2 ⵉⵎⴻⵥⵔⵓⵢⴻⵏ17rif_tti

ⵍⴻⵀⴽⴰⵎⴻⵜ ⵉⵊⴻⵀⴷⴻⵏ ⵏ ⵢⴰⵀⵓⵛⴰⴼⴰⵟ ⵅ ⵢⴰⵀⵓⴷⴰ

1ⵎⵎⵉⵙ ⵢⴰⵀⵓⵛⴰⴼⴰⵟ ⵉⴷⵡⴻⵍ ⴷ ⴰⵊⴻⴵⵉⴷ ⴷⴻⴳ ⵡⴻⵎⵛⴰⵏ ⵏⵏⴻⵙ ⵓ ⵏⴻⵜⵜⴰ ⵉⵙⵙⴻⵊⵀⴻⴷ ⵉⵅⴻⴼ ⵏⵏⴻⵙ ⴹⵉⴷⴷ ⵉ ⵉⵙⵔⴰⵉⵍ.2ⵏⴻⵜⵜⴰ ⵢⵉⵡⵉ ⵍⵄⴻⵙⴽⴰⵔ ⵖⴰⵔ ⵎⴰⵔⵔⴰ ⵜⵉⵏⴻⴷⴷⴰⵎ ⵉⴼⴰⵔⵢⴻⵏ ⵏ ⵢⴰⵀⵓⴷⴰ ⵓ ⵉⴳⴳⴰ ⵍⵄⴻⵙⴽⴰⵔⴰⵜ ⵏ ⵓⵃⴻⵡⵡⴻⵙ ⴷⵉ ⵜⴻⵎⵎⵓⵔⵜ ⵏ ⵢⴰⵀⵓⴷⴰ ⵓ ⴷⵉ ⵜⵏⴻⴷⴷⴰⵎ ⵏ ⵉⴼⵔⴰⵢⵉⵎ, ⵜⵉⵏⵏⵉ ⵉ ⵜⵓⵖⴰ ⵉⵟⵟⴻⴼ ⴱⴰⴱⴰⵙ ⴰⵙⴰ.3ⵙⵉⴷⵉ ⵜⵓⵖⴰ-ⵜ ⴰⴽ-ⴷ ⵢⴰⵀⵓⵛⴰⴼⴰⵟ, ⵎⴰⵖⴰⵔ ⵏⴻⵜⵜⴰ ⵉⴹⴼⴰⵔ ⵉⴱⵔⵉⴷⴻⵏ ⵉⵎⴻⵣⵡⵓⵔⴰ ⵏ ⴱⴰⴱⴰⵙ ⴷⴰⵡⵓⴷ, ⵡⴰⵔ ⵢⴰⵔⵣⵓ ⵛⴰ ⵅ ‘ⵉⴱⴰⵄⵍⴻⵏ’,4ⵎⴰⵛⴰ ⵢⴰⵔⵣⵓ ⵅ ⴰⵔⴻⴱⴱⵉ ⵏ ⴱⴰⴱⴰⵙ ⵓⵛⴰ ⵢⵓⵢⵓⵔ ⴷⵉ ⵜⵡⴻⵚⵚⴰ ⵏⵏⴻⵙ, ⵡⴰⵔ ⵉⴳⴳⵉ ⴰⵎ ⵜ ⵉⴳⴳⴰ ⵉⵙⵔⴰⵉⵍ.5ⵙⵉⴷⵉ ⵉⵙⵙⴻⵎⵜⴻⵏ ⵜⴰⴳⴻⵍⴷⴰ ⵜⴻⵏⵏⵉ ⴷⴻⴳ ⵓⴼⵓⵙ ⵏⵏⴻⵙ, ⵓ ⵎⴰⵔⵔⴰ ⵢⴰⵀⵓⴷⴰ ⵢⵉⵡⵉ ⵜⴰⵔⵣⵉⴼⵉⵏ ⵉ ⵢⴰⵀⵓⵛⴰⴼⴰⵟ. ⵉⴷⵡⴻⵍ ⵖⴰⵔⴻⵙ ⴰⵟⵟⴰⵙ ⵏ ⵡⴰⴳⵍⴰ ⴷ ⵛⵛⴰⵏ.6ⵓⵍ ⵏⵏⴻⵙ ⵉⵜⵜⵡⴰⵙⵙⴻⵎⵃⴻⴹ ⴷⴻⴳ ⵉⴱⵔⵉⴷⴻⵏ ⵏ ⵙⵉⴷⵉ ⵓ ⵏⴻⵜⵜⴰ ⵉⴽⴽⴻⵙ ⵓⵍⴰ ⴷ ⵍⴻⴳⵄⵓⴷⵉ ⴷ ⵜⵔⴻⴱⴱⵉⵏ ⵏ ⵛⵡⴰⵔⵜⵉ ⵣⵉ ⵢⴰⵀⵓⴷⴰ.7ⴷⴻⴳ ⵓⵙⴻⴳⴳⵯⴰⵙ ⵡⵉⵙⵙ ⵜⵍⴰⵜⴰ ⵏ ⵍⴻⵃⴽⴰⵎⴻⵜ ⵏⵏⴻⵙ ⵉⵙⵙⴻⴽⴽ ⵉⵛⵜ ⵏ ⵜⴻⴱⵔⴰⵜ ⵉ ⵍⵃⵓⴽⴽⴰⵎ ⵏⵏⴻⵙ, ⵉ ⴱⵉⵏ-ⵃⴰⵢⵉⵍ, ⵄⵓⴱⴰⴷⵢⴰ, ⵣⴰⴽⴰⵔⵉⵢⵢⴰ, