1 TƐSALONIKAFOƐ3
1Afei de, né yɛngora nwondɛ kõ, yeti né yɛnwu ye kyɛ ɔte pa kyɛ yɛ ngome yɛkɔtena Atene. 2Na yɛsomane Timoteo, bɔ ɔte yɛliema ne Nyameɛ somvoɛ wɔ Kristo nwo nzɛmba nanu ne kyɛ ɔɔhyɛ ɛmɔ nguraen, na ɔma ɛmɔ gyidie yɛ se,3kyɛbɔ ɔkɔyɛ a, amaneɛ bɔ ɛmɔnwu ye ne nngɔma ebiala nngɔ hinhim. Ofikyɛ ɛmɔ bɔbɔ ɛmɔse kyɛ, odikyɛ yɛnwu sɔ amaneɛ ne.4Yeti mmerɛ bɔ ne yɛwɔ ɛmɔ berɛ ne, né yɛtaa yɛka yɛkyire ɛmɔ kyɛ, yekonwu amaneɛ, na kyɛbɔ ɛmɔse ne, ye yeɛ wawa nu ne.5Ɛhe ati, mmerɛ bɔ ne mengora nwondɛ kõ ne, nzomane Timoteo kyɛ ɔɔnea kyɛbɔ ɛmɔ gyidie ne te ɔ, ofikyɛ ebia né bɔ ɔsɔ mmenia nea ne asɔ ɛmɔ anea, maa yɛ fɛɛ ayɛ mbaen.6Nakoso afei de, Timoteo afi ɛmɔ berɛ waadwu yɛ wa, na waha ɛmɔ gyidie ne ɛmɔ dɔ nanwo dwirɛ pa wahyire yɛ, na wamaa yanwu kyɛ, daa ɛmɔkaye yɛ paa, na kyɛbɔ yafe ɛmɔ ne, sɔ ala yeɛ ɛmɔ afe yɛ ɔ.7Yeti aliemaa mɔ, mmerɛ bɔ yɛtele nahorɛ bɔ ɛmɔdi nanwo dwirɛ ne, y'ahone atɔ yɛ kunu wɔ y'ahokyere ne amanehunu nu.8Ofikyɛ, sɛ ɛmɔgyina pindinn wɔ Awurade nu a, yɛnya anwoserɛ.9Anigye nwora bɔ ɛmɔ ama yanya ye wɔ Nyameɛ nyunu ne, nzu po yeɛ yɛfa yɛla Nyameɛ ase ɔ?10Yeti, eyia ne kɔngɔen biala, yɛsrɛ ye paa kyɛ ɔma yɛnwu ɛmɔ nyunu, na nekaa bɔ ɛmɔ gyidie ne atɔ si ne, yapagya nu.11Kesaalae de, yɛsrɛ yɛ Nyameɛ ne yɛ Baba ne bɔbɔ, ne y'Awurade Yesu kyɛ, bɛbukye atee maa yɛbra ɛmɔ berɛ.12Afei koso, Awurade ma ɛmɔ dɔ boso, ɔma ɛmɔnya ɔdɔ pee bɛma ɛmɔ nwo ne ebiala, kyɛbɔ yɛ koso yɛdɔ ɛmɔ ne,13kyɛbɔ ɔkɔmaa ɛmɔ ahone kosi pi, na wayɛ krongron bɔ ngekayɛɛ biala nne ye nwo wɔ yɛ Nyameɛ ne yɛ Baba ne nyunu, mmerɛ bɔ y'Awurade Yesu kɔwa bɔ ye akrongronfoɛ namukoraati boka ye so ne.
Lexihub