HEBRIFOƐ8
1Bɔ yɛka namukoraati ne, bɔ yɛpena yɛkyire yeɛ ole kyɛ: Yɛle sɔfo panyi bie sɔ, na ɔte Otumvoɛ né bia ne famaa so wɔ anwuro,2ná ɔyɛ adwuma wɔ nekaa krongron berɛ ne tɛnt nanu. Sɔ tɛnt ne, nná sona yeɛ osili ɔ, mmom Awurade bɔbɔ yeɛ osili ɔ.3Bɛye sɔfo panyi biala kyɛ ɔfa akyɛdeɛ ma, na ɔbɔ afɔleɛ; yeti ɛhe koso, odikyɛ ɔfa nikye bie bɔ afɔleɛ.4Sɛ ɔwɔ aseɛ so a, ahaa ɔngɔyɛ sɔfo po, ofikyɛ asɔfo wɔ berɛ bɔ bɛfa akyɛdeɛ bɛma kyɛbɔ mmeraa né kyire ne.5Adwuma bɔ sɔ mmrienzua nemɔ yɛ ne, ɔte kyɛ bɔ ɔwɔ anwuro ne pɛpɛɛpɛ, ɔte ye wawoɛ. Sɔ ala yeɛ Mose koso, mmerɛ bɔ ne ɔbaasi tɛnt ne, Nyameɛ ha hyirele ye kyɛ: “Nea kyɛ ɛkɔyɛ nikye biala pɛpɛɛpɛ te kyɛ bɔ mva ngyirele wɔ wɔ bokaa naso ne.”6Nakoso kesaalae de, Kristo sa aha sɔfodwuma bɔ odi mu koraa tra bɛ deɛ ne, ofikyɛ ye yeɛ apam bɔ odi mu ne gyi ye so ɔ; na sɔ apam ne, ogyi bɔhyɛ ahoroɛ bɔ odi mu so.7Sɛ ne edwirɛ nne apam bɔ oli moa nanwo a, ahaa ye nwo nhia kyɛ bɛyɛ apam bɔ ɔtɔ so nyɔ.8Nakoso onwuni mvomsoɛ wɔ mmenia nanwo, yeti yeɛ ɔhane kyɛ:“ ‘Ɛmɔtie, ngyẽa bie ba,na mene Israel awuro ne Yuda awuro kɔyɛ apam foforɛ,’Awurade yeɛ waha ɔ.9‘Ɔngɔyɛ kyɛ apam bɔ mene bɛ nana mɔ yɛlemmerɛ bɔ nzosɔle bɛ sa nyele bɛ mvili Egypt aseɛ so ne.Ofikyɛ banni me apam naso,yeti me koso nyele me nye mmane bɛ,’Awurade noa dwirɛ ɛne.10‘Mmom apam he yeɛ mene Israel awuro kɔyɛ ye wɔ ngyẽa ne si ɔ,’Awurade noa dwirɛ ɛne.‘Ngɔfa me mmeraa ngowura bɛ ti anu,na mahworɔ magua b'ahone nu.Na ngɔyɛ bɛ Nyameɛ,na bɛ koso bayɛ me maen.11Na bɛ nu biala ngohyire ye mmango anaa oliema kõ kyɛ:“Nwu Awurade,”ofikyɛ bɛ mukoraati, ofi akwalaa so bɔ ɔkwaadwu panyi so ne,ebiala konwu me.12Na ngonwu bɛ awunvoin wɔ bɛ amumuyɛɛ nwo,na bɛ bɔne koso, mengɔkaye ye kõ.’ ”13Mmerɛ bɔ ɔhane “apam foforɛ” ne, okyire kyɛ apam bɔ oli moa ne ayɛ daa. Na nikye biala bɔ wayɛ daa, ná ɔpɛ nu ne, ɔngɔhyɛ okomini.
Lexihub