HEBRIFOƐ1
1Tete ne, Nyameɛ nate adiifoɛ so dwudwo hyirele yɛ baba mɔ. Ɔfale atee ahoroɛ so yɛle sɔ mmerɛ pee.2Nakoso awieɛ mmerɛ he anu de, ɔnate Ɔwa naso yeɛ wadwudwo wahyire yɛ ɔ. Ye yeɛ waye ye kyɛ ɔnea nikye biala so ne, afei koso ɔnate ye so yeɛ ɔbɔle nikye biala ɔ.3Ye yeɛ ɔmaa yɛnwu Nyameɛ anuonyam, ɔte kyɛ Baba ne pɛpɛɛpɛ, na ɔnate ye dwirɛ bɔ tumi wɔ nu naso maa nningyein mukoraati kɔ so tena berɛ. Ɔtele yɛ nwo fili yɛ bɔne nwo yiele ne, ɔɔtenane Otumvoɛ ne sa famaa so wɔ anwuro.4Yeti bama ye so batra abɔfo nemɔ, na wanya dumaa bɔ odi mu tra bɛ deɛ ne koraa.5Ofikyɛ abɔfo nanu nwa yeɛ Nyameɛ aha ahyire ye le kyɛ:“Ɛte mma,na ɛnɛ mayɛ wɔ Baba” ɔ?Anaa ɔha hyirele ye kyɛ:“Ngɔyɛ ye Baba,na ye wora wayɛ mma” ɔ?6Ɔma ye Piesie ne ba aseɛ he aso bieku ne, ɔhane kyɛ:“Ma Nyameɛ abɔfo namukoraati koto ye.”7Osa hane abɔfo nemɔ nwo dwirɛ kyɛ:“Honhom yeɛ ɔfa yɛ ye abɔfo ɔ,na ye asomvoɛ de, see bɔ ɔsɔ.”8Nakoso Ɔwa ne de, ɔhane kyɛ:“Nyameɛ te wɔ bia daa daa,na w'Ahennie pɔmaa te tenenee pɔmaa.9Ɛdɔ tenenee, na ɛkyi amumuyɛɛ.Ɛhene ati yeɛ Nyameɛ,wɔ Nyameɛ afa ahurusi ngoo asra wɔ atra wɔ nnamvo mɔ ne.”10Yeɛ osa hane kyɛ:“O Awurade, ahyɛaseɛ ne, ɛtole aseɛ fapemna anwuro te wɔ sa noa adwuma.11Bɛkɔsɛkye, nakoso wɔ de, ɛwɔ berɛ daa,ye mukoraati kɔyɛ daa te kyɛ atadeɛ.12Ɛkɔbobɔ bɛ te kyɛ ɛtena,na bɛkɔsesa te kyɛ atadeɛ.Nakoso, wɔ de, kyɛbɔ ɛte nala yeɛ ɛte ɔ,na w'afoɛ ngɔwa awieɛ.”13Na abɔfo nanu beni yeɛ Nyameɛ aha ahyire ye le kyɛ:“Tena me sa famaa so kodwu kyɛngɔfa w'atamfo ngogua wɔ gya bo” ɔ?14Aso bɛ mukoraati bɛtte ahonhom bɔ bɛyɛ adwuma krongron, bɔ bɛsoma bɛ maa bɛkɔsõ bɛbɔ bekonya ngoa ne?
Lexihub