2 PETRO1
1Simon Petro, Yesu Kristo akoaa ne somafoɛ,
metworɔ krataa he mebrɛ bɛ bɔ ɔnate yɛ Nyameɛ ne Agyenkwa Yesu Kristo tenenee ti, banya gyidie bɔ ɔsom bo te kyɛ yɛ deɛ ne:2Adom ne asomdwie bɔ ɔnate Nyameɛ ne y'Awurade Yesu nwo nahorɛ nimdeɛ naso ne bu ɛmɔ so.3Nyameɛ tumi ti, yanya nikye biala bɔ ɔfa ngoa ne nyamesom pa nwo nate Nyameɛ nwo nahorɛ nimdeɛ so; Ye yeɛ wafa ye anuonyam ne ye pa wafrɛ yɛ.4Na ɔnate ɛhemɔ so ahyɛ yɛ bɔ mbiri-mbiri bɔ ɔsom bo, na mmerɛ bɔ ɛmɔ anwati bafi wiase bɔ akɔnnɔ bɔne ama waporɔ he anu ne, ɛmɔ nate ɛhemɔ so anya Nyameɛ suban ne bie.5Ye sɔ nati, ɛmɔbɔ mmɔden bɛfa bra pa bɛboka ɛmɔ gyidie so, ɛmɔfa nimdeɛ bɛboka ɛmɔ bra pa so,6ɛmɔfa ahohyɛsoɛ bɛboka ɛmɔ nimdeɛ so, ɛmɔfa aboterɛ bɛboka ɛmɔ ahohyɛsoɛ so, ɛmɔfa nyamesom pa bɛboka ɛmɔ aboterɛ so,7aboterɛ ne si ne, ɛmɔdodɔ aliemaa mɔ, na ɛmɔnya ɔdɔ bɛma ebiala.8Sɛ ɛmɔnya sɔ suban hemɔ maa obu so a, ɛmɔ kɔfa Awurade Yesu Kristo nwo nahorɛ nimdeɛ ne bɛkɔyɛ adwuma. Kyɛbɔ ɔkɔyɛ a, ɛmɔngɔtena berɛ mbaen, anaa ɛmɔngɔyɛ mmenia bɔ bɛnzu mmaa ɔ.9Na sona biala bɔ olle sɔ suban hemɔ ne, ye nye asi, onguro kyɛ onwu kanea ne, na ye wora afi kyɛ banwunzi ye nwo bafi bɔne bɔ wayɛ ye daa nanwo.10Yeti aliemaa mɔ, ɛmɔbɔ mmɔden bɛtira asaa bɔ bato bafrɛ ɛmɔ nanu yé, na sɛ ɛmɔkɔ so bɛyɛ sɔ a, ɛmɔngofi ase lle.11Nahorɛ dwirɛ yeɛ ole kyɛ, ɔkɔmaa ɛmɔ konya ye nwo atee bɛkɔhɔ y'Awurade ne y'Agyenkwa Yesu Kristo Ahennie bɔ ɔwɔ berɛ daa nanu.12Yeti yeɛ daa mepena kyɛ mekaye ɛmɔ sɔ nningyein hemɔ ne, ɔwɔ nu ɛmɔse, na ɛmɔ bo atimu wɔ nahorɛ nanu.13Nakoso mmerɛ bɔ nwɔ nipadua he anu ne de, menwu ye kyɛ odikyɛ mekɔ so mekaye ɛmɔ,14ofikyɛ mese kyɛ ɔngɔhyɛ, bɛkɔye sɔ nipadua he be kogua berɛ, kyɛbɔ y'Awurade Yesu Kristo ha hyirele me ne.15Na mepena kyɛ meyɛ bɔ ngɔhora biala, na sɛ mekɔ a, ɛmɔ akaye sɔ nningyein he daa biala.16Amba, y'Awurade Yesu Kristo tumi ne ye walɛ nanwo dwirɛ bɔ yɛha yɛhyirele ɛmɔ ne, ɔtte anansesɛm bie yeɛ yɛto yɛhyirele ɛmɔ ɔ, mmom yɛ bɔbɔ yɛfale yɛ nye yɛnwuni ye anuonyam ne.17Onyane anuonyam ne nidie fili Baba Nyameɛ berɛ, mmerɛ bɔ Onuoyamfoɛ Kandinga ne hane edwirɛ he hyirele ye ne: “Ɛhe yeɛ ole mma bɔ medɔ ye, ná malɛ́ ye mato nu ne.”18Mmerɛ bɔ yɛne ye wɔ bokaa krongron naso ne, ɛhe yeɛ ole konviɛ bɔ yɛte yɛfili anwuro ne.19Ngɔmhyɛ dwirɛ ne koso, wamaa yanwu kyɛ ɔte nahorɛ paa; na ɔte pa kyɛ ɛmɔ kɔmaa ɛmɔ nye kɔhɔ ye nwo, te kyɛ kanea bɔ ɔta awosii nu wɔ ɛmɔ ahone nu (kodwu kyɛ aleɛ kɔhye, ná ngyerɛmɔ nzramaa afite) ne.20Bɔ oli moa koraa ne, ɛmɔse kyɛ Tworɔnzɛm nanu ngɔmhyɛ biala nne berɛ bɔ ofi sona ndeaseɛ nu ɔ.21Nná sona berɛ yeɛ ngɔmhyɛ fi ba ɔ, mmom kyɛbɔ honhom krongron ne hane bɛ ne, yeɛ bɛhane ɔ.
