1 KORINTOFOƐ16
1Afei ndoboa bɔ ɛmɔdide bɛma akrongronfoɛ ne, akwankyerɛ bɔ mva mmane Galatia asafo ne, ɛmɔfa ɛhene ala bɛyɛ adwuma.2Dapɛn nanu kyẽa bɔ oli moa ne, ɛmɔ nu biala nea bɔ ole ye naso, na ɔye nikye bie sie, ná wamma kyɛ maadwu berɛ ne, bekye bɔ ɛmɔ baale ndoboa ɔ.3Sɛ meba a, bɛ bɔ ɛmɔlɛle bɛ bɛtole nu wɔ ɛmɔ krataa nanu ne, bɛ yeɛ ngɔsoma bɛ maa bɛkɔfa ɛmɔ akyɛdeɛ ne bɛkɔhɔ Yerusalem ɔ.4Na sɛ ye nwo bahia kyɛ mekɔ bie a, mene bɛ kɔhɔ.5Ngɔfa Makedonia kora né mawa ɛmɔ berɛ, ofikyɛ mayɛ m'adwene kyɛ ngɔfa Makedonia.6Na medɛ́ medi kyɛ ngɔtena ɛmɔ berɛ kaa, ebia ngɔtena ɛmɔ berɛ maa ayirɛ kɔpɛ nu, kyɛbɔ ɔkɔyɛ a ɛmɔ kosoma me atee kaa maa ngɔhɔ nekaa bɔ mekɔ ne.7Menguro kyɛ ngonwu ɛmɔ kaa na mapɛ nu mahɔ, mmom me nye la so kyɛ, sɛ Awurade ma atee a, ngoli mmerɛ kaa wɔ ɛmɔ berɛ.8Nakoso ngɔtena Efeso maa Pentekoste afahyɛ ne kodwu so,9ofikyɛ anoa kandinga bie bɔ adwuma pee wɔ nu abukye ama me, nakoso bɛ bɔ badwɔso batia ne sone.10Sɛ Timoteo ba a, ɛmɔbɔ mmɔden kyɛ ɛmɔngɔma esuronyi biala ngɔha ye mmerɛ bɔ ɔwɔ ɛmɔ nwo berɛ ne, ofikyɛ Awurade adwuma bɔ meyɛ ne, ɛhene biala yeɛ ɔyɛ ne.11Nnɛmaa ebiala bu ye animtia. Ɛmɔgua ye atee asomdwie nu ma ɔbra me nwo wa, na mene aliemaa nemɔ nwondɛ ye.12Yɛliema Apolo de, masrɛ ye alaa kyɛ ɔne aliemaa nemɔ bra ɛmɔ berɛ. Nakoso ɔyɛlle ye adwene kyɛ ɔba dɔ kesaalae, nakoso sɛ onya atee ne a, ɔkɔwa.13Ɛmɔma ɛmɔ nye la berɛ, ɛmɔgyina pindinn wɔ gyidie nanu, ɛmɔnya akukuduro kyɛ mmrienzua, na ɛmɔyɛ se.14Nikye biala bɔ ɛmɔyɛ ne, ɛmɔyɛ ye wɔ ɔdɔ nu.15Aliemaa mɔ, ɛmɔse kyɛ Stefana ne ye abusuafoɛ yeɛ bɛte mmaa bɔ oli moa wɔ Akaia ɔ, na bɛtule bɛ nwo besiele berɛ kyɛ bɛkɔsõ akrongronfoɛ ne.16Ɛmɔ koso, ɛmɔ berɛ ɛmɔ nwo ase bɛma mmenia bɔ bɛte sɔ ne, ɔne ebiala bɔ wafa ye nwo wawura adwuma he anu, ná ɔyɛ adwuma serɛ ne.17Ɔyɛ me fɛ paa kyɛ Stefana, Fotunato ne Akaiko awa wa ɔ, ofikyɛ baasi ɛmɔ gya nu.18Na bamaa mene ɛmɔ mukoraati ahone atɔ yɛ kunu.19Asafo bɔ bɛwɔ Asia ne nwa bɛkyea ɛmɔ. Akwila ne Prisila, ne asafo bɔ beyia nu wɔ b'awuro berɛ ne nwa bɛkyea ɛmɔ paa wɔ Awurade nu.20Aliemaa mɔ bɔ bɛwɔ wa namukoraati nwa bɛkyea ɛmɔ. Ɛmɔfa mveanoɛ bɔ ɔte krongron bɛhyeɛhyea ɛmɔ nwo.21Me Paul, me koso mekyea ɛmɔ. Me bɔbɔ me sa yeɛ mva ndworɔle ɔ.22Sɛ ebie wɔ berɛ bɔ onguro Awurade dwirɛ a, mmusue ha ye. O y'Awurade, bra!23Awurade Yesu adom ha ɛmɔ.24Ɛmɔ bɔ ɛmɔ wɔ Kristo Yesu nu ne, medɔ ɛmɔ mukoraati.
Lexihub