1VAKOLINDO7
1Duve kwa ndongwa tsila tso mwantsandichilye.
Munlonga kuta, yikakuva chiba mulume aleche kutola.2Lelo kwasawuli ya kulutila kwa ndongwa tsa waafu, chila mulume avaje na mudala vake mwene, na chila mudala avaje na mulume vake mwene.3Mulume an'ganika akwilitsaje chila cho chin'ganika kukwitsa kwa mudala vake, nayo mudala akwilitsaje cho an'ganika kukwitsa kwa mulume.4Mudala alihela mamulaka kwa muvili gwake aliyena ila na mulume vake nayo, na hihyo mulume nayo alihela mamulaka kwa muvili gwake, ila na mudala vake.5Mulekaje kiyima mivili jenyu, lechelelo hala hela ho mukuva mupatine kwa luvala lutunga, ila hala ho mukuva mulagine kumusuka Mulungu. Na hala ho mukuva musintsile kusuka muwuye kaha, ili Lihoka lileche kupata nyafwasi ya kuvajela kwasawuli ya kulemwa kikangatsa.6Ndongwa itso tseka ndontsile heni hela, sinambe ntsivagwagwaditse ndaya.7Nganije vanu veka muvaje kota heni fyontsili, lechelelo chila munu apelitwe chifunje chake kuhuma kwa Mulungu. Yumwe chifunje chake chili ihi na yunji chili hino.8Lechelelo ntsinlonga kuta vala wo sivatolite na vafwile, yika kuva chiba vasigale hihyo kota heni fyontsili.9Lechelelo manyi vanlemwa kutsisuma mbwiniwo tsawo, duve nawo vatole na kutoleka, kwasawuli chiba kutola awu kutoleka kuliko kiwiniwa.10Kwa vala wo mwanga vitweye tsinguvapela malajitso iga kuta, mudala alahogola kulekana na mulume vake, iga go malagitso ga Mutwa siyo heni ndaya.11Lechelelo manyi mudala valekane na mulume vake an'ganika aleche kutoleka kaha. Manyi si ihyo ipilule kaha kwa mulume vake. Nayo mulume nayo alahogola kumuleka mudala vake.12Lechelelo kwa vala vanji ntsinlonga kuta, manyi mung'olotsenyu anayo mudala yo sinambeamutumbye Mutwa, na uyo mudala idiche kikala hamwe nayo, duve alekaje kumuleka. Lulongwa luno ntsinlonga heni hela siyo Mutwa ndaya.13Nayo mudala munya mulume yo sinambeamutumbye Chilisito, na mulume uyo idiche kikala hamwe nayo, duve mudala uyo alekaje kumuleka mulume uyo.14Kwakuva uyo mulume yo sinambeamutumbye Chilisito akudichilwa na Mulungu kwa kihantsa na mudala vake, nayo mudala yo sinambeamutumbye Chilisito akudichilwa na Mulungu kwa kihantsa na mulume vake. Manyi yikayive si ihyo vana venyu sivakakudichilwa na Mulungu.15Lechelelo yula yo alihela litumbilo manyi agane kumuleka yula munya litumbilo, iho uyo mudala awu uyo mulume munya litumbilo akuva hulu. Kwasawuli Mulungu avachemile henye ili mwikale kwa wusichimafu.16Heve mudala, un'tsela ndawuli kuta ufuluche umulongotse mulume vako ku wukuluso wa Mutwa? Nambe na heve mulume un'tsela ndawuli kuta ufuluche umulongotse mudala vako ku wukuluso wa Mutwa?17Chila munu ikilaje kota hila Mutwa fyo amugavye, mwikalaje kota hila Mulungu fyo avachemile. Iga go malajitso go ntsinguvapela vanu veka wo vamutumbye Chilisito.18Manyi munu mulume achemilwe kuno inje likumbi, alekaje kiyatsa kuta mwene si inje likumbi. Na manyi achemilwe kuno si inje likumbi, alekaje kugwagwaditswa ili injile likumbi.19Kwakuva kwinjila likumbi na kuleka kwinjila likumbi siyo chinu chinya mana ngomi ndaya! Chinu cho ching'anika kuhulikitsa malagitso ga Mulungu.20Ihyo chila yumwe asigalaje hihila kota fyo avaga hala ho achemwaga na Mulungu.21Mbe, heve ho wachemwagwa wavaga mutantsi va munu? Lulongwa ulo lulekaje kukutifya, lechelelo manyi ufuluche