Bô Êr2
1Dodotan an sanga na or na antôn êrane êr katnê ne ling sênê aê i m'ba mlemlenga.2Warsangul lêp êr aê dumôan êr na ratan mwaknon bilaê eju bôtôr bênê Warsangul aê bênê nan antôn ane i mwalngi nan konan.3Aê epea, “Kêt temra gmogmo nar aôlê at êraê esabrênê nar aôlê êr jingi kêt.”4Warsangul mwahlôô lon tôngtôngaê emanmansi êr.5Pon anre aê i m'war pwiris lon lolpirian banê êraê emwê ne êr mwamtaglatnê i,olin nan nêmaan an sanga ere aê epea,6“Aê nê m'patkui nak warsangul lêp ran wau an Saeon,nak wau kon.”7Warsangul lêp pea, “Nê met'paetnê dal na Warsangul an sonê duan.I m'pe banê nê epea, ‘Êk aê o m'be wanjuk admwanaê nagmware anlo aê nê mamabe temam.8O t'us jingi nê aê nê met'sunê or na antôn êr an gatgat,aê o metelê êr ne êr metebe namaê ratan m'ba ne ba nok bê aê i met'be nam.9O metepnis gômôgmô êr men lia an môômnê re têêsal. O metepnis googosê êr aê êr metemteetee papanê nakur.’”10Rundelo, warsangul lêp êr, aê gimi dodbwêrêbwrê!Gimi telê dodotan re dumôan êr na ratan!11O t'ôm na Warsangul lon metaanaê emêmênê i men rongo mbetôôan.12O telngi êk ba pa wanjun,tanre tê aê nên met'maa aê o met'mat.Olin ngane nan lolpirian en sanga aê kuukus ngaaê i mwangrê ane i met'longlongmê êk aê o met'mat.Tôôan aê i meteanê êr bonga an mwapulu pan.
Pioneer Bible Translators