ⵣⴰⴽⴰⵔⵉⵢⵢⴰ5rif_tti
ⵜⴰⵎⴻⵥⵔⵉⵡⵜ ⵡⵉⵙⵙ ⵙⴻⵜⵜⴰ - ⴰⴷⵍⵉⵙ ⵉⵜⵜⵡⴰⵏⵏⴹⴻⵏ ⵉⵟⵟⴰⵡⴻⵏ
1ⵙⵙⴳⴻⵄⵄⴷⴻⵖ ⵜⵉⵟⵟⴰⵡⵉⵏ ⵉⵏⵓ ⵜⵡⴰⵍⴰ ⵏⵏⴻⵖⵏⵉ ⵓⵛⴰ ⵥⵔⵉⵖ, ⵓ ⵅⵣⴰⵔ, ⴰⵇⴰ ⴷⵉⵏ ⵉⵊⵊ ⵏ ⵡⴻⴷⵍⵉⵙ ⵉⵜⵜⵡⴰⵏⵏⴹⴻⵏ ⵉⵟⵟⴰⵡ.2ⵏⴻⵜⵜⴰ ⵉⵏⵏⴰ ⴰⵢⵉ: “ⵎⵉⵏ ⵜᵉⵜⵜⵡⴰⵍⵉⴷ ⵛⴻⴽ?” ⵏⴻⵛⵛ ⵏⵏⵉⵖ: “ⵏⴻⵛⵛ ⵜⵜⵡⴰⵍⵉⵖ ⵉⵊⵊ ⵏ ⵡⴻⴷⵍⵉⵙ ⵉⵜⵜⵡⴰⵏⵏⴹⴻⵏ ⵉⵟⵟⴰⵡ ⵙ ⵢⵉⵊⵊ ⵏ ⵜⵓⵣⵣⴻⴳⴳⴰⵔⵜ ⵏ ⵄⵉⵛⵔⵉⵏ ⵏ ⵉⵖⴰⴵⴻⵏ ⴷ ⵉⵛⵜ ⵏ ⵜⵉⵔⵓ ⵏ ⵄⴻⵛⵔⴰ ⵏ ⵉⵖⴰⴵⴻⵏ.”3ⵅⴻⵏⵏⵉ ⵉⵏⵏⴰ ⴰⵢⵉ: “ⵜⴰ ⴷ ⵏⵏⴻⵄⵍⴻⵜ ⵏⵏⵉ ⵉ ⵖⴰ ⵉⴼⴼⵖⴻⵏ ⵅ ⵎⴰⵔⵔⴰ ⵜⴰⵎⵎⵓⵔⵜ, ⵎⴰⵖⴰⵔ ⵎⴰⵔⵔⴰ ⵡⴻⵏⵏⵉ ⵉ ⵖⴰ ⵢⴰⵛⴰⵔⴻⵏ, ⴰⴷ ⵉⵜⵜⵡⴰⵇⴹⴻⵄ ⵣⵉ ⵙⵙⵉⴱⴱⴻⵜ ⵏ ⵎⵉⵏ ⵢⵓⵔⴰⵏ ⵅ ⵓⵖⴻⵣⴷⵉⵙ-ⴰ ⵓ ⴽⵓⵍ ⵉⵊⵊ ⵡⴻⵏⵏⵉ ⵉ ⵖⴰ ⵉⵊⵊⴰⴵⴻⵏ ⵥⵓⵔ ⴰⴷ ⵉⵜⵜⵡⴰⵇⴹⴻⵄ ⵣⵉ ⵙⵙⵉⴱⴱⴻⵜ ⵏ ⵎⵉⵏ ⵢⵓⵔⴰⵏ ⵅ ⵓⵖⴻⵣⴷⵉⵙ ⵏⵏⴻⵖⵏⵉ.4ⵏⴻⵛⵛ ⴰⴷ ⴰⵔⵔⴻⵖ ⵏⵏⴻⵄⵍⴻⵜ ⴰⴷ ⴷⴷ-ⵜⴻⴼⴼⴻⵖ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵏ ⵍⵄⴻⵙⴽⴰⵔⴰⵜ, ⵃⵉⵎⴰ ⴰⴷ ⴷⴷ-ⵜⴰⵙ ⴷⵉ ⵜⴰⴷⴷⴰⵔⵜ ⵏ ⵓⵛⴻⴼⴼⴰⵔ ⵓ ⴷⵉ ⵜⴰⴷⴷⴰⵔⵜ ⵏ ⵢⵉⵏⵏⵉ ⵉⵜⵜⵊⴰⴵⴰⵏ ⵥⵓⵔ ⵙ ⵢⵉⵙⴻⵎ ⵉⵏⵓ. ⵏⴻⵜⵜⴰⵜ ⴰⴷ ⵜⴻⵙⵙⴻⵏⵙ ⴷⵉ ⵍⵡⴻⵙⵜ ⵏ ⵜⴰⴷⴷⴰⵔⵜ ⵏⵏⴻⵙ ⵓ ⵏⴻⵜⵜⴰⵜ ⴰⴷ ⵜⵜ ⵢⴻⵛⵛ ⵙ ⵓⴽⴻⵛⵛⵓⴹ ⵏⵏⴻⵙ ⴷ ⵉⵥⵔⴰ ⵏⵏⴻⵙ.”ⵜⴰⵎⴻⵥⵔⵉⵡⵜ ⵡⵉⵙⵙ ⵙⴻⴱⵄⴰ - ⵜⴰⵎⵖⴰⵔⵜ ⴷⵉ ⵉⴼⴰ5ⵉⴼⴼⴻⵖ-ⴷⴷ ⵍⵎⴰⵍⴰⴽ ⵏⵏⵉ ⴽⵉⴷⵉ ⵉⵙⵙⴰⵡⴰⵍⴻⵏ, ⵉⵏⵏⴰ ⴰⵢⵉ: “ⵙⴳⴻⵄⵄⴻⴷ ⵜⵉⵟⵟⴰⵡⵉⵏ ⵏⵏⴻⵛ ⵓ ⵅⵣⴰⵔ ⵎⵉⵏ ⴷⵉⵏ ⴷⴷ-ⵉⵜⵜⴱⴰⵏⴻⵏ!”6ⵏⴻⵛⵛ ⵏⵏⵉⵖ: “ⵎⴰⵏⴰⵡⵢⴰ?” ⵏⴻⵜⵜⴰ ⵉⵏⵏⴰ: “ⵡⴰ ⴷ ⵍⵎⵓⴷ ⵏ ⵉⴼⴰ ⵏⵏⵉ ⴷⴷ-ⵉⵜⵜⴱⴰⵏⴻⵏ.” ⵅⴻⵏⵏⵉ ⵉⵏⵏⴰ: “ⵜⴰ ⴷ ⴼⵓⵔⵎⴰ ⵏⵙⴻⵏ ⵅ ⵎⴰⵔⵔⴰ ⵜⴰⵎⵎⵓⵔⵜ.”7ⵓ ⵅⵣⴰⵔ, ⴰⵇⴰ ⵜᵉⵜⵜⵡⴰⵙⵙⴳⴻⵄⵄⴻⴷ ⵜⵇⴻⴱⴱⴰⵔⵜ ⵏ ⵍⴻⵅⴼⵉⴼ ⴷ ⵜⴰⵇⵓⵔⴰⵔⵉⵔⵜ ⵓ ⵜⴻⵇⵇⵉⵎ ⵉⵛⵜ ⵏ ⵜⴻⵎⵖⴰⵔⵜ ⴷⵉ ⵍⵡⴻⵙⵟ ⵏ ⵉⴼⴰ.8ⵏⴻⵜⵜⴰ ⵉⵏⵏⴰ: “ⵜⴰ ⴷ ⵜⴰⵄⴻⴼⴼⴰⵏⵜ!” ⵓⵛⴰ ⵉⵏⴹⴰⵔ ⵉ-ⵜⵜ ⵄⴰⵡⴻⴷ ⴷⴻⴳ ⵉⴼⴰ ⵏⵏⵉ ⵓⵛⴰ ⵉⵏⴹⴰⵔ ⴰⵥⵔⵓ ⵏ ⵍⴻⵅⴼⵉⴼ ⵅ ⵓⵇⴻⵎⵎⵓⵎ ⵏⵏⴻⵙ.9ⵏⴻⵛⵛ ⵙⵙⴳⴻⵄⵄⴷⴻⵖ ⵜⵉⵟⵟⴰⵡⵉⵏ ⵉⵏⵓ ⵓⵛⴰ ⵥⵔⵉⵖ, ⵓ ⵅⵣⴰⵔ ⵜⵏⴰⵢⴻⵏ ⵏ ⵜⴻⵎⵖⴰⵔⵉⵏ ⵓⵙⵉⵏⵜ-ⵉ-ⴷⴷ ⵖⴰⵔ ⵣⵣⴰⵜ ⵓ ⴰⵙⴻⵎⵎⵉⴹ ⵉⵛⵛⵓⵔ ⴰⴼⵔⵉⵡⴻⵏ ⵏⵙⴻⵏⵜ. ⵏⵉⵜⴻⵏⵜⵉ ⵜⵓⵖⴰ ⵖⴰⵔⵙⴻⵏⵜ ⴰⴼⵔⵉⵡⴻⵏ ⴰⵎ ⵡⴰⴼⵔⵉⵡⴻⵏ ⵏ ⵓⴱⴻⵍⵍⴰⵔⵊ ⵓ ⵏⵉⵜⴻⵏⵜⵉ ⵙⵙⴳⴻⵄⵄⴷⴻⵏⵜ ⵉⴼⴰ ⵏⵏⵉ ⵊⴰⵔ ⵜⴻⵎⵎⵓⵔⵜ ⴷ ⵓⵊⴻⵏⵏⴰ.10ⵅⴻⵏⵏⵉ ⵏⵏⵉⵖ ⵉ ⵍⵎⴰⵍⴰⴽ ⵏⵏⵉ ⴽⵉⴷⵉ ⵉⵙⵙⴰⵡⴰⵍⴻⵏ: “ⵎⴰⵏⵉ ⵖⴰ ⵔⴰⵃⴻⵏⵜ ⴰⴽ-ⴷ ⵉⴼⴰ-ⵢⴰ?”11ⵏⴻⵜⵜⴰ ⵉⵏⵏⴰ ⴰⵢⵉ: “ⵎⴰⵃⴻⵏⴷ ⴰⴷ ⴰⵙ ⴱⵏⴰⵏ ⵉⵛⵜ ⵏ ⵜⴰⴷⴷⴰⵔⵜ ⴷⵉ ⵜⴻⵎⵎⵓⵔⵜ ⵏ ⵛⵉⵏⴰⵔ. ⵎⴰⵍⴰ ⵜᵉⵜⵜⵡⴰⴽⴻⵎⵎⴻⵍ, ⴰⴷ ⵜᵉⵜⵜⵡⴰⵙⵙⴱⴻⴷⴷ ⴷⵉⵏ ⴷⴻⴳ ⵡⴻⵎⵛⴰⵏ ⵏⵏⴻⵙ.”