metworɔ krataa he mebrɛ bɛ bɔ ɔnate yɛ Nyameɛ ne Agyenkwa Yesu Kristo tenenee ti, banya gyidie bɔ ɔsom bo te kyɛ yɛ deɛ ne:2Adom ne asomdwie bɔ ɔnate Nyameɛ ne y'Awurade Yesu nwo nahorɛ nimdeɛ naso ne bu ɛmɔ so.3Nyameɛ tumi ti, yanya nikye biala bɔ ɔfa ngoa ne nyamesom pa nwo nate Nyameɛ nwo nahorɛ nimdeɛ so; Ye yeɛ wafa ye anuonyam ne ye pa wafrɛ yɛ.4Na ɔnate ɛhemɔ so ahyɛ yɛ bɔ mbiri-mbiri bɔ ɔsom bo, na mmerɛ bɔ ɛmɔ anwati bafi wiase bɔ akɔnnɔ bɔne ama waporɔ he anu ne, ɛmɔ nate ɛhemɔ so anya Nyameɛ suban ne bie.5Ye sɔ nati, ɛmɔbɔ mmɔden bɛfa bra pa bɛboka ɛmɔ gyidie so, ɛmɔfa nimdeɛ bɛboka ɛmɔ bra pa so,6ɛmɔfa ahohyɛsoɛ bɛboka ɛmɔ nimdeɛ so, ɛmɔfa aboterɛ bɛboka ɛmɔ ahohyɛsoɛ so, ɛmɔfa nyamesom pa bɛboka ɛmɔ aboterɛ so,7aboterɛ ne si ne, ɛmɔdodɔ aliemaa mɔ, na ɛmɔnya ɔdɔ bɛma ebiala.8Sɛ ɛmɔnya sɔ suban hemɔ maa obu so a, ɛmɔ kɔfa Awurade Yesu Kristo nwo nahorɛ nimdeɛ ne bɛkɔyɛ adwuma. Kyɛbɔ ɔkɔyɛ a, ɛmɔngɔtena berɛ mbaen, anaa ɛmɔngɔyɛ mmenia bɔ bɛnzu mmaa ɔ.9Na sona biala bɔ olle sɔ suban hemɔ ne, ye nye asi, onguro kyɛ onwu kanea ne, na ye wora afi kyɛ banwunzi ye nwo bafi bɔne bɔ wayɛ ye daa nanwo.10Yeti aliemaa mɔ, ɛmɔbɔ mmɔden bɛtira asaa bɔ bato bafrɛ ɛmɔ nanu yé, na sɛ ɛmɔkɔ so bɛyɛ sɔ a, ɛmɔngofi ase lle.11Nahorɛ dwirɛ yeɛ ole kyɛ, ɔkɔmaa ɛmɔ konya ye nwo atee bɛkɔhɔ y'Awurade ne y'Agyenkwa Yesu Kristo Ahennie bɔ ɔwɔ berɛ daa nanu.12Yeti yeɛ daa mepena kyɛ mekaye ɛmɔ sɔ nningyein hemɔ ne, ɔwɔ nu ɛmɔse, na ɛmɔ bo atimu wɔ nahorɛ nanu.13Nakoso mmerɛ bɔ nwɔ nipadua he anu ne de, menwu ye kyɛ odikyɛ mekɔ so mekaye ɛmɔ,14ofikyɛ mese kyɛ ɔngɔhyɛ, bɛkɔye sɔ nipadua he be kogua berɛ, kyɛbɔ y'Awurade Yesu Kristo ha hyirele me ne.15Na mepena kyɛ meyɛ bɔ ngɔhora biala, na sɛ mekɔ a, ɛmɔ akaye sɔ nningyein he daa biala.16Amba, y'Awurade Yesu Kristo tumi ne ye walɛ nanwo dwirɛ bɔ yɛha yɛhyirele ɛmɔ ne, ɔtte anansesɛm bie yeɛ yɛto yɛhyirele ɛmɔ ɔ, mmom yɛ bɔbɔ yɛfale yɛ nye yɛnwuni ye anuonyam ne.17Onyane anuonyam ne nidie fili Baba Nyameɛ berɛ, mmerɛ bɔ Onuoyamfoɛ Kandinga ne hane edwirɛ he hyirele ye ne: “Ɛhe yeɛ ole mma bɔ medɔ ye, ná malɛ́ ye mato nu ne.”18Mmerɛ bɔ yɛne ye wɔ bokaa krongron naso ne, ɛhe yeɛ ole konviɛ bɔ yɛte yɛfili anwuro ne.19Ngɔmhyɛ dwirɛ ne koso, wamaa yanwu kyɛ ɔte nahorɛ paa; na ɔte pa kyɛ ɛmɔ kɔmaa ɛmɔ nye kɔhɔ ye nwo, te kyɛ kanea bɔ ɔta awosii nu wɔ ɛmɔ ahone nu (kodwu kyɛ aleɛ kɔhye, ná ngyerɛmɔ nzramaa afite) ne.20Bɔ oli moa koraa ne, ɛmɔse kyɛ Tworɔnzɛm nanu ngɔmhyɛ biala nne berɛ bɔ ofi sona ndeaseɛ nu ɔ.21Nná sona berɛ yeɛ ngɔmhyɛ fi ba ɔ, mmom kyɛbɔ honhom krongron ne hane bɛ ne, yeɛ bɛhane ɔ.
Lexihub