Filipljanurenđe1
1Kava lil pisiv me, o Pavle thaj o Timotej, sluge e Hristese e Isusese, sa e Devlese manušenđe ano Hrist o Isus save bešen ano Filipi, katane e nadglednikurencar thaj e đakonurencar:2Milost tumenđe thaj mir taro Dol, amaro Dad thaj taro Gospod o Isus o Hrist.3Zahvaliv mingre Devlese kana god dama gođi tumendar.4Ane dži jekh mingri molitva savorenđe tumenđe molima radujimasa,5golese so taro angluno đive dži akana učestvujisaden te barol o Lačho Lafi.6Sigurno sem, kaj o Dol savo počnisada te ćerol šukar buća ane tumende, ka dovršil len dži ko đive kana ka avol o Hrist o Isus.7Ispravno si kaj gija dav gođi savorendar tumendar. Savoren tumen inđarav ano ilo golese so sa tumen mancar ulaven e Devleso milost, sar sem ane sinđira il sar braniv o Lačho Lafi thaj sikavav kaj si čačukano.8O Dol si svedoko kaj žudiv pale savorende tumende e manglimasa e Hristeso e Isuseso.9Kava molima tumenđe, tumaro manglipe te barol pobut ane sa i spoznaja thaj ano šukar prosuđivanje,10te šaj prosudin so si polačhe. Molima te aven thode thaj bizo greh dži ko đive kana o Hrist ka avol11thaj te pherdon e bijandimasa taro pravednost, savo avol prekalo Isus o Hrist ki slava thaj ki hvala e Devlese.12Phralalen thaj phejalen, mangav te džanen, kaj kava so desil pe mancar, pomožisada o Lačho Lafi te džal po anglal.13Gija sa e carosi straža thaj savore avera kate džanen kaj sem ane sinđira bašo Hrist.14A pobut phrala thaj pheja zurajle ano Gospod mingre sinđirencar gija so smelo thaj bizi dar objavin e Devleso Lafi.15Čače si, kaj nesave e Hristestar vaćaren taro zavist thaj taro takmičenje, al avera gova ćeren šukare ilesa.16Kala e dujta gova ćeren taro manglipe, golese so džanen kaj sem kate te braniv o Lačho Lafi.17Al avera vaćaren taro Hrist andare pe sebična pobude thaj gova ni ćeren iskreno, golese so den gođi kaj šaj ćeren manđe te avol mingro phanglipe po pharo.18Pa so gija? Važno si bilo sar, gija il gija, tare lačhe il bilačhe namere vaćarol pe taro Hrist. Golese radujima thaj ka radujima,19golese so džanav kaj tumare molitvencar thaj ano pomoć e Isusese Hristese Duxosa, gova so arakhlja man ka preokrenil pe baše mingro izbavljenje.20Željno ađućarav thaj nadi man kaj ane khanči ni ka ladžav, nego kaj ka avol man zuralo pouzdanje, sar uvek thaj i akana o Hrist ka proslavil pe ane mingro telo, il me džuvdimasa il me merimasa.21Golese so si manđe o džuvdipe o Hrist a o meripe dobitko.22Al te nastavisadem ano džuvdipe ano telo, gova ka značil te ćerav bući e Gospodese. Gija, ni džanav so te biriv!23Pharo si manđe te biriv. Mangav te džav thaj te avav e Hristesa, so si but pošukar,24al bašo tumaro šukaripe, pošukar si te ačhav ano telo.25Ane gova sem uverimo thaj džanav kaj ka ačhav thaj te avav savorencar tumencar te džan anglal thaj te radujin tumen ano pačajipe.26Gija ka avol tumen pobut razlogura te aven ponosna zbog kova so o Hrist o Isus ćerda manđe, golese so sem palem tumencar.27Samo živin gija sar tumenđe phenol o Lačho Lafi e Hristeso. Tegani, il ka avav thaj ka dikhav tumen, il ni ka avav, te šundem tumendar kaj ačhen ane jekh duxo thaj jekhe dušasa borin tumen za ko pačajipe e Lačhe Lafese.28Ane khanči ma te daran taro dušmano thaj gova ka avol znako kaj von ka aven uništime, al tumen spasime, thaj gova taro Dol.29Golese so tumen dobisaden o milost, na samo ano Hrist te pačan, nego thaj te trpin zbog leste.30Tumen vodin gasavo maripe sar so dikhljen kaj man sasa, a palem šunen kaj i akana isi ma maripe.
The Word for the World International