Bierei Lunghala
1Asimande fugie zunji xienjizhi nie bierei naranni musizhi sarani taizho. Qiorun jierene 12 gie hoduntu honshan zhoku maghala zhozho.2Hhe kewosi laizhi olukude otuzhi tendun shouizhi waradazho.3Asimande pse nie zunji xienjizhi nie hulan lunde dolon qiorun, hharan gocha wo. Dolon qiorun jiereni dolon honshan zhoku ga maghala zhozho.4Hhe xienghalane asimanni hodunlai 3 fenzhi 1 ni laizhi zemin jiere bendawo. Pse kewosi olune giesan biereini melie beidene hhe oluse hhei kewosii ijiene giezho.5Bierei nie kewon oluwo. Ene kewon jianlai qiemu zhugunghala gojialai man gonjine. Hheni kewosii Hudai baozoi hhende qila echiwo.6Bierei hontande holuzhi echise Huda hhei hhende 1260 qien qiezhene giezhi zhunbei giesan oron wine.7Asiman jiere zhan eghindu qiiwo. Mijiale qienxienlarene lunghala eghinduzhi lunye kha douradedularene hhantu bosizhezhi eghinduzho.8Lun inji dase asiman jiere hhelade oron widazho.9Fugie lunshi gushihouni moghei wo, niereini Sheitan giene, pse Ibilisiye giene. Duyade sousan kunlai man miizho. Hhei zemin jiere bendawo, hhei kha douradedulaiye hhantu bendawo.10Bi sonosuse asimanse fugie shenqi kieliezho,"Ede mai Hudai jiuiku, nenli, gojia irezho,hhe teisan Mexiha qienli bareizho!Mai Hudai melie xieni udujimai gaijiulai zhasan hhei benda boughawo.11Gaijiula lunni injikushi ghoni ghughanyi chusun,pse goyalane ganzhen beisan daolighala wo.Hhela amindene ulie orezhi fugukude kuzho.12Ingiese asiman, pse hhende sousanla bayasundu!Zemin, haide gou widawo!Ibilisi goyade shihou oloncha widakui mejiedeneHende hokuzhi tai hhende bouwo."13Lun goyai zemin jiere bendasei mejiedene kewon olusan biereini fenjiezhi biizho.14Ingiese fugie inni ghua sibanni biereide ogise hhe musidene mogheise piizhi hontanni goya orondene echiwo. Hhende biereini nie shihou, ghua shihou, olie shihou qiezhezho.15Moghei biereini khuinase amansene moron mutun usuni nunpuzhi biereini chunji yolaghane giezho.16Zemin biereide banman giezhi amanne keighadene lun amansene nunpusan usuni yenjiwo.17Lun biereide hokudene biereini psedu kesilare eghindule echizho. Ene kesilashi Hudai minlinyi zunjizhi Ersade ganzhen beisanla wo.18Qingiekude lun haibienzini shazi jiere beizho.