Kuwa kwa mushi Babulo
1Panyuma pakubona mutukashi watanta pa cinyama cifubela, kayi ndalabona naumbi mungelo kaseluka kwilu, ukute ngofu shinene shabwendeleshi, kayi kubala kwakendi kwalamunikila cishi conse ca panshi.2Walompololeti,“Ee, lawu! Babulo waya lulumbi, lawu!Mulaba mwakwikala bibandane mishimu yasafwana,kayi ne bikeni byaipa bya mishobo iliyonse.3Pakwinga mishobo yonse ilanu bwalwa bwa nyotwa ya bufule bwakendi.Bami pa cishi capanshi balikwinsa bupombo nendiye,nabo beshi makwebo balawininapo pa bufule bwakendi.”4Kayi ndalanyumfwa maswi kwilu akwambeti,“Kamufumamo bantu bakame! Musonokeni!Kamutamantamo lubasu mu bwipishi bwakendi. Nenjamwe kamutakapewakoCisubulo!5Pakwinga bwipishi bwakendi bulashiki kwilu,Neye Lesa lanuku nshila shaipa shamutukashi usa.6Kamumwinshilani celana neco ncalamwinshila.Mubwesheleni mankanda abili pa bintu mbyalensa.Isushani nkomesshi yakendi mankanda abiliakulula kwa byakunwa mbuli neye ncalamubambila.7Mupensheni aungumanekwelana ne lulumbi lwa bwikalo bwa buboni mbwalalipa mwine.Pakwinga ukute kulilumbanya mwine‘Eti ndekala pano,’ Ndemwami!Ntame mukalubingi, nkana mbapo ne malila!”8“Pacebo ici, malwashi,kukolwa ne kulila kayi ne nsalanibikamushikile pa busuba bumo.Kayi nakapye ne mulilo,lino Mwami Lesa nakamomboloshe,pakwinga Lesa niwangofu.”9Bami ba pacishi capanshi mbwalikwinsa nabo bufule mulunkumbwa lwakendi nibakamulile, bakabona bwishi ne mulilo ulamutentenga.10Nibakemane patali kabebelela nkwalapenshewanga kutineti naboyo ngabapenshewako nibakambengeti, “Akonempa mapensho alenshiki ku munshi unene! Cansoni kuli Babulo! Cindi ca komboloshewa cilashiki.”11Bashimakwebo pa cishi capanshi nibakalile, pakwinga nipakabule muntu shikula makwebo,12a golide nambi silifa nambi a mabwe a mulo wadula nambi malungu. Paliya eti akaule byakufwala byabo byaina byafubeluka nambi byashilika nambi byafubela nambi citondo ciliconse canunkila nambi ciliconse capangiwa ne munyanga nambi ciliconse capangiwa kucitondo cadula nambi ca mukuba nambi ca cela nambi ca libwe lya mabo.13Kayi paliya eti akauleko Sinamoni nambi twanunkila nambi mafuta anunkila cena nambi lubani nambi bwalwa nambi mafuta a citondo ca ma olifi nambi bunga bwanana nambi maila nambi ng'ombe nambi mbelele nambi mahaki nambi bikoki nambi basha kayi ne bantu.14Bashimakwebo nibakambeti, “Bintu byaina mbyowayandanga bilakupwili, bintu byakobe byaina bilonongeke nteti bakabicanepo.”15Bashimakwebo mbwalawinisha nibakabe ne buyowa nibakemane patali pakubona nceti akapengenga. Nibakamulile malila a nsoni,16kabambeti, “Mama cansoni! Mama cansoni! Obe munshi unene wafwala byakufwala byadula byafubeluka, ne byafubela. Munshi webakwa cena ne golidi ne mabwe adula abeketi malungu.17Ca nsoni pakwinga mu kacindi kang'anowa buboni bwingi bulonongeke!” Bashikukwasula mato ne muntu uliyense lafumininga kulikonse, basebenshi balikwinsa makwebo Lwenje nibakemane patali,18pakubona bwishi bwa kupya kwakendi. Nibakompololeti,“Ni munshi cini welana ne munshi unene uwu!”19Balalitukwila bulongo pa mitwi kabompolola, kulila ne kunyumfwa nsoni. Kabambeti,“Mama ca nsoni! Mama ca nsoni!Uwu munshi unene walawinisha bonse balikukute mato cebo ca buboni bwakendilino muka cindi kang'anowa bonse bulonongeke.”20Lino kamukondwani Omuli kwilu cebo ca bintu bilamwinshikili.Amwe mwaswepa, amwe batumwa kayi nenjamwe bashinshimi kamukondwani,pakwinga Lesa lamombolosho ne kumupa cisubulo pali ibyo mbyalamwinshilani.21Mungelo wa ngofu walamanta libwe linene ne kuliwala mu lwenje cubwaa! Ne kwambeti, “Copele cisa nceti ukawalwe panshi mwangofu Babulo munshi unene nteti ukabonekepo sobwe!”22Popelapo balikwimbila ne tulumbu ne tunkobele ne beshikulilisha matolompita kayi ne beshikwimbila nabambi nteti bakanyumfwikepo. Nteti mukacanike kanyuka mpaya nambi maswi a bantu balapelenga bunga.23Malampi akobe nakashimike, ngululu sha cikwati nteti shikanyumfwikepo, pakwinga bashimakwebo bakobe balikuba bacindama pa cishi ca panshi. Kayi mishobo yonse pa cishi ca panshi yalayungaulwa ne buloshi bwakobe.24Babulo walapewa cisubulo, pakwinga mu munshi mwalacanika milopa ya bashinshimi ne milopa yabantu ba Lesa, ne ya bantu nabambi balashinwa pa cishi ca panshi.