1Ginauli ya kitabagunaidi wa na mulidiwai anelu hasi ya kitadi se totolo tanoubu teha hasi ta udiyedi, na yaumai hasi ne se guduguduidi bena tabu hesau ye towalau tano o gabwa o kaiwa hesau unai.2Kabo anelu hesau ya kita teha kaluwabu ne unai ye saesaema, Yaubada Maumaulina yona hekihekinoi kabatolena tamowai udiyedi ginaulina meta ye bahebahei. Na ma kalinalakilakina ye yogalau anelu hasi wa udiyedi, siya ede Yaubada gigibwali ye moseidi kabo bwatano yo gabwa se heyababadi, na ye wane,3“Yaumai kwa guduguduidi kabo tabu tano o gabwa o kaiwa se heyababadi kana siga yoda Yaubada yona taupaisowa debadi udiyedi hekihekinoi ta ka toledi.”4Na kabo siya hekihekinoi wa tauhaidi badodi numelana ya lapui, meta 144 tausani. Siya ede Isalaela kana bogao maudoidi udiyedi se laoma:5Yuda kana boga unai hekihekinoi tauhaidi wa badodi 12,000, Lubeni kana boga unai 12,000, Gada kana boga unai 12,000,6Asa kana boga unai 12,000, Napatali kana boga unai 12,000, Manase kana boga unai 12,000,7Simiyona kana boga unai 12,000, Lewi kana boga unai 12,000, Isakala kana boga unai 12,000,8Sebulona kana boga unai 12,000, Yosepa kana boga unai 12,000, yo Beniyamina kana boga unai 12,000.
Bodalakilaki kwama posiposidi lohalohadi se luwuidi
9Mulinawai ya kaikaikewa na matagu ne unai meta boda lakilakikalilina, na taba nige gonowana hesau ye hasilidi. Siya meta basileiya, boga, dahi, yo kalina udoiꞌudoi udiyedi se laoma na se totolo telona matanawai yo Mamoe Natuna talanuwana unai. Kwama posiposidi lohalohadi se luwuidi, yo tutube bagadi se kabikabidi nimadiwai.10Se wowo ma kalina lakilakidi se wane, “Yoda kabihemauli ta meta yoda Yaubada, iya telona unai ye tutuli ne, yo Mamoe Natuna kalidiwai se laoma!”11Anelu maudoidi ya kitadi meta telona yo babadao yo ginauli maumaulidi hasi wa se tolohetakikilidi, na kabo se guliyaboyabomdobi telona wa talanuwanawai na Yaubada se kaihelahui12se wane,“Mamohoi!Hedebasae, didiga,sibasiba, lautoki, hekasisi,gigibwali yo bayaose laowa kowa, yoma Yaubada, kalimwai ye lau ee nige kana siga.Mamohoi!”13Kabo babadao wa hesau ye henamaiyeigau ye wane, “Teina kwama posiposina tauluwuidi ta, siya meta kaiteyadi, yo haedi se laoma?”14Ya hededelau unai ya wane, “Tanuwaga, kowa kabina ku kata.” Kabo ye wane, “Tamowai ta meta hekamkamnalakilaki luwanawai na se tolokesegai wa, yo kadi kwama se deuliheposiposidiko Mamoe kwasinana unai.15Teina unai edesiya Yaubada yona telona talanuwanawai se totoloyo mayadai yo boniyai yona Numa Tabuna unai se tabatabaꞌohu,yo iya telona unai tautuli ne kabo loguloguna unai se miya.16Taba nige se hasaliꞌuyo.Taba nige se gadomaguꞌuyo.Mahana taba nige ye sinaidi,o gigibwalina ye gabudi.17Matawuwuna ede Mamoe Natuna, iya duwaduwali ne unai telona wa matanawai ye totolo ne kabo ye kitahetetedi,na ye woyaidi se lau waila maumaulina bonobonowasidiyao udiyedi.Yo Yaubada kabo matasulu maudoidi matadi ne udiyedi ye sauhaidi.”