1 Korintus16
1Nange-ne ngoi to kanau mangale pipisi ga'a ngini na lomu ni pula'a di'a Ma Jou'ongu Madutu 'ai 'umata toma limau Yerusalem, balasu ni mete'e 'oru ga'a ngoi ta siajele ḏua toma jama'ata Galatia.2Migu ma wangere ma jelele i'a ioronongoḏu ngo-ngaku rimoi balasu na wola i'a ninga pipisi mete'e 'oru ga'a ngini na sanga. Pipisi gena-ge na gogono, la wakutu to sapolo ra ngini pipisi gena-ge 'i lomu ḏua.3Wakutu ngoi to sapolo ra ngini, ngoi to pula'a surata siwatasa toma ngowa-ngowa'a ga'a ngini ngaku re to 'utusu ananga ya gasa pipisi bu-bula'a gena-ge toma jama'ata Yerusalem.4Na'o paralu, ngoi to tagi mamete'e ra ananga.5Ngoi to tola'a i'a daeraha Makedonia sababu ngoi rari maksudu, kara to tutumu ngini6Ngoi to tegoro 'age ra ngini ḏa ngasamoi. Mada'a na'o 'orasa 'alo-'alo 'i ngadolo, ngoi ḏa to tegoro ra ngini gasa ti'ara i'a. Dadi 'orasa gena-ge 'i togumu i'a ngini nyengara ni riono ngoi ta dowanga 'ari ḏo-ḏagi toma limau ma sebanga.7Ngoi to mau to tutumu ngini pa'i to tuḏu i'a ua, mada'a na'o Ma Jou'ongu Madutu 'o pula'a donga ra ngoi, ngoi to tegoro 'age ra ngini ḏa gasa ti'ara i'a.8Mada'a nange-ne ngoi to tegoro toma limau Epesus singadolo 'o Pentakosta ma Wangere 'i ngadolo.9Sababu kalaha 'age tamanga sigolona rema ngowa'a ga'a 'aḏi dola'aku ngoi, 'age ḏi'i donga ma repe rema faeda lai lamo'o toma ngi'i gena-ge di'a ngoi ta singadolo Habari Roanga ra Ma Jou'ongu Madutu tala.10Na'o 'a Timotius 'o sapolo ra ngini, nu dawongo unanga reninga 'akala re sinyingara sa-sanangi, la unanga ḏi'i basono sanangi 'o tegoro taninga sigolona. Sababu unanga munara di'a Ma Jou, ma tero sa'olo ngoi.11Awa taninga sigolona, 'age rema ngowa'a matengo ga'a si'u'ua unanga. Siḏibo ḏi'i, ni riono unanga, la unanga nga'unu 'a dowanga 'ai ḏo-ḏagi singadolo unanga 'o maḏibo ino ra ngoi rema salamata, sababu ngoi tu totoma unanga re ioronongoḏu ngo-ngaku rimoi ma lelegu ḏi'i.12Mangale nanga ioronongoḏu matengo ngo-ngaku rimoi, 'a Apolos. Soi muḏuo i'a ḏua, ngoi to golo'o mode-mode'e ra unanga, la unanga re ioronongoḏu ngo-ngaku rimoi ma lelegu, ananga gena-ge 'aḏi tutumu ngini. Mada'a nange-ne unanga 'o oḏu'u sapolo ra ngini. Mada'a na'o 'o sanga donga ḏuanga i'a unanga 'o sapolo ra ngini.13Ngini balasu ni ma'istiari re ni macako'o namo-namoto taninga ngo-ngaku. Ninga 'akala re sinyingara balasu lai nau'u re ni mate'e.14'Oru ḇato ngini ni 'a'a, si'a'a reo dadalara.15Tantu ḏua, ngini nu nana'o 'a Stefanus re 'ai ngitu re ngale, ananga siḏa-siḏa 'aḏi dadi ngowa'a ngaku Yesus toma daeraha Akhaya. Ananga 'aḏi munara di'a Ma Jou'ongu Madutu 'ai 'umata remanga 'akala re sinyingara 'i boloto.16Ngoi to golo'o mode-mode'e ra ngini, la ngini mode-mode'e ni mete'e ninga bi-biri'i sa'olo 'a Stefanus re ngowa'a lelegu ga'a marimoi ra ananga di'a 'aḏi munara di'a Ma Jou'ongu Madutu.17Ngoi to sanangi wakutu 'a Stefanus, Fortunatus re 'a Akhaikus manga ta-sapolo ḏua, ananga gena-ge ma tero sa'olo ngini ninga nga-ngali.18Ananga 'aḏi 'a'a ngoi 'ari 'akala re sinyingara 'i maroanga ma tero sa'olo ananga 'aḏi 'a'a ngini ninga 'akala re sinyingara 'i maroanga ḏi'i. Ngowa-ngowa'a ma tero ananga, ngene balasu wa'u silamo'o.19Jama'ata-jama'ata toma daeraha Asia, ananga 'aḏi siḏingoto manga tabea ra ngini. Akwila re Priskila re jama'ata ga'a 'aḏi malomu ra ananga manga wala mai 'aḏi siḏingoto ḏi'i manga tabea ra ngini.20Ioronongoḏu ngo-ngaku rimoi 'ane mo-moini 'aḏi siḏingoto manga tabea ra ngini. Ni ma'u pula'a tabea matengo re matengo sa'olo 'i patasa di'a ngowa'a ngaku Yesus.21'Ane-ne ngoi to dogo ta silefo ngoi 'ari tabea masiretene, Tabea ra ngoi Paulus.22Ngowa'a ga'a 'aḏi dadalara Ma Jou ua, eanga i'a 'aḏi sanga katula. Maranatha -- nanga Jou 'o sapolo!23Ngoi to golo'o ra Ma Jou Yesus mangale 'Ai mura re dadalara sieanga i'a ua ngini.24Ngoi 'ari dadalara ra ngini mo-moini ga'a reni marimoi ra Kristus Yesus. 'Amin.
The Seed Company