebindi binjà by’ekuzimu.14Cirimwo ebinja izûba liyêza hano igulu n’ebinja omwêzi gumeza,15enfula y’entondo za mîra, olubere lw’orhurhondo rhwa mango-mîra,16ehinja hy’omu budaka n’ebinja by’omu myâka y’amashwa,oburhonyi bw’olyâla oyûbaka omu ishaka:budêke oku irhwe lya Yozefu,oku irhwe lya nyakwîshogwa omu karhî ka bene wâbo.17Acûke nka nfizi ya lubere. Amahembe gâge nka mahemhe ga mbogo,go gatumirha amashanja gagakwâme gagahise aha kafende k’igulu.Gwo mwandu gw’engabo ya Efrayimu, byo bihumbi by’engabo ya Menashè.18Kuli Zabuloni, aderha, erhi: Obâbwe, Zabuloni, omu majira gâwe,na nâwe Isakari, omu bihando byâwe.19Amashanja gakaziyishigashaniriza oku ntondo,ganarherekêre enterekêro y’obushinganyanya,bulya gâyunjula obugale bw’omu nyanja n’ebinja bifulisirwe omu mushenyi.20Kuli Gadi, aderha, erhi: Ayâgirwe Mugalihya ogalihya Gadi!Agwîshîre nka ntale-nkazi; amashanshanyula okuboko, obusù n’irhwe.21Omu kucîshoga, acîshoga ebirhangiriza,gwo gwàli mwanya babikiraga omurhambo.Oku bundi ayisha ali murhambo wa ngaboerhi amanayumanyanya obushinganyanya bwa Nyamubâho,amanayunjuza ebinwa byâge kuli Israheli.22Kuli Dani, aderha, erhi: Dani eri ntale nto,ecirhunisire kurhenga e Bashani.23Kuli Nefutali, aderha, erhi: Nefutali ayunjwîre ngalo z’oburhonyi,ayunjwîre migisho ya Nyamubâho:enyanja n’emukondwè liri ishwa lyâge.24Kuli Azeri aderha erhi: Azeri agwêrhe omugisho omu karhî ka bene îshe.Ayôrhe arhonyire ekarhî ka bene wâbo, okugulu kwâge kuyorhe kuli omu mavurha!25Orhuhamiko rhwâwe rhukaziyôrha rhuli rhwa cûma n’omulinga,n’amagala gâwe mazibu gayunjule nsiku z’akalamo kâwe zoshi!26Ntâye oli aka Nyamuzinda wa Yeshuruni,ye olya ojà wagera e malunga mpu akurhabâle ntyo,n’obuhashe bwâge alambagire oku bitù.27Ayôrha abà lwâkiro, Nyamuzinda, omu nsiku za mîra, na hano shishi,anacikazikushumbiriza amaboko gâge g’ensiku n’amango;akugishe embere zâwe omushombanyi amubwîre erhi: «Okayurha»!28Israheli ayûbaka ahantu h’omurhûla.Liri hâgo hâgo iriba lya Yakôbo,linadomêrere ecihugo c’engano n’idivayi,n’amalunga gâge ganakazirhoza olumè.29Wamajira iragi wâni Israheli!Ndi oli akâwe, we lubaga lwayôkolagwa na Nyamubâhoye mpenzi y’oburhabâle bwâwe, ye na ngôrho y’irenge lyâweAbashombanyi bâwe bakushishashishana nâwe wêne okazigera enyanya zâbo.