kuwuleka uwo wutantsi, duve udite hihyo.22Kwasawuli munu yoyuve yo achemilwe na Mutwa kuno alimutantsi va munu, uyo ankuva mugombolwa kwa Mutwa. Kota hila fyovali iwo wo vachemilwe kuno siyo vatantsi va munu, lelo vaveye vatantsi va Chilisito.23Mulungu akavagombwe kwa galama ngomi, ihyo muleche kuva vatantsi va munu yoyuve.24Vang'olotsangu, chila munu asigalaje hihilaga kota hala fyo achemwaga na Mulungu.25Ino lelo ntsiguvandichila lulongwa lwa vala vahintsa wo vang'ali kutoleka, lo mwavaga muntsandichilye kumbutsa. Heni ntsilihela malagitso go gahumye kwa Mutwa. Lechelelo mun'ganika munumbe chila cho ntsinguvalonjela.26Kwasawuli ya ndongwa fyotsili kwa luvala ulu, yikakuva chiba musigale kota fyomuli.27Mbe, utolite? Walahogola kugana mwileche. Mbe, siulatola? Walahogola kutola.28Lechelelo manyi utole ukuva siudisile ndongwa ntsibi, na kaha muhintsa yo akutoleka akuva siadisile ndongwa ntsibi. Lechelelo wo vakuva vatoliche na kutola vakugatsika chila siku, na heni nganije kuvatanga ili valeche kugatsika.29Lechelelo vang'olotsangu ntsin'gana kulonga hino. Lusije luvala ludodo hela, lelo luhuma sambi vala wo vatolite van'ganika vikale kota sivalatola,30na vala wo vanvemba vikalaje kota sinambevavembe, na vala wo vanhechelela vikalaje kota vasusutafu, nawo wo van'gula finu vikaleje kota hila valihela finu,31na vala wo vampipika na finu fya mu inyi yino, vavaje kota si vampipilika ndalahela na ndongwa itso. Kwasawuli kota hila fyo tun'tsela nachene kuta, inyi yinlutila.32Ntsin'gana henye mulekaje kupipilika. Kwasawuli munu yo siatolite aditaga ndongwa tso angutsigana Mutwa ng'ani, kwasawuli an'gana kumudita Mutwa ahechelele.33Lechelelo munu yo atolite ankuva an'dita ndongwa tsa mu inyi yino, kwasawuli an'gana mudala vake ahechelele,34na kaha mahotso gake gavaga gavili gavili. Nayo muhintsa yo siatoliche aditaga ndongwa tso angutsigana Mutwa ng'ani, kwasawuli an'gana kumudita Mutwa ahechelele, ili ave muhagulwa na itawule kwa muvili na muhe gwake kwa Mutwa. Lechelelo yula yo atoliche akuva an'dita ndongwa tsa mu inyi yino, kwasawuli an'gana mulume vake ahechelele.35Ntsinguvalonjela ndongwa itsi ili ntsivatanje, siyo kuta ntsinguvalemetsa. Lechelelo ntsin'gana mwikale finofu ili mumutumichila Mutwa finofu.36Manyi munu yoyuve yo an'wona kuta sinambeamutole muhintsa yo vapatine kutolana, na mbwiniwo tsa mulume uyo tsinlutila. Nayo uyo muhintsa fyo ankwendelela kikala anlutila umuli wake wa noleka. Van'ganika vitole hela, kwa kudita ihyo sivakuva van'dita ndongwa ntsibi.37Lechelelo manyi mwene uyo mulume alamule finji mu numbula yake na kuleka kumutola uyo muhintsa, na manyi anawo wuvetso wa kutsisuma mbwiniwo tsake, akuva adisile finofu hilo kwa kuleka kumutola muhintsa uyo.38Ihyo mulume yula yo akulamula kumutola muhintsa yo aganije kumutola, akuva adisile finofu. Na mulume yula yo akikala bila kutola, nayo akuva adisile finofu hilo.39Mudala an'ganika kikala na mulume vake luvala lweka lwa wumi wawo. Lechelelo manyi mulume uyo atajiche, mudala uyo afuluche atoleche na mulume yoyuve yo angumugana mwene. Ila mulume uyo an'ganika ave angumutumba Chilisito.40Lechelelo hila fyo ntsin'wona heni, yikakuva chiba asigale mufwile. Ila ndongwa itso ntsinlonga heni hela, nambe ihyo ntsintumba kuta na heni ntsinayo Muhe va Mulungu.
Munlonga kuta, yikakuva chiba mulume aleche kutola.2Lelo kwasawuli ya kulutila kwa ndongwa tsa waafu, chila mulume avaje na mudala vake mwene, na chila mudala avaje na mulume vake mwene.3Mulume an'ganika akwilitsaje chila cho chin'ganika kukwitsa kwa mudala vake, nayo mudala akwilitsaje cho an'ganika kukwitsa kwa mulume.4Mudala alihela mamulaka kwa muvili gwake aliyena ila na mulume vake nayo, na hihyo mulume nayo alihela mamulaka kwa muvili gwake, ila na mudala vake.5Mulekaje kiyima mivili jenyu, lechelelo hala hela ho mukuva mupatine kwa luvala lutunga, ila hala ho mukuva mulagine kumusuka Mulungu. Na hala ho mukuva musintsile kusuka muwuye kaha, ili Lihoka lileche kupata nyafwasi ya kuvajela kwasawuli ya kulemwa kikangatsa.6Ndongwa itso tseka ndontsile heni hela, sinambe ntsivagwagwaditse ndaya.7Nganije vanu veka muvaje kota heni fyontsili, lechelelo chila munu apelitwe chifunje chake kuhuma kwa Mulungu. Yumwe chifunje chake chili ihi na yunji chili hino.8Lechelelo ntsinlonga kuta vala wo sivatolite na vafwile, yika kuva chiba vasigale hihyo kota heni fyontsili.9Lechelelo manyi vanlemwa kutsisuma mbwiniwo tsawo, duve nawo vatole na kutoleka, kwasawuli chiba kutola awu kutoleka kuliko kiwiniwa.10Kwa vala wo mwanga vitweye tsinguvapela malajitso iga kuta, mudala alahogola kulekana na mulume vake, iga go malagitso ga Mutwa siyo heni ndaya.11Lechelelo manyi mudala valekane na mulume vake an'ganika aleche kutoleka kaha. Manyi si ihyo ipilule kaha kwa mulume vake. Nayo mulume nayo alahogola kumuleka mudala vake.12Lechelelo kwa vala vanji ntsinlonga kuta, manyi mung'olotsenyu anayo mudala yo sinambeamutumbye Mutwa, na uyo mudala idiche kikala hamwe nayo, duve alekaje kumuleka. Lulongwa luno ntsinlonga heni hela siyo Mutwa ndaya.13Nayo mudala munya mulume yo sinambeamutumbye Chilisito, na mulume uyo idiche kikala hamwe nayo, duve mudala uyo alekaje kumuleka mulume uyo.14Kwakuva uyo mulume yo sinambeamutumbye Chilisito akudichilwa na Mulungu kwa kihantsa na mudala vake, nayo mudala yo sinambeamutumbye Chilisito akudichilwa na Mulungu kwa kihantsa na mulume vake. Manyi yikayive si ihyo vana venyu sivakakudichilwa na Mulungu.15Lechelelo yula yo alihela litumbilo manyi agane kumuleka yula munya litumbilo, iho uyo mudala awu uyo mulume munya litumbilo akuva hulu. Kwasawuli Mulungu avachemile henye ili mwikale kwa wusichimafu.16Heve mudala, un'tsela ndawuli kuta ufuluche umulongotse mulume vako ku wukuluso wa Mutwa? Nambe na heve mulume un'tsela ndawuli kuta ufuluche umulongotse mudala vako ku wukuluso wa Mutwa?17Chila munu ikilaje kota hila Mutwa fyo amugavye, mwikalaje kota hila Mulungu fyo avachemile. Iga go malajitso go ntsinguvapela vanu veka wo vamutumbye Chilisito.18Manyi munu mulume achemilwe kuno inje likumbi, alekaje kiyatsa kuta mwene si inje likumbi. Na manyi achemilwe kuno si inje likumbi, alekaje kugwagwaditswa ili injile likumbi.19Kwakuva kwinjila likumbi na kuleka kwinjila likumbi siyo chinu chinya mana ngomi ndaya! Chinu cho ching'anika kuhulikitsa malagitso ga Mulungu.20Ihyo chila yumwe asigalaje hihila kota fyo avaga hala ho achemwaga na Mulungu.21Mbe, heve ho wachemwagwa wavaga mutantsi va munu? Lulongwa ulo lulekaje kukutifya, lechelelo manyi ufuluche kuwuleka uwo wutantsi, duve udite hihyo.22Kwasawuli munu yoyuve yo achemilwe na Mutwa kuno alimutantsi va munu, uyo ankuva mugombolwa kwa Mutwa. Kota hila fyovali iwo wo vachemilwe kuno siyo vatantsi va munu, lelo vaveye vatantsi va Chilisito.23Mulungu akavagombwe kwa galama ngomi, ihyo muleche kuva vatantsi va munu yoyuve.24Vang'olotsangu, chila munu asigalaje hihilaga kota hala fyo achemwaga na Mulungu.25Ino lelo ntsiguvandichila lulongwa lwa vala vahintsa wo vang'ali kutoleka, lo mwavaga muntsandichilye kumbutsa. Heni ntsilihela malagitso go gahumye kwa Mutwa. Lechelelo mun'ganika munumbe chila cho ntsinguvalonjela.26Kwasawuli ya ndongwa fyotsili kwa luvala ulu, yikakuva chiba musigale kota fyomuli.27Mbe, utolite? Walahogola kugana mwileche. Mbe, siulatola? Walahogola kutola.28Lechelelo manyi utole ukuva siudisile ndongwa ntsibi, na kaha muhintsa yo akutoleka akuva siadisile ndongwa ntsibi. Lechelelo wo vakuva vatoliche na kutola vakugatsika chila siku, na heni nganije kuvatanga ili valeche kugatsika.29Lechelelo vang'olotsangu ntsin'gana kulonga hino. Lusije luvala ludodo hela, lelo luhuma sambi vala wo vatolite van'ganika vikale kota sivalatola,30na vala wo vanvemba vikalaje kota sinambevavembe, na vala wo vanhechelela vikalaje kota vasusutafu, nawo wo van'gula finu vikaleje kota hila valihela finu,31na vala wo vampipika na finu fya mu inyi yino, vavaje kota si vampipilika ndalahela na ndongwa itso. Kwasawuli kota hila fyo tun'tsela nachene kuta, inyi yinlutila.32Ntsin'gana henye mulekaje kupipilika. Kwasawuli munu yo siatolite aditaga ndongwa tso angutsigana Mutwa ng'ani, kwasawuli an'gana kumudita Mutwa ahechelele.33Lechelelo munu yo atolite ankuva an'dita ndongwa tsa mu inyi yino, kwasawuli an'gana mudala vake ahechelele,34na kaha mahotso gake gavaga gavili gavili. Nayo muhintsa yo siatoliche aditaga ndongwa tso angutsigana Mutwa ng'ani, kwasawuli an'gana kumudita Mutwa ahechelele, ili ave muhagulwa na itawule kwa muvili na muhe gwake kwa Mutwa. Lechelelo yula yo atoliche akuva an'dita ndongwa tsa mu inyi yino, kwasawuli an'gana mulume vake ahechelele.35Ntsinguvalonjela ndongwa itsi ili ntsivatanje, siyo kuta ntsinguvalemetsa. Lechelelo ntsin'gana mwikale finofu ili mumutumichila Mutwa finofu.36Manyi munu yoyuve yo an'wona kuta sinambeamutole muhintsa yo vapatine kutolana, na mbwiniwo tsa mulume uyo tsinlutila. Nayo uyo muhintsa fyo ankwendelela kikala anlutila umuli wake wa noleka. Van'ganika vitole hela, kwa kudita ihyo sivakuva van'dita ndongwa ntsibi.37Lechelelo manyi mwene uyo mulume alamule finji mu numbula yake na kuleka kumutola uyo muhintsa, na manyi anawo wuvetso wa kutsisuma mbwiniwo tsake, akuva adisile finofu hilo kwa kuleka kumutola muhintsa uyo.38Ihyo mulume yula yo akulamula kumutola muhintsa yo aganije kumutola, akuva adisile finofu. Na mulume yula yo akikala bila kutola, nayo akuva adisile finofu hilo.39Mudala an'ganika kikala na mulume vake luvala lweka lwa wumi wawo. Lechelelo manyi mulume uyo atajiche, mudala uyo afuluche atoleche na mulume yoyuve yo angumugana mwene. Ila mulume uyo an'ganika ave angumutumba Chilisito.40Lechelelo hila fyo ntsin'wona heni, yikakuva chiba asigale mufwile. Ila ndongwa itso ntsinlonga heni hela, nambe ihyo ntsintumba kuta na heni ntsinayo Muhe va Mulungu.
The Word for the World International