EFESOFOƐ5
1Yeti, ɛmɔsuesua Nyameɛ kyɛ ye mmaa bɔ ɔdɔ bɛ,2na ɛmɔhɔ so bɛnate ɔdɔ nu kyɛbɔ ne Kristo dɔ yɛ, ná ɔfale ye ngoa tole berɛ mane yɛ kyɛ akyɛdeɛ ne afɔleɛ fona-fona mane Nyameɛ ne.3Ná adwaman, bra-bɔne, ne anyeborolɛ po de, nnɛmɔ maa bɛbɔso po wɔ ɛmɔ nu, ofikyɛ ɔmvata mmenia bɔ bɛte krongron.4Afei koso, nnɛmɔ maa nikye bɔ ɔyɛ fɛle, ngwasea-keka, anaa aseresɛm bɔ ɔmvata fite ɛmɔ nu, mmom ɛmɔla ase.5Ofikyɛ ɛmɔse ye paa kyɛ, ebie bɔ ɔbɔ adwaman, ebie bɔ ɔbɔ bra-bɔne, anaa ebie bɔ ye nye boro nikye (kyire kyɛ, ebie bɔ ɔsõ bosoen) biala nne berɛ bɔ okonya ye nwo atee kɔhɔ Kristo ne Nyameɛ Ahennie nanu ɔ.6Nnɛmɔ maa ebiala fa edwirɛ mbaen biala laka-laka ɛmɔ, ofikyɛ sɔ nningyein hemɔ ati yeɛ Nyameɛ yaa ba asoserɛfoɛ so ne.7Yeti, nnɛmɔyɛ bɔ bɛyɛ ne bie.8Daa ne, ne ɛmɔte awosii, nakoso kesaalae de, ɛmɔte kanea wɔ Awurade nu,9na mmaa bɔ kanea ne su yeɛ ole bra pa, tenenee, ne nahorɛ biala.10Yeti ɛmɔnea, sɛ bɔ ɛmɔyɛ ne, ɔsɔ Awurade nye a.11Nningyein tɛɛ bɔ bɛyɛ ye wɔ awosii nu ne, nnɛmɔyɛ bie, mmom ɛmɔye bɛ bo bɛgua so.12Ofikyɛ nningyein bɔ bɛyɛ ye wɔ awosii nu ne, ɔyɛ fɛle po kyɛ bɛkɔbɔ so.13Na nikye biala bɔ ye nwo kɔla berɛ ne, kanea yeɛ ɔmaa ye nwo da berɛ ɔ, na nikye biala bɔ ye nwo ala berɛ ne, ɔte kanea.14Ɛhe ati, ɔka kyɛ:“Wɔ bɔ ala ne, dwɔso,dwɔso fi ewue nu,Na Kristo kɔmaa ɛkɔta.”15Na ɛmɔnea ɛmɔ nwo ye paa, ná kyɛbɔ ɛmɔ bɔ ɛmɔ bra ne anyɛ kyɛ bɛ bɔ bɛnze nworɛ ne, mmom ɛmɔyɛ anyanzafoɛ,16ná ɛmɔfa ɛmɔ mmerɛ bɛyɛ nikye pa, ofikyɛ ngyẽa bɔ yɛwɔ nu ne, ɔttemaye.17Yeti, nnɛmɔyɛ kyɛ mmenia bɔ bɛlle adwene, mmom ɛmɔyɛ mmenia bɔ bɛte bɔ Awurade kuro nabo.18Ɛhe ati, nnɛmɔ no nzãa bɛbo, ofikyɛ ɔmaa sona yɛ basabasa. Mmom ɛmɔma honhom né yi ɛmɔ tɛkyɛ.19Ɛmɔfa edwein, ayɛyie dwein, ɔne honhom nu dwein bɛdwudwo behyire ɛmɔ nwo. Na ɛmɔto edwein wɔ ɛmɔ ahone nu bɛye Awurade ayɛ,20na daa biala, ɛmɔla yɛ Baba ne yɛ Nyameɛ ne ase wɔ nikye biala nu, wɔ Yesu Kristo dumaa nu.21Ɔnate kyɛ ɛmɔsuro Kristo nati, ɛmɔbrɛ ɛmɔ nwo ase bɛma ɛmɔ nwo.22Mmrasua, ɛmɔbrɛ ɛmɔ nwo ase bɛma bɛ humɔ, te kyɛ bɔ ɛmɔyɛ bɛma Awurade ne,23ofikyɛ brienzua yeɛ ɔte ɔye ti, kyɛbɔ Kristo te asafo ne ti, ná ɔte nipadua ne agyenkwa ne.24Na kyɛbɔ asafo ne brɛ ye nwo ase ma Kristo ne, sɔ ala yeɛ odikyɛ brasua koso brɛ ye nwo ase ma ohu wɔ nikye biala nu ɔ.25Mmrienzua, ɛmɔhɔ so benya ɔdɔ bɛma bɛ yemɔ, kyɛbɔ né Kristo koso dɔ asafo ne, na ɔfale ye ngoa tole berɛ mane ye ne,26na wamaa wafa edwirɛ ne wayɛ nzue wanwunzi asafo nanwo, na wate ye nwo,27kyɛbɔ ɔkɔyɛ a, asafo ne nwo kɔwa anuonyam kɔma ye, na wayɛ krongron bɔ ɔpombole, na efiɛ, anaa ngekayɛɛ biala nne ye nwo ɔ.28Sɔ ala koso yeɛ odikyɛ mmrienzua dɔ bɛ yemɔ kyɛ bɛ bɔbɔ bɛ nwonaen. Ebiala bɔ ɔdɔ ɔye ne, ɔdɔ ye nwo.29Ná ebiala nne berɛ bɔ ɔtane ye bɔbɔ ye nwonaen ɔ, mmom ɔnea so ye, na ɔmaa ye nye kɔ ye nwo, kyɛbɔ Kristo yɛ asafo ne,30ofikyɛ yɛboka ye nipadua naso.31“Ɛhe ati yeɛ brienzua kɔyakyi ye baba ne ye maame berɛ, na ɔne ɔye aha abɔnu, maa bɛ munyɔ ne ayɛ anwoɔnaen kõ.”32Sɔ dwirɛ krongron bɔ wafea he te piri, ɛhe de, Kristo ne asafo nanwo dwirɛ yeɛ meka ne.33Nakoso, odikyɛ ɛmɔ nu biala dɔ ɔye kyɛ ye bɔbɔ ye nwo, ná brasua ne de, óbu ohu paa.
Lexihub