ⵜⵉⵜⵓⵙ1rif_tti
ⴰⵙⴻⴵⴻⵎ ⵖⴰⵔ ⵓⵎⴻⵣⵡⴰⵔⵓ
1ⴱⵓⵍⵓⵙ, ⴰⵎⵙⴻⵅⵅⴰⵔ ⵏ ⴰⵔⴻⴱⴱⵉ ⴷ ⵔⵔⴰⵙⵓⵍ ⵏ ⵢⴰⵙⵓⵄ ⵍⵎⴰⵙⵉⵃ, ⴷⵉ ⵍ’ⵉⵎⴰⵏ ⵏ ⵢⵉⵏⵏⵉ ⵉⵜⵜⵡⴰⴼⴰⵔⵣⴻⵏ ⵣⵉ ⴰⵔⴻⴱⴱⵉ ⵓ ⴷⵉ ⵜⵓⵙⵙⵏⴰ ⵏ ⵜⵉⴷⴻⵜⵜ, ⵜⴻⵏⵏⵉ ⵉⴵⴰⵏ ⴷⵉ ⵜⵉⴳⴳⵯⵓⴷⵉ ⵣⵉ ⴰⵔⴻⴱⴱⵉ,2ⵅ ⵓⵙⵉⵜⴻⵎ ⵏ ⵜⵓⴷⴰⵔⵜ ⵉⵜⵜⴷⵓⵎⴰⵏ, ⵜⴻⵏⵏⵉ ⵣⵉ ⵜⵓⵖⴰ ⵉⵡⴰⵄⴷ ⴰⵔⴻⴱⴱⵉ ⴷ ⵜⵉⴷⴻⵜⵜ, ⵇⴱⴻⵍ ⵣⵣⵎⴰⵏⴰⵜ ⵏ ⵍⵡⴻⵇⵜ-ⴰ.3ⵏⴻⵜⵜⴰ ⴰⵇⴰ ⵉⵙⵙⴰⵔⴳⴻⴱ ⴰⵡⴰⵍ ⵏⵏⴻⵙ ⴷⵉ ⵍⵡⴻⵇⵜ ⵏⵏⴻⵙ ⵙ ⵜⴱⴰⵔⵔⴻⵃⵜ ⵏⵏⴻⵖ ⵉ ⴷ ⴰⵢⵉ ⵉⵜⵜⵡⴰⵡⴻⴽⴽⵍⴻⵏ ⵄⵍⴰⵃⵙⴰⴱ ⵍⵓⵎⵓⵔ ⵏ ⴰⵔⴻⴱⴱⵉ, ⵡⴻⵏⵏⵉ ⴷ ⴰⵏⴻⵖ ⵉⵜⵜⵉⵛⴻⵏ ⵜⵓⴷⴰⵔⵜ.4ⵉ ⵜⵉⵜⵓⵙ, ⵎⵎⵉ ⴷ ⵜⵉⴷⴻⵜⵜ ⵄⵍⴰⵃⵙⴰⴱ ⵍ’ⵉⵎⴰⵏ ⵏⵏⴻⵖ ⵉⵛⴰⵔⵛⴻⵏ: ⴰⵔⴹⴰ ⴷ ⵍⴻⵀⵏⴰ ⵣⵉ ⴰⵔⴻⴱⴱⵉ, ⴱⴰⴱⴰⵜⵏⴻⵖ, ⵓ ⵣⵉ ⵙⵉⴷⵉⵜⵏⴻⵖ ⵢⴰⵙⵓⵄ ⵍⵎⴰⵙⵉⵃ, ⵡⴻⵏⵏⵉ ⴷ ⴰⵏⴻⵖ ⵉⵜⵜⵉⵛⴻⵏ ⵜⵓⴷⴰⵔⵜ.ⵜⵉⵜⵓⵙ ⴷⵉ ⴽⵔⵉⵜⴰ5ⵙ ⵓⵢⴻⵏⵏⵉ ⵊⵊⵉⵖ ⵛⴻⴽ ⴷⵉ ⴽⵔⵉⵜⴰ, ⵃⵉⵎⴰ ⴰⴷ ⵜⵄⴻⴷⵍⴻⴷ ⵎⵉⵏ ⵜⵓⵖⴰ ⵄⴰⴷ ⵉⵜⵜⵅⴻⵚⵚⴰ, ⵓ ⵃⵉⵎⴰ ⴰⴷ ⵜⴻⵙⵙⴳⴻⵄⵄⴷⴻⴷ ⵉⵎⵖⴰⵔⴻⵏ ⴷⵉ ⴽⵓⵍ ⵜⴰⵏⴷⵉⵏⵜ, ⴰⵎ ⵎⴰⵎⵎⴻⵛ ⵛⴻⴽ ⵓⵎⵓⵔⴻⵖ.6ⴰⵎⵖⴰⵔ ⴷ ⵉⵊⵊⴻⵏ ⵏⵏⵉ ⵡⴰⵔ ⴷⵉ ⵉⴵⵉ ⵍⵄⵉⴱ, ⴰⵇⴰ-ⵜ ⴷ ⴰⵔⵢⴰⵣ ⵉ ⵖⴰⵔⴻⵙ ⵎⵖⵉⵔ ⵉⵛⵜ ⵏ ⵜⴻⵎⵖⴰⵔⵜ, ⵖⴰⵔⴻⵙ ⵉⵃⴻⵏⵊⵉⵔⴻⵏ ⵜⵜⴰⵎⵏⴻⵏ, ⵡⴰⵔ ⵜⵜᵉⴽⴽⵡⴰⵔⴻⵏ, ⵡⴰⵔ ⵜⵜⵡⴰⵟⵟⴼⴻⵏ ⵣⴻⴳ ⵓⴼⵓⵛⵛⴻⵃ.7ⵎⵉⵏⵣⵉ ⵉⵜⵜⵅⴻⵚⵚⴰ ⵉ ⵓⵎⵖⴰⵔ ⴰⴷ ⵢⵉⵍⵉ ⴱⵍⴰ ⵍⵄⵉⴱ ⴰⵎ ⵡⴻⵡⴽⵉⵍ ⵏ ⴰⵔⴻⴱⴱⵉ. ⵉⵜⵜⵅⴻⵚⵚⴰ ⵡⴰⵔ ⴷⴰⵢⴻⵙ ⵉⵜⵜⵉⵍⵉ ⵓⵄⴻⴼⴼⴰⵔ ⵏⵉⵖ ⵣⵣⵄⴰⴼ, ⵡⴰⵔ ⵉⵙⴻⵙⵙ ⵛⵛⵔⴰⴱ ⵙⴻⵏⵏⴻⵊ ⵉ ⵍⵇⴻⴷⴷ, ⵡⴰⵔ ⵉⵛⵛⵉⵜ ⵙ ⵓⴼⵓⵙ ⵏⵏⴻⵙ ⴷⴻⵖⵢⴰ ⵓ ⵡⴰⵔ ⵉⵜⵜⴻⵅⵙ ⴰⵔⴱⴻⵃ ⵡⴰⵔ ⵉⵃⵍⵉⵏ.8ⴻⵊⵊ ⵉ-ⵜ ⴰⴷ ⵢⴰⵔⴻⵃⵃⴻⴱ ⵙ ⵉⵏⴻⵡⵊⵉⵡⴻⵏ, ⴰⴷ ⵉⵅⵙ ⵎⵉⵏ ⵉⵚⴻⴱⵃⴻⵏ, ⵉⵜⵜⵅⴻⵚⵚⴰ ⴰⴷ ⵢⵉⵍⵉ ⴷ ⴰⵙⴻⵅⵅⴰⵢ, ⴷ ⴰⵎⵙⴻⴳⴳⴰⴷ, ⴷ ⴰⵎⴻⵣⴷⴰⴳ, ⴰⴷ ⵉⵃⴽⴻⵎ ⵅ ⵉⵅⴻⴼ ⵏⵏⴻⵙ.9ⵉⵜⵜⵅⴻⵚⵚⴰ ⴰⵙ ⴰⴷ ⵉⵃⴹⴰ ⵜⵖⵓⵔⵉ ⵏ ⵚⵚⴰⵃ ⵏ ⵡⴰⵡⴰⵍ ⵏ ⵍ’ⵉⵎⴰⵏ, ⵃⵉⵎⴰ ⵉⵇⴻⴷⴷ ⴰⴷ ⵉⴳⴳ ⵡⵓⵍ ⴷⴻⴳ ⵢⵉⵏⵏⵉ ⵢⵓⵎⵏⴻⵏ ⵙ ⵜⵖⵓⵔⵉ ⵏⵏⴻⵙ ⵏ ⵚⵚⴰⵃ ⵓ ⴰⴷ ⵉⵙⴻⴳⴳⴻⵎ ⵜⴰⵔⵡⴰ ⵏ ⴱⵓ-ⵜⵖⴻⵏⵏⴰⵏⵜ.10ⵎⵉⵏⵣⵉ ⴰⵇⴰ ⴷⵉⵏ ⴰⵟⵟⴰⵙ ⵏ ⵉⵡⴷⴰⵏ ⵉⵏⵏⵉ ⵡⴰⵔ ⵉⵅⵙⴻⵏ ⴰⴷ ⵙⵙⵡⴰⴹⴹⵄⴻⵏ ⵉⵅⴻⴼ ⵏⵙⴻⵏ, ⵙⵙⴰⵡⴰⵍⴻⵏ ⴰⵡⴰⵍⴻⵏ ⵉⵅⵡⴰⵏ. ⵏⵉⵜⵏⵉ ⵙⵙⵅⴰⵔⵡⴰⴹⴻⵏ ⵉⵅⴰⵔⵔⵉⵚⴻⵏ ⵏ ⵉⵡⴷⴰⵏ, ⵖⴰⵔ ⵓⵎⴻⵣⵡⴰⵔⵓ ⵏⵙⴻⵏ ⴷ ⵉⵏⵏⵉ ⵉⴵⴰⵏ ⵣⴻⴳ ⵡⴻⵅⵜⴰⵏ.11ⵉⵜⵜⵅⴻⵚⵚⴰ ⴰⴷ ⴰⵙⴻⵏ ⵉⵜⵜⵡⴰⵇⵇⴻⵏ ⵓⵇⴻⵎⵎⵓⵎ, ⵎⵉⵏⵣⵉ ⵏⵉⵜⵏⵉ ⵇⴻⵍⵄⴻⵏ ⵅ ⵡⴰⵟⵟⴰⵙ ⵏ ⵍⴰⴵⴰⵜ, ⵙⵙⴻⵍⵎⴰⴷⴻⵏ ⵎⵉⵏ ⵡⴰⵔ ⵉⵛⵓⵡⵡⴰⵔⴻⵏ ⵎⴰⵃⴻⵏⴷ ⴰⴷ ⵟⵟⴼⴻⵏ ⴰⵔⴱⴻⵃ ⵡⴰⵔ ⵉⵃⵍⵉⵏ.12ⵉⵊⵊⴻⵏ ⵣⵣⴰⵢⵙⴻⵏ, ⴰⵇⴰ-ⵜ ⴷ ⴰⵏⴰⴱⵉ ⵏⵙⴻⵏ, ⵜⵓⵖⴰ ⵉⵏⵏⴰ: “ⵉⴽⵔⵉⵜⵉⵢⵢⴻⵏ ⵙⵙⵅⴰⵔⵉⵇⵇⴻⵏ ⵍⴻⴱⴷⴰ, ⴰⵇⴰ-ⵜⴻⵏ ⴷ ⵍⴻⵡⵃⵓⵛ ⵉⵄⴻⴼⴼⴰⵏⴻⵏ, ⵉⵎⴻⵄⴳⴰⵣⴻⵏ ⵉ ⴷⴰⵢⵙⴻⵏ ⴰⵄⴻⴷⴷⵉⵙ ⵡⴰⵀⴰ.”13ⵛⵛⵀⴰⴷⴻⵜ-ⴰ ⴷ ⵜⵉⴷⴻⵜⵜ. ⵙ ⵓⵢⴻⵏⵏⵉ ⵡⴻⴱⴱⴻⵅ ⴰⵙⴻⵏ ⵙ ⵊⵊⴻⵀⴷ, ⵃⵉⵎⴰ ⴰⴷ ⵉⵍⵉⵏ ⴷ ⵉⵚⵃⴰⵃⴻⵏ ⴷⵉ ⵍ’ⵉⵎⴰⵏ,14ⵡⴰⵔ ⵜⵜⵉⵛⴻⵏ ⵛⴰ ⵜⴰⵢⵏⵉⵜ ⵉ ⵜⵃⵓⵊⴰ ⵏ ⵡⵓⴷⴰⵢⴻⵏ ⴷ ⵜⵉⵡⴻⵚⵚⴰ ⵏ ⵉⵡⴷⴰⵏ ⵏⵏⵉ ⵉⵡⵛⵉⵏ ⵙ ⵡⴻⵄⵔⵓⵔ ⵉ ⵜⵉⴷⴻⵜⵜ.15ⵉ ⵓⵎⴻⵣⴷⴰⴳ ⵎⴰⵔⵔⴰ ⴷ ⵜⴰⵣⴷⵓⴳⵉ, ⵎⴰⵛⴰ ⵉ ⵢⵉⵏⵏⵉ ⵉⵜⵜⵡⴰⵅⴻⵎⵊⴻⵏ ⴷ ⵢⵉⵏⵏⵉ ⵡⴰⵔ ⵢⵓⵎⵉⵏⴻⵏ, ⵉ ⵏⵉⵜⵏⵉ ⵓⵍⴰ ⴷ ⵉⵛⵜ ⵏ ⵍⵃⴰⵊⵊⴻⵜ ⵡⴰⵔ ⵜⵉⵣⴷⵉⴳ, ⵎⵉⵏⵣⵉ ⵉⵅⴰⵔⵔⵉⵚⴻⵏ ⵏⵙⴻⵏ ⴷ ⵜⵏⴻⴼⵙⴻⵛⵜ ⵏⵙⴻⵏ ⵅⴻⵎⵊⴻⵏ.16ⵏⵉⵜⵏⵉ ⵛⴻⵀⵀⴷⴻⵏ ⴰⵇⴰ ⵙⵙⵏⴻⵏ ⴰⵔⴻⴱⴱⵉ, ⵎⴰⵛⴰ ⵏⴹⴰⵔⴻⵏ ⵜ ⵙ ⵍⴻⵅⴷⴰⵢⴻⵎ ⵏⵙⴻⵏ. ⵢⴰⵄⵄⵓⵜ ⵎⵉⵏ ⵜⵜⴻⴳⴳⴻⵏ, ⴰⵇⴰ ⵡⴰⵔ ⵜⵜᵉⵟⵟⵉⵄⴻⵏ ⵛⴰ, ⵡⴰⵔ ⵏⴻⴼⴼⵄⴻⵏ ⵓⵍⴰ ⵉ ⵢⵉⵛⵜ ⵏ ⵍⵅⴻⴷⵎⴻⵜ ⵉⵚⴻⴱⵃⴻⵏ.