1 Samweli29
Akishi asubiza Dawidi i Zikulagi
1Abafilisitiya bakoranya ingabo zabo zose i Afeki, Abisirayeli na bo bacumbika ku mugezi w’i Yezireyeli.2Maze abakuru b’ingabo z’Abafilisitiya barongoye imice y’amajana n’ibihumbi, hamwe na Dawidi n’abantu biwe bagendera inyuma bari kumwe na Akishi.3Abakuru b’ingabo barabaza bati: “Ivy’aba Baheburayo bimeze gute?”Akishi arabishura ati: “Uwu si Dawidi yahora ari umwe mu bakuru b’ingabo kwa Sawuli umwami w’Abisirayeli? Amaze umwaka urenga ari kumwe nanje, kandi kuva ava kwa Sawuli gushika uwu musi nta co ndamugaya.”4Ariko ba bakuru b’Abafilisitiya baramushavurira baramubwira bati: “Subiza uwo mugabo inyuma, asubire mu kibanza yagenewe. Ntashobora kujana natwe mu ntambara, yohava aduhindukirira, akatugwanya. Hari ubundi buryo yokwiyuzuza na shebuja atari uguca imitwe izi ngabo zacu?5Uwo si Dawidi umwe bavyinira batamba ngo:‘Sawuli yishe ibihumbi vyiwe,ariko Dawidi we yishe ibihumbi vyiwe incuro cumi’?”6Maze Akishi ahamagara Dawidi aramubwira ati: “Ndakurahiye uguhoraho kw’Uhoraho, wabaye umwizigirwa, kandi vyari bimpimbaye ko ujana nanje mu rugamba. Kuva ku musi waziye iwanje gushika uwu musi, nta kibi nakubonyeko, ariko abatware ntibakwemera.7Isubirire inyuma mu mahoro; ntihagire ico ukora coshavuza abakuru b’Abafilisitiya.”8Dawidi aramubaza ati: “Nakoze iki? Ni igiki wabonye wokwagiriza umusavyi wawe kuva ku musi naziyeko iwawe gushika ubu? Ni iki combuza kuja kugwanya abansi ba databuja umwami?”9Akishi aramwishura ati: “Ndazi ko wamye unezera nka marayika w’Imana; ariko abakuru b’ingabo bavuze bati: ‘Ntajane natwe ku rugamba.’10Nuko uze uvyuke kare, hamwe n’ingabo zawe mwazananye, mugende hakiri kare.”11Nuko Dawidi n’abantu biwe bavyuka kare mu gitondo basubira mu gihugu c’Abafilisitiya, Abafilisitiya na bo baraduga baja i Yezireyeli.
Biblica, Inc.