Abalewi15
Ibihumanya biva mu muntu
1Uhoraho abwira Mose na Aroni ati:2“Bwira Abisirayeli uti: ‘Umugabo niyafatwa n’ingwara yo mu bihimba vy’irondoka, ibimuvamwo vyose bizoba bihumanye.3Igihe cose bizoba bikiza biva mu mubiri wiwe canke vyazibiwe, uwo muntu azoba ahumanye. Uku ni ko ivyo bimuvamwo bizotuma umuntu ahumana:4Uburiri bwose uwo muntu azoryamako buzoba buhumanye, n’ikintu cose azokwicarako kizoba gihumanye.5Umuntu wese azokora kuri ubwo buriri aze amesure impuzu ziwe yiyuhagire n’amazi, kandi aze agume ahumanye gushika ku mugoroba.6Umuntu wese azokwicara ku kintu na kimwe uwo muntu yicayeko aze amesure impuzu ziwe kandi yiyuhagire n’amazi, kandi aze agume ahumanye gushika ku mugoroba.7Umuntu wese azokora kuri uwo muntu aze amesure impuzu ziwe yiyuhagire n’amazi, kandi aze agume ahumanye gushika ku mugoroba.8Uwo muntu agwaye niyacira ku muntu yari asanzwe adahumanye, uwo yaciriyeko aze amesure impuzu ziwe yiyuhagire n’amazi, kandi aze agume ahumanye gushika ku mugoroba.9Ikintu cose uwo muntu agwaye azokwicarako ari kw’ifarasi kizoba gihumanye,10kandi umuntu wese azokora kuri ivyo bintu vyose vyari musi yiwe azoba ahumanye gushika ku mugoroba; uwuzoterura ikintu na kimwe muri ivyo aze amesure impuzu ziwe yiyuhagire n’amazi, kandi aze agume ahumanye gushika ku mugoroba.11Umuntu wese uwo mugwayi azokorako adakaravye n’amazi aze amesure impuzu ziwe yiyuhagire n’amazi, kandi aze agume ahumanye gushika ku mugoroba.12Inkono y’ibumba yose uwo mugwayi azokorako ize imenagurwe, kandi nicaba ari igikoresho gikozwe mu giti ico ari co cose kize cozwe n’amazi.13Umuntu niyakira iyo ngwara yamutera ubuhumane, aze aharure imisi indwi imbere yo guhumanurwa. Niyahera aze amesure impuzu ziwe yiyuhagire n’amazi meza, azoba ahumanuwe.14Ku musi ugira umunani aze atware intunguru zibiri zikiri nto canke inuma zikiri nto azishikane imbere y’Uhoraho mu bwinjiriro bw’Ihema ry’Ibonaniro abihe umuherezi.15Umuherezi aze abitangeko ibimazi, kimwe kibe ikimazi c’ivyaha, ikindi kibe ikimazi co guturirwa. Azoba atangiye uwo muntu ikimazi co kwicungura imbere y’Uhoraho kubera ivyamuvuyemwo.16Umugabo niyasesa imbuto ziwe mw’ijoro, aze yiyuhagire umubiri wose n’amazi, aze agume ahumanye gushika ku mugoroba.17Impuzu yose canke ikintu cose gikozwe mu rusato izo mbuto zashitseko kize kimesurwe n’amazi, kandi kizoba gihumanye gushika ku mugoroba.18Umugabo niyaryamana n’umugore hakaba gusohora imbuto, baze biyuhagire n’amazi, kandi bazoba bahumanye gushika ku mugoroba.19Umugore niyaja mu miziro yiwe, azoba ahumanye imisi indwi, kandi umuntu wese azomukorako azoba ahumanye gushika ku mugoroba.20Ico azoryamako cose akiri mu miziro yiwe kizoba gihumanye, kandi ico azokwicarako cose kizoba gihumanye.21Uwuzokora ku buriri yaryamyeko aze amesure impuzu ziwe yiyuhagire n’amazi, kandi azoba ahumanye gushika ku mugoroba.22Umuntu wese azokora ku kintu na kimwe uwo mugore yicayeko aze amesure impuzu ziwe yiyuhagire n’amazi, kandi azoba ahumanye gushika ku mugoroba.23Bwaba uburiri canke ikintu cose yicayeko, nihagira umuntu agikorako, azoba ahumanye gushika ku mugoroba.24Nihagira umugabo aryamana n’uwo mugore maze amaraso amuvamwo ku bw’iyo miziro yiwe agakora kuri uwo mugabo, azoba ahumanye imisi ndwi, mbere n’uburiri bwose azoryamako buzoba buhumanye.25Umugore niyaguma ava amaraso imisi myinshi mu gihe ciwe c’imiziro, canke niyaba aguma ava amaraso kurenza ukwezi kwiwe, azoguma ahumanye imisi yose bizomara, nk’uko bigenda igihe ari mu kwezi kwiwe.26Uburiri bwose azoryamako igihe azoba ari muri ivyo bihe buzoba buhumanye, ni co kimwe n’uburiri bwiwe aryamako mu gihe c’ukwezi kwiwe, kandi ikintu cose azokwicarako kizoba gihumanye, nk’uko bimeze mu gihe c’ukwezi kwiwe gusanzwe.27Kandi umuntu wese azobikorako azoba ahumanye. Aze amesure impuzu ziwe yiyuhagire n’amazi, kandi azoguma ahumanye gushika ku mugoroba.28Kuva amaraso nivyahagarara, aze aharure imisi ndwi, niyahera azoba ahumanutse.29Ku musi ugira umunani aze azane intunguru zibiri zikiri nto, inuma zibiri zikiri nto azizanire umuherezi imbere y’ihema ry’ibonaniro.30Uwo muherezi aze abitange, kimwe kibe ikimazi c’ivyaha, ikindi kibe ikimazi co guturirwa. Aho ni ho azoba amutangiye ikimazi co kumucungura imbere y’Uhoraho kubera ubuhumane yatewe n’ayo maraso.31Muze murinde Abisirayeli ibintu vyose vyobahumanya, kugira ngo ntibapfe bazize ubwo buhumane kuko bohava bahumanya inzu yanje yera iri hagati muri bo.’ ”32Ivyo ni vyo vyagezwe bigenga ibiva mu bihimba vy’irondoka, yaba umugabo yahumanijwe n’uko yasohoye imbuto ziwe,33yaba umugore ari mu kwezi kwiwe, yaba umugabo canke umugore bagwaye mu bihimba vy’irondoka, bigatuma bava ibintu bibahumanya, canke umugabo yaryamanye n’umugore asanzwe ahumanye.Biblica, Inc.