KOLOSEFOƐ2
1Na mepena kyɛ ɛmɔnwu mmɔden paa bɔ mebɔ mema ɛmɔ ne bɛ bɔ bɛwɔ Laodikea ne, ɔne bɛ bɔ nnwuni bɛ nyunu lle ne.2Kyɛbɔ ɔkɔyɛ a b'ahone kɔtɔ bɛ kunu, bɛkɔyɛ kõ wɔ ɔdɔ nu, na ndeaseɛ bɔ odi mu bɔ banya ye nati, banya mvasoɛ, kyɛbɔ ɔkɔyɛ a, bekonya Nyameɛ dwirɛ krongron bɔ wafea nanwo nimdeɛ bɔ odi mu, bɔ yeɛ ole Kristo ne.3Ye nu yeɛ bafa nyanza ne nimdeɛ bɔ ɔsom bo mukoraati bafea ɔ.4Meka ɛhe, kyɛbɔ ɔkɔyɛ a, ebiala ngɔfa edwirɛ biala ngɔlaka-laka ɛmɔ ɔ.5Ɔwɔ nu, nne berɛ anwoɔnaen nu, nakoso, nwɔ berɛ honhom nu, na ɔyɛ me fɛ kyɛ ɛmɔ toto nningyein yé, na ɛmɔ anya gyidie bɔ enu yɛ se wɔ Kristo nu ɔ.6Yeti, kyɛbɔ ɛmɔ alɛ́ Awurade Kristo Yesu bato nu ne, ɛmɔhɔ so bɛ ne ye nate,7ɛmɔma bɛto ɛmɔ besie ye so, ná ɛmɔtira ndii, ɛmɔgyina pindinn wɔ gyidie nanu kyɛbɔ bahyirehyire ɛmɔ ne, na ɛmɔla Nyameɛ ase daa.8Ɛmɔnea yé, ná ebie amva wiase nyanza ne edwirɛ mbaen bɔ oggyi Kristo so, na mmom ogyi sona atetesɛm ne nningyein bɔ ɔwɔ wiase nanu naso anlaka-laka ɛmɔ;9ofikyɛ Kristo nu yeɛ Nyameɛ suban mukoraati di mu ɔ.10Yeti, ɛmɔ nate Kristo bɔ ɔte awaen ne tumidie mukoraati ti naso ali mu.11Ye bɔ ɛmɔ ne ye fale adamvoa ne yeɛ wamaa bapɛ ɛmɔ toa, nná asaa yeɛ bɛfa bɛpɛle ɔ, mmom Kristo nu yeɛ bɛpɛle ɛmɔ toa bɛyele anwoɔnaen nipadua ne bɛfili berɛ ɔ.12Na mmerɛ bɔ ɛmɔ bɔle asu ne, besiele ɛmɔ bɛbokale ye so, na bɛtingyele ye ne ɛmɔ bɛbɔle nu, ofikyɛ ɛmɔ nyane gyidie wɔ Nyameɛ nyumaa mbiri-mbiri nanu, ye yeɛ otingyele Kristo fili ewue nu ne.13Mmerɛ bie, ɔnate ɛmɔ mvomsoɛ ne ɛmɔ nipadua bɔ ne ɛmɔpɛlle ye toa nati, né ɛmɔ awu, nakoso, Nyameɛ maa ɛmɔ ne Kristo wale ngoa nu. Ɔlole yɛ fale yɛ mvomsoɛ mukoraati hyɛle yɛ,14na mmeraa bɔ bɛfale bɛ sa bɛhworɔle, bɔ ahyɛdeɛ wɔ nu, ná ɔkõ tia yɛ ne, okyikyi fili berɛ. Ɔye fili berɛ fa bɔle asɛnnua nanu.15Na mmerɛ bɔ ɔpale awaen ne tumidie ahoroɛ nanwo tena ne, oguale bɛ nyunu ase wɔ badwanu, na ɔnate asɛnnua naso amaa ebiala anwu ye kyɛ wali bɛ so ngunim.16Yeti, nnɛmɔ maa ebiala bu ɛmɔ atɛn wɔ bɔ ɛmɔ koli, bɔ ɛmɔ kɔno, afahyɛ, ɛsraen foforɛ, anaa homeda nwo.17Né ɛhemɔ te nningyein bɔ ɔba né wawoɛ, na nipadua ne deinn yeɛ ole Kristo.18Yeti, nnɛmɔ maa ebiala yɛ maa ɛmɔ akatua ne bɔ ɛmɔ, ebie bɔ ɔhyɛda yɛ ye nwo kyɛ ɔbrɛ ye nwo ase, okuro ɔsom bɔ bɛfa bɛma abɔfo, ná bɔ onwu ye ngome yeɛ odɛ́ gyina nu ne. Ɔnate kyɛ anwoɔnaen nu yeɛ ɔdwene nningyein nwo nati, ɔma ye nwo so bɔ ndeaseɛ biala nne nu.19Wahwe ye nwo wafi tire nanwo, tire bɔ nipadua namukoraati nate ye so nya bɔ ohia, ná akwaa namukoraati nate ye ndii naso aha atoa nu ayɛ kõ ne. Na tire ne yeɛ ɔmaa nipadua ne nyi, kyɛbɔ Nyameɛ pena kyɛ onyi ne.20Sɛ ɛmɔ ne Kristo awu wɔ wiase nanu nningyein bɔ mvasoɛ nne so nanu a, ye de, nzuati yeɛ ɛmɔyɛ ɛmɔ nikye te kyɛ ɛmɔtɛ́ wɔ wiase, na ɛmɔfa ahyɛdeɛ ahoroɛ bɛto ɛmɔ nwo so bieku kyɛ:21“Nnɛsɔ nu,” “nnɛka nea,” na “nnɛfa wɔ sa ka ye” ne?22Sɔ nningyein ne, sɛ bɛfa bɛdi dwumaa beyie a, né wasɛkye, ofikyɛ, ogyi sona ahyɛdeɛ ne ngyerɛkyerɛ so.23Sɔ nningyein namukoraati, annea a, ɛkɔha kyɛ mvasoɛ wɔ so, nakoso ɔte bɛ som nu nningyein bɔ ɔmaa bɛ pati bɛbrɛ bɛ nwo ase, na ɔmaa bɛhyɛ bɛ nipadua ne anyeborolɛ; nakoso mvasoɛ nne so, na ɔngora nzi anwoɔnaen akɔnnɔ atee.
Lexihub