1 Timotej2
Upastvo bašo služiba
1Adaleske angleder o sa, mangava tumendar te molinen tumen sa e manušenge, rodindor molitvaja hem blagodarindor bašo sa o manuša,2bašo cajra hem bašo sa soj ki vlast, te šaj te živina mirno hem rahati životo, pobožno hem dostojno.3Akavaj šukar hem ugodno e Devleske, amare Spasiteleske,4so mangela sa o manuša te oven spasime hem te aven te pendžaren o čačipe.5Soske jekh tano o Devel hem jekh i so tergjola maškar o Devel hem o manuša – o manuš o Isus Hristos.6Ov dengja pe bašo otkup sa e manušenge. Adava tano svedoštvo so dengja pe ko pravo vreme.7I baši akaja cel o Devel čhigja man te ovav propovedniko hem apostoli – te ovav učiteli adalenge so na džanena e Devle, ki vera hem ko čačipe. Na hovavava tumen, vakerava o čačipe.8Adaleske mangava sa o murša te molinen pe segde, vazdindor pumare sveta vasta bizi holi hem akošiba,9isto agjar, o džuvla te uraven pe skromno, pristojno hem sar so trebela, te na doterinen pe but frizurencar ili zlatoja ili biserencar ili skupo šejencar.10Nego neka keren šukar dejla, sar so ličinela e džuvlenge so phenena deka pokloninena pe e Devleske.11I romni trebela te siklovel ko mir hem ki sa i pokornost.12E romnake nane dozvolimo te sikavel ili te ovel upreder o murš, nego neka ovel mirno.13Soske prvo sine kerdo o Adam, a poslem i Eva.14Hem o Adam na sine o hovavdo, nego i džuvli sine hovavdi hem phagla i zapoved.15Ama o romnja ka oven spasime adaleja so ka bijanen čhaven – ako ačhile ki vera, ko mangipe hem sveto sar so trebela.The Word for the World International