Isus Navin19
1E dujto kocka peli pe Simeonesko pleme thaj pe lenđe familije. Lengo nasledstvo sas ande phuv savi nasledisardas e Judasko pleme.2Von dobisardine akala gava: e Beer-Ševa, savi akhardol vi Ševa, e Molada,3o Hacar-Šual, e Baala, o Acem,4o Eltolad, o Betul, e Horma,5o Ciklag, o Bet-Markavot, e Hacar-Susa,6o Bet-Levaot thaj o Šaruhen – dešutrin gava lenđe thanenca.7O Ajin, o Rimon, o Eter thaj o Ašan – e štar gava lenđe thanenca8thaj sa e thana oko akala gava sa dži ko Vaalat-Beer, savo akhardol još vi Ramat-Negev. Godova sas o nasledstvo katar e Simeonesko pleme pale lenđe familije.9Lengo nasledstvo sas lino katar e Judasko pleme zato kaj dobisardine majbut phuv nego so trubulas len. Gajda e Simeonesko pleme dobisarda piro nasledstvo maškar e Judasko pleme.10E trito kocka peli pe Zavulonesko pleme thaj pe lenđe familije. E granica katar lengo nasledstvo džalas sa dži ko Sarid.11Kotar džalas po zapad dži ke Marala thaj dotaknilas o Dabašet thaj o potok savo sas paše ko Jokneam.12Katar o Sarid banđarelas po istok dži ke granica Kislot-Tavor thaj džalas dži ko Dovrat, thaj opre dži ke Jafija.13Okotar džalas majdur po istok dži ko Git-Hefer thaj dži ko It-Kacin, inkljelas po Rimon thaj banđarelas prema e Nea.14Okotar e granica banđarelas po sever prema o Hanaton thaj završilas pe ande dolina Jiftah-El.15Akate sas još vi akala gava: o Katat, o Nahalal, o Šimron, e Jidala thaj o Vitlejem. Ukupno sas dešuduj gava lenđe thanenca.16Sa akala gava pire thanenca sas o nasledstvo katar e Zavulonesko pleme pale lenđe familije.17E štarto kocka peli pe Isaharesko pleme thaj pe lenđe familije.18Pe lengo područje sas: o Jizreel, o Kesulot, o Šunem,19o Hafarajim, o Šion, o Anaharat,20o Rabit, o Kišjon, o Avec,21o Remet, o En-Ganim, e En-Hada thaj o Bet-Pacec.22E granica dotaknilas o Tavor, e Šahacima thaj o Bet-Šemeš thaj završilas pe reka Jordan. Sas dešušov gava lenđe thanenca.23Sa akala gava pire thanenca sas o nasledstvo katar o Isaharesko pleme pale lenđe familije.24E pandžto kocka peli pe Asiresko pleme thaj pe lenđe familije.25Pe lengo područje sas: o Helkat, o Hali, o Beten, o Ahšaf,26o Alameleh, o Amad thaj o Mišal. Po zapad e granica dotaknilas e planina Karmel thaj o Šihor-Livnat.27Askal banđarelas po istok karig o Bet-Dagon, dirilas e phuv katar o Zavulonesko pleme thaj e dolina Jiftah-El, pa džalas po sever dži ko Bet-Emek thaj Neiel. Askal džalas majdur po sever dži ko Kavul,28dži ko Avdon, dži ko Rehov, dži ko Hamon, dži ke Kana thaj sa dži ko baro Sidon.29Okote e granica banđarelas karig e Rama thaj džalas dži ko utvrdime gav Tir, askal banđarelas karig e Hosa thaj završilas pe po Sredozemno more po područje e gavengo: o Ahziv,30e Uma, o Afek thaj o Rehov – biš thaj duj gava lenđe thanenca.31Sa akala gava pire thanenca sas o nasledstvo katar e Asiresko pleme pale lenđe familije.32E šovto kocka peli pe Neftalimesko pleme thaj pe lenđe familije.33Lenđi granica džalas katar o Helef thaj katar o baro kaš ando Caananim prekal o Adami-Nekev thaj prekal o Javneel dži ko Lakum thaj završilas pes pe reka Jordan.34Askal e granica banđarelas po zapad karig o Aznot-Tavor thaj inkljelas karig o Hukok. Po jugo dirilas e phuv katar o Zavulonesko pleme, po zapado e phuv katar o Asiresko pleme, a po istok ke Jehuda pe reka Jordan.35E utvrdime gava sas: o Cidim, o Cer, o Hamat, o Rakat, o Kineret,36e Adama, e Rama, o Hacor,37o Kedeš, o Edrej, o En-Hacor,38o Jiron, o Migdal-El, o Horem, o Bet-Anat thaj o Bet-Šemeš – dešuinja gava lenđe thanenca.39Sa akala gava pire thanenca sas o nasledstvo katar e Neftalimesko pleme pale lenđe familije.40E eftato kocka peli pe Danesko pleme thaj pe lenđe familije.41Po područje kaj sas lesko nasledstvo sas: e Cora, o Eštaol, o Ir-Šemeš,42o Šaalabin, o Ajalon, e Jitla,43o Elon, e Timna, o Ekron,44o Elteke, o Gibeton, o Vaalat,45o Jehud, o Bene-Berak, o Gat-Rimon,46o Me-Jarkon, o Rakon thaj o područje paše Jopa.47Ali e Danesko pleme sas but slabo te zauzmil godoja phuv, pa đeline thaj napadnisardine o Lešem thaj osvojisardine les. Sa e manušen save trajinas inća mudardine e mačesa thaj zauzmisardine o gav, naselisajle okote thaj akhardine les Dan, sago kaj akhardolas lengo prapapo.48Sa akala gava pire thanenca sas nasledstvo katar e Danesko pleme pale lenđe familije.49Kana podelisardine e phuv thaj sas gata godoleja, e Izraelcurja dine e Isuse Navine nasledstvo maškar pende.50Sago kaj o GOSPOD zapovedisarda, dine les o gav savo kamlas, o Timnat-Serah ande Efremešće gore, a vo obnovisarda o gav thaj nastanisajlo ande leste.51Godova područje si save o rašaj o Eleazer, o Isus Navin thaj e vođe e familijenđe dine ando nasledstvo e Izraelconenđe gajda kaj čhudenas e kocka ando Šilo, anglo GOSPOD, po ulaz ando Šator e sastankosko. Gajda sas gata godoleja te delin e phuv.
The Word for the World International