Luka19
O Isus hem o Zahej
1O Isus khugja ko gradi Erihon. I dži kote nakhela sine maškar o gradi,2alo jekh manuš so vikinela pe Zahej so sine jekh taro glavna danočnikija hem sine but barvalo.3Ov mangela sine te dikhel koj tano Isus, ama našti sine te dikhel le tari gužva, soske ov sine harno.4Adaleske prastandilo anglal hem uklingja ko kaš e smokvakoro te šaj te dikhel e Isuse, adaleske so džangja deka trebela te nakhel adathar.5A koga o Isus resla adathe, dikhla upre hem phengja leske: “Zahej, huli odma tele! Avdive mora te ovav ko to kher.”6I o Zahej odma hulilo tele hem radosno primingja le ko po kher.7Sa o manuša dikhle adava i počminge te brborinen maškar peste: “Gelo gosti ko grešniko te bešel.”8Ama o Zahej uštilo hem phengja e Gospodareske e Isuseske: “Akje, Gospode, ekvaš taro mo barvalipe ka dav le e čorolenge hem ako čorgjum nekastar nešto, ka iranav leske štar puti poviše.”9A o Isus vakergja leske: “Avdive alo o spasenije ko akava kher! Adaleske so akava da manuš tano taro seme e Avraameskoro.10Soske o Čhavo Manušeskoro alo te rodel hem te spasinel adale soj tano našavdo!”I parabola bašo doverimo srebro
11Dži kote o manuša šunena sine e Isuse, ov vakergja lenge akaja da parabola, soske sine paše uza ko Erusalim, a o manuša mislinge deka o carstvo e Devleskoro ka pojavinel pe taro jekh puti.12I o Isus vakergja: “Jekh manuš tari prešundi familija angleder te džal ko duripe te čhiven le bašo caro hem palo adava te iranel pe khere,13vikingja pe deše slugjen, dengja len po ekvaš kilo srebro hem vakergja lenge: ‘Keren buti akalencar sa dži kote na iranava man.’ I gelo ko drumo.14A o manuša tari leskiri phuv mrzinena le sine, i bičhalge pumare manušen adathe kaj so ov gelo te phenen: ‘Na mangaja akale manuše te ovel amenge caro.’15Koga adava manuš ulo caro, irangja pe khere hem vikingja pe slugjen kaske so dengja o pare te dikhel kozom zarabotinge lencar.16O prvo sluga alo hem phengja: ‘Gospodare, taro adava so dengjan man, kergjum deš puti poviše.’17Leskoro gospodari odgovoringja: ‘But šukar! Tu sijan šukar sluga. Adaleske so sijan sine verno ko hari, ka čhivav tut te upravine upro deš gradija.’18O dujto sluga alo hem phengja: ‘Gospodare, taro adava so dengjan man, kergjum pandž puti poviše.’19Leskoro gospodari odgovoringja: ‘Ka čhivav tut te upravine upro pandž gradija.’20A o trito sluga alo hem phengja: ‘Gospodare, akje to srebro so dengjan man. Pakjargjum le ko mendili hem garagjum le.21Kergjum agjar soske darandilum tutar, adaleske so sijan strogo manuš. Leja okova so nane tlo hem khedeja kaj so na sadingjan.’22Leskoro gospodari odgovoringja: ‘Tu sijan lošno sluga! Palo te lafija ka sudinav tut. Tu džangjan deka sijum strogo manuš hem lava okova so nane mlo hem khedava kaj so na sadingjum,23soske togaš na čhigjan me pare ki banka, te šaj koga ka iranav man te lav me pare duplo?’24Togaš phengja okolenge so tergjona sine uza leste: ‘Len akale slugastar o srebro hem den le okoleske kas so isi deš puti poviše!’25A ola phenge leske: ‘Ama gospodare, le više isi le pandž kile srebro.’26I o gospodari odgovoringja: ‘Vakerava tumenge deka kas isi ka del pe leske panda poviše, a okole kas nane ka lel pe lestar adava da so isi le.27Ama okola me dušmajna so na mangle te ovav lengoro caro, anen len akate hem čhinen len angla mande!’ ”O Isus khuvela ko Erusalim sar caro
28Koga o Isus vakergja lenge adava, prodolžingja pe drumoja ko Erusalim.29Togaš alo paše uza ko gava Vitfagija hem Vitanija uza ko rido so vikinela pe Maslinova Gora i bičhalgja duje učenikon30vakerindor: “Džan ko akava gav, soj angli tumende. I samo so ka khuven ki leste, ka arakhen terno her soj phandlo, so panda nijekh manuš na uklilo ki leste. Phraven le hem anen le akate.31I te pučlja tumen nekoj: ‘Soske phravena le?’, vakeren leske: ‘E Gospodareske trebela.’ ”32Ola gele hem arakhle agjar sar so phengja lenge o Isus.33I dži kote phravena sine e terne here, o manuša kaskoro sine o terno her, pučle len: “Soske phravena le?”34A ola odgovoringe: “E Gospodareske trebela.”35Togaš ange le anglo Isus, i čhige pe šeja upro terno her hem uklargje e Isuse upro leste.36Dži kote džala sine o Isus e hereja, o manuša bujlarena sine pumare šeja ko drumo.37A koga alo paše uza ko than kote so hulela pe sine tari Maslinovo Gora, sa o učenikija so sine adathe počminge radosno hem sa pe glasoja te slavinen e Devle bašo sa o čudija so dikhle,38vakerindor:“Blagoslovimo tano o Caroso avela ko anav e Gospodareskoro!Neka ovel mir ko nebohem slava e Devleske ko učipe!”39Togaš nesave fariseja, so sine maškar lende, vakerge e Isuseske: “Učitele, zaptin te učenikon te na vakeren adava.”40A o Isus odgovoringja lenge: “Vakerava tumenge, te kjutinge ola, o bara ka vikinen.”
O Isus rovela bašo Erusalim
41Koga o Isus alo paše ko Erusalim hem dikhla o gradi, počmingja te rovel leske,42vakerindor: “Ah, te džane sine tu da avdive so anela tuke mir! Ama akana adava tano garavdo te jakhendar.43Ka aven dive koga o dušmajna ka uklen ko te zidija, ka opkolinen tut hem taro sa o strane ka steginen tut.44Ka uništinen hem tut hem te manušen so živinena adathe. Nane te mukhen bar upro bar, soske na pendžargjan o vreme koga o Devel alo te dikhel tut.”O Isus na mukhela te bikinel pe ko Hrami.
45Koga o Isus alo ko Erusalim, khugja ko dvoro e Hrameskoro hem počmingja te brkinel sa adalen so bikinena sine,46vakerindor: “Pišimo i: ‘Mo kher ka vikinel pe kher baši molitva’ a tumen kerge le than ‘kote so khedena pe o čora.’ ”47I sekova dive, o Isus sikavela sine e manušen ko dvoro e Hrameskoro. A o prvosveštenikija hem o učitejla e Zakoneskere zaedno e Evrejengere starešinencar rodena sine sar te ovel mudardo o Isus,48ama na arakhle sar te keren adava, adaleske so sa o manuša šukar šunena sine leskoro učibe.The Word for the World International