YAKOBO4
1Ngondii ne dwudwolɛ bɔ ɔkɔ so wɔ ɛmɔ nu ne, ofi nisua? Ɛmɔ akɔnnɔ bɔ ɔne ɛmɔ kõ ne, nnaa nu yeɛ ofi ɔ?2Bɔ ɛmɔ konvi wɔ so ne, ɛmɔ nnya ye; ɛmɔdi awue, ɛmɔ nye boro nikye, nakoso bɔ ɛmɔpena ne, ɛmɔ sa nga ye. Ɛmɔ bɔ ɛmɔ nwo alapaa, na ɛmɔ kõ, nakoso ɛmɔ sa nga ye, ofikyɛ ɛmɔ mmisa.3Na sɛ ɛmɔ bisa a, ɛmɔ sa nga ye, ofikyɛ nná adwene pa yeɛ ɛmɔfa bɛ bisa ɔ. Ɛmɔpena kyɛ ɛmɔfa bɛyɛ bɔ ɛmɔ akɔnnɔ kuro ɔ.4Ɛmɔ bɔ ɛmɔ sɛkye agyaa ne, ɛmɔnze kyɛ sɛ ɛmɔfa wiase ne adamvoa a, okyire kyɛ ɛmɔtane Nyameɛ? Yeti ebiala bɔ okuro kyɛ ɔfa wiase ne adamvoa ne, né ɔyɛ ye nwo Nyameɛ tamfo.5Anaa ɛmɔse kyɛ mmerɛ bɔ tworɔnzɛm ne hane kyɛ, “Honhom bɔ ɔte yɛ nu ne nye boro nikye” ne, né ɔlaka?6Nakoso adom bɔ wafa wama yɛ ne, ɔsone tra sɔ honhom ne. Yeti, tworɔnzɛm ne ka kyɛ:“Nyameɛ si bɛ bɔ bɛte dwɛɛ ne atee,ná anwobraseɛfoɛ de, ɔdo bɛ.”7Yeti ɛmɔbrɛ ɛmɔ nwo ase bɛwura Nyameɛ bo. Ɛmɔsi Abɔnzam atee, na ɔkɔnwati kofi ɛmɔ nwo.8Ɛmɔpingye Nyameɛ, na ye koso okopingye ɛmɔ. Abɔnefoɛ, ɛmɔnwunzi ɛmɔ sa; ná ɛmɔ bɔ ɛmɔ adwene yɛ ɛmɔ nyɔ-nyɔ ne, ɛmɔte ɛmɔ ahone nu.9Ɛmɔli yealɛ, ɛmɔma ɛmɔ wora bɔ, ná ɛmɔsu; ɛmɔma ɛmɔ serelɛ kakyi aworaborɛ, na ɛmɔ anigye kakyi esue.10Ɛmɔbrɛ ɛmɔ nwo ase wɔ Awurade nyunu, na ɔkɔma ɛmɔ so.11Aliemaa mɔ, nnɛmɔ dwudwo betia ɛmɔ nwo kõ. Ebiala bɔ odwudwo tia oliema anaa obu ye atɛn ne, wadwudwo watia mmeraa ne, ná wabu mmera ne atɛn.12Bɔ ɔkora hyɛ mmera ma yɛ, na obu yɛ atɛn ne te komapɛ, ye ala yeɛ ɔkora de ngoa, na ɔsɛkye ebie ɔ. Yeti wɔ yeɛ ele nwa, bɔ ebu eliema atɛn?13Ɛmɔtie, ɛmɔ bɔ ɛyɛ a ɛmɔka kyɛ: “Ɛnɛ anaa ɛhema, yɛkɔtu atee yɛkɔhɔ kuro he aso yɛkooli afoɛ, na yayɛ adwuma yanya mvasoɛ,”14nakoso bɔ okosi ɛhema po ne, ɛmɔnze ne. Ɛmɔ ngoa te kyɛ nwosina, ɔba mmerɛ kaa bie, né wamini.15Mmom, odikyɛ ɛmɔka kyɛ: “Sɛ Awurade boka na yɛte ngoa nu a, yɛkɔyɛ ɛhe anaa ɛhe.”16Nakoso ɛmɔ de, ɛmɔkeka edwirɛ mbiri-mbiri bɛfa bɛhoɔhoa ɛmɔ nwo. Sɔ ahohoɔhoa namukoraati te bɔne.17Yeti, ebiala bɔ ɔse pa na ɔnyɛ ne, ɔte bɔne ma ye.
Lexihub