Guharura34
Imbibe z’i Kanani
1Uhoraho abarira Mose ati:2“Tegeka Abisirayeli ubabwire uti: ‘Nimwashika i Kanani, igihugu mugiye kwinjiramwo ngo kibe icanyu kizoba gifise imbibe zikurikira:3Urubibe rwanyu rwo mu bumanuko ruzoba rugarukira ku bugaragwa bw’i Zini, ku rubibe rw’igihugu ca Edomu. Mu buseruko, urubibe ruzotangurira aho Ikiyaga c’Umunyu giherera,4ruce mu bumanuko bw’akadugo ka Akurabimu, n’i Zini, ruce no mu bumanuko bwa Kadeshi Baruneya. Ruzobandanya ruce i Hazari-Adari n’i Azimoni,5ruce rukebanuka, rufatane n’umugezi Wadi wa Egiputa ruruhukire ku Kiyaga Mediterane.6Urubibe rwanyu rwo mu burengero ruzoba ari Ikiyaga Mediterane. Urwo ni rwo ruzoba urubibe rwanyu rwo mu burengero.7Ku vyerekeye urubibe rwanyu rwo mu buraruko, muze muve ku Kiyaga Mediterane mushike ku musozi Hori8no kuva ku musozi Hori mushike i Lebo-Hamati. Maze urwo rubibe ruze rubandanye gushika i Sedadi,9rushishikare gushika i Zifuroni ruherere i Hazari-Enani. Urwo ni rwo ruzoba urubibe rwanyu rwo mu buraruko.10Ku vyerekeye urubibe rwanyu rwo mu buseruko, ruze ruve i Hazari-Enani rushike i Shefamu.11Urwo rubibe ruze rumanuke kuva i Shefamu ruja i Ribula ku ruhande rwo mu buseruko bwa Ayini rushishikare gushika ku nkombe z’Ikiyaga c’i Kinereti.12Maze urwo rubibe ruze rumanuke rujane Yorodani rushike ku Kiyaga c’Umunyu.Ico ni co kizoba igihugu canyu, kizoba gifise imbibe zaco impande zose.’ ”13Mose ategeka Abisirayeli ati: “Muze mugabure ico gihugu mukoresheje ubupfindo nk’umugabane wanyu. Uhoraho yategetse ko kizogaburirwa imiryango icenda n’igice,14kuko imiryango ya Reyubeni, na Gadi n’igice c’umuryango wa Manase baronse imigabane yabo.15Iyo miryango ibiri n’igice yaronse umugabane wayo mu buseruko bwa Yorodani hakurya ya Yeriko.”16Uhoraho abarira Mose ati:17“Aya ni yo mazina y’abantu bazobagaburira ico gihugu nk’umugabane wanyu: Eliyazeri umuherezi na Yosuwa mwene Nuni.18Kandi uze utore umukuru umwe mu muryango wose wo gufasha kugabura ico gihugu.19Aya ni yo mazina yabo:
Kalebu mwene Yefune, wo mu muryango wa Yuda;20Samweli mwene Amihudi, wo mu muryango wa Simeyoni;21Elidadi mwene Kisiloni, wo mu muryango wa Benyamini;22Buki mwene Yoguli, umukuru wo mu muryango wa Dani;23Haniyeli mwene Efodi, umukuru wo mu muryango wa Manase mwene Yosefu;24Kemuweli mwene Shifutani, umukuru wo mu muryango wa Efurayimu mwene Yosefu;25Elizafani mwene Parunaki, umukuru wo mu muryango wa Zebuloni;26Palutiyeli mwene Azani, umukuru wo mu muryango wa Isakari;27Ahihudi mwene Shelomi, umukuru wo mu muryango wa Asheri;28Pedaheli mwene Amihudi, umukuru wo mu muryango wa Nafutali.”29Abo ni bo bagabo Uhoraho yategetse ko batorwa ngo bagaburire Abisirayeli imigabane yabo mu gihugu c’i Kanani.
Biblica, Inc.