144000 Isilie Kunlade Zhanzi Taizho
1Enense khuinashi bi chanlase jieran qienxien zeminni jieran gozide beidene simienni keini duizhi zemin, hai, soyuji mutunlai jiere ese feilieghazho.2Bi pse chanlase dou nie qienxien naran khizheku oronse khizhezho, chanqiku Hudai zhanzini bareizho. Zemin, haini hei shidaku nenlini jienliesan jieran qienxiende fugie shenqighala waradazhi kieliezho,3"Bijien matai Hudai hojilai manlou jiere zhanzi taitula ta zemin, hai, mutunlai bu hei."4Bi sonosuse Isilieni go paise zhanzi taisan shuzishi 144000 wo.5Yuda paise zhanzi taisan 12000, Libien paise zhanzi taisan 12000, Jiade paise zhanzi taisan 12000,6Yashe paise zhanzi taisan 12000, Nafutali paise zhanzi taisan 12000, Manaxi paise zhanzi taisan 12000,7Ximien paise zhanzi taisan 12000, Liwi paise zhanzi taisan 12000, Isajia paise zhanzi taisan 12000,8Xibulun paise zhanzi taisan 12000, Yusufu paise zhanzi taisan 12000, Bienyamin paise zhanzi taisan 12000 wo.Go Gojiani Olon Kunla Doulazho
9Enense khuinashi bi chanlase tebieji olon kun wine. Kiema toulazhi baragha dane. Go gojia, go pai, go minzu, go kielien kieliechen kunlase man irezhi baozo, ghoni ghughani melie beizho, chighan jien musizhi zunshu mutun chalalai bareidene10fugie shenqighala waradazhi kieliezho,"Jiuiku baozo sousan mai Hudaji ghoni ghughande wine!"11Qienxienla man baozo, zhanlao, jieran amitu ojienlai zhouwide beidene baozo melie papala Hudai beiizhi12kieliezho,"Amine! Zanjiku, kuaiku, agheli,mafan gieku, zhigui, nenli, lilianniMai Hudadechanqi izhi ogi! Amine!"13Zhanlao dunda niekozi made asazho, "Enezighan chighan jien musisanshi kien wo? Hhela khalase irezho?"14Bi hhende kieliewo, "Mii gujiu, chi mejiene." Hhe made kieliewo, "Enezighan kunla zeinan dundase khizhezhi ghoni ghughanyi chusun hhelai jienni waghazhi chighanshighazho."15Ingiese"Hhela Hudai baozo melie xieni uduHudai dajiende hhei beiizho.Baozo sousan hhe zhanfanghala hhelai huizho.16Hhela pse ulie oliesune, ulie undasune.Naran, pse hhereini hhelai tulie dane.17Ingiekushi baozo dundadu ghoni ghughan hhelai chezhezhiudurudene aminni usui bula konde echine,Huda hhelai nunpusunyi saine."