Sudije12
1E Efremovcurja ćidine pe pale borba thaj nakhline prekal e reka Jordan, aviline ando Cafon thaj phendine e Jeftaješće: “Sostar đelan te napadnis e Amoncen, a amen či akhardan te džas tusa? Dasa jag ćiro ćher thaj tut ande leste!”2A o Jeftaj phendas lenđe: “Me thaj mungro them vodisardam bari borba e Amoncenca. Akhardem tumen, ali tumen či aviline te spasin man andar lenđe vas.3Kana dikhlem kaj či aresena manđe ando pomoć, čhutem o šoro ande trjasta thaj teljardem pe Amoncurja, a o GOSPOD dija len ande mungre vas. Sostar aviline ađes te napadnin man?”4Askal o Jeftaj ćida sa e manušen andar o Gilad pa napadnisarda e Efremovcen. Thaj e Gilađanurja pobedisardine e Efremovcen, kaj e Efremovcurja phendine: “Tumen Gilađanurja sen otpadnikurja katar e Efremesko thaj e Manasijesko pleme.”5E Gilađanurja zauzmisardine e thana kaj si o paj plitko te šaj naćhel pe e reka Jordan. Godola droma inđarenas prekal o Efrem. Thaj kana god avilosas varesavo manuš savo našlo katar o Efrem thaj manglas te mućen les te naćhel, e Gilađanurja phučlinesas les: “Dali san tu Efremovco?” Ako akava phendasas: “Naj sem”,6von phendinesas lešće: “Lačhe, phen ‘šibolet’.” Ako akava phendasas “sibolet”, zato kaj naštik te phenel sar phenel pe godova alav, astardinesas les thaj mudardinesas les pe reka Jordan kaj si o paj plitko te šaj naćhel pe. Ande godoja vrjama gajda sas mudardo štarvardeš thaj duj milje Efremovcurja.7O Jeftaj sas sudija ando Izrael šov brš. Askal o Jeftaj andar o Gilad mulo thaj sas prahome ande jek gav ando Gilad.8Palo Jeftaj, sudija ando Izrael sas o Ivcan andar o Vitlejem.9Sas les trijanda čhave thaj trijanda čheja. E čhejen udajisardas pale manuša save nas andar lengo pleme, a pire čhavenđe pale romnja andas čhejen save sas isto andar aver plemenurja. O Ivcan sas sudija ando Izrael efta brš.10Askal o Ivcan mulo thaj sas prahome ando Vitlejem.11Palo Ivcan, sudija ando Izrael sas o Elon deš brš. Vo sas andar e Zavulonesko pleme.12Askal o Elon mulo thaj sas prahome ando Ajalon, ande Zavulonešći phuv.13Palo Elon, sudija ando Izrael sas o Avdon, e Hilelosko čhavo, savo sas andar o Piraton.14Sas les štarvardeš čhave thaj trijanda unukurja, save jašinas pe eftavardeš magarcurja. O Avdon, e Hilelosko čhavo, sas sudija ando Izrael ohto brš.15Askal o Avdon mulo thaj sas prahome ando Piraton. O Piraton sas ande Efremešći phuv, ande planine kaj trajinas e Amalečanurja.
The Word for the World International