2 Jovan1
O Jovaneskoro pozdrav
1Me, o Jovan o starešina, pišinava e gospogjake soj tani birimi hem lakere čhavenge so mangava len ko čačipe – hem na samo me, nego sarinen so pendžarena o čačipe –2sebepi o čačipe so živinela ki amende hem so ka ovel amencar zasekogaš.3Blagodat, milost hem mir e Devlestar o Dad hem e Isuse Hristostar, e Dadeskere Čhavestar, ka ovel amencar ko čačipe hem ko mangipe.Te živinel pe ko čačipe hem ko mangipe
4But sijum radosno so maškar te čhave arakhlum nesaven so živinena ko čačipe, baš agjar sar so primingjem i zapoved e Dadestar.5I akana, gospogjo, na pišinava tuke nevi zapoved, nego adaja so isi amen taro početok – rodava te manga amen jekh jekheja.6A o mangipe tano akava: te živina spored leskere zapovedija. Sar so šungjen taro početok, adaja zapoved: te živina ko mangipe.7Pišinava akava soske but hovavne manuša pojavisalile ko sveto, so na priznajnena deka o Isus Hristos alo ko telo. O asavko manuš tano hovavno hem antihrist.8Pazinen tumen te na našaven adava bašo so kergjem buti, nego te priminen celosno i plata.9Sekoj so na ačhola ko učibe e Hristoskoro, nego cidela pe lestar, nane le e Devle. A sekoj so ačhola ko adava učibe, isi le hem e Dade hem e Čhave.10Ako nekoj alo tumende, a na anela akava učibe, ma priminen le ko tumaro kher hem ma pozdravinen tumen leja.11Soske koj pozdravinela pe leja, učestvinela ko leskere lošna dejla.O posledna pozdravija
12Isi man but te pišinav tumenge, ama na mangava preku lil, nego nadinava man deka ka avav tumende hem ka kerav tumencar lafi muj mujeja. Agjar amari radost ka ovel pherdi.13Pozdravinena tut te phenjakere čhave soj birime e Devlestar.The Word for the World International