2 Tesalonika3
1Ma ḏo-ḏogumu tala, ioronongoḏu ngo-ngaku rimoi ni manyiata di'a ngomi, la habari mangale Ma Jou Yesus ngowa'a ya dawongo toma la-la ma dara, capati 'i rera re walata; ma tero sa'olo ma siḏa 'i dadi ḏua ra ngini.2Ni manyiata ḏi'i, la Ma Jou'ongu Madutu 'o silalo'o ngomi toma ngowa'a manga 'akala re sinyingara 'i cira madutu, sababu manusia mo-moini ua 'aḏi ngaku habari mangale Ma Jou Yesus.3Mada'a Ma Jou 'o sitotomo 'ai jaji tau-taunu. Sababu gena-ge, Unanga ḏuanga i'a nu site'e ninga ngo-ngaku re nu saolo toma 'Iblisi ma kuasa.4Sababu Ma Jou 'o riono ngini, ngomi mi ngaku mode-mode'e mangale ngini ni si'a'a ḏua re ḏuanga i'a ni si'a'a tau-taunu 'oru ḇato ga'a ngomi bererongo ra ngini.5Ngoi to golo'o ra Ma Jou di'a 'O sinyanyasele ninga 'akala re sinyingara di'a lebe ni sahe mangale Ma Jou'ongu Madutu 'o dadalara ngini, la wakutu ni sanga sikisa, ngini nga'unu ni matahana ma tero sa'olo Kristus 'o matahana.6Ioronongoḏu ngo-ngaku rimoi, ra Ma Jou Yesus Kristus 'Ai kuasa, ngomi bererongo ngini: Ni macapuru awa toma ngowa'a ngaku Yesus ga'a 'aḏi munara ḇusuru re 'aḏi mete'e ua do-doto'o ga'a mi pula'a ḏua ra ananga.7Ngini masiretene ni waro minga 'ahu ma duhu ga'a ngini balasu na cuḏuḏu'u: ngomi mi cufala madutu mi 'a'a munara wakutu 'age taninga sigolona.8Na'o ngowa'a 'aḏi pula'a ngomi mi oromo, ngomi ma fangu. Ḏi'i lobi'i re wangere ngomi mi cufala madutu mi 'a'a munara reminga galasau'u ma duduala, la mi sikangela ngowa'a ua, ra guna ḇato taninga sigolona.9Kalaha ngomi sa'olo Kristus 'ai so-soma'a reminga haku mi majalalara ra ngini, ngomi masi'a'a so'o gena, sababu ngomi mi mau sijumu ngo'omo la-la ra ngini, la ngini ni mete'e ngomi.10Wakutu 'age ngomi taninga sigolona moju, ngomi mi bererongo pasala ḏua ra ngini ma betongo: “Ngowa'a ga'a 'aḏi munara ḇusuru, pula'a oromo awa.”11Ngomi mi bererongo so'o nena-ne, sababu mi 'isene taninga sigolona 'age rema ngowa'a ga'a 'aḏi munara ḇusuru. Ananga 'aḏi munara ceka'a i'a mai ua, pa'i 'aḏi nyanyaḏi capuru ngowa'a lelegu manga 'urusana.12Re Ma Jou Yesus Kristus 'ai kuasa ma dara, ngomi bererongo re mi si'elingi ngowa-ngowa'a gena-ge, ananga balasu 'aḏi munara, la 'aḏi disa manga 'ahu masiretene.13Ioronongoḏu ngo-ngaku rimoi, awa ngini ni matogumu 'a'a 'ori i'a la-la. Kalaha ni basono momoro ngini balasu ni 'a'a 'ori i'a la-la tau-taunu.14Na'o 'age rema ngowa'a 'aḏi mete'e ua mangale 'oru ga'a ngomi siajele ra ngini toma surata ma dara; ngini balasu ni ma'istiari re ni malalo'o ra ananga gena-ge, la 'aḏi mara'a.15Mada'a ananga gena-ge awa sidadi ninga lawana. Siḏibo ḏi'i, ngini balasu na'u ḇangata ma tero sa'olo ninga ioro bolo ninga nongoḏu.16Ma Jou Yesus Unanga ga'a dame ma cimi, ngoi to golo'o Unanga masiretene 'o pula'a dame ra ngini toma 'orasa re ngi'i le'a ḇato. Ngoi to golo'o Unanga 'o sieanga i'a awa ngini mo-moini.17Tabea ra ngoi, Paulus. Balangu nena-ne ngoi masiretene to lefo sa'olo biasa, la ngini ni ngaku mode-mode'e surata nena-ne ra ngoi i'a.18Ngoi to golo'o ra Yesus Kristus, nanga Jou, mangale 'Ai mura re dadalara sieanga i'a ua ngini mo-moini.
The Seed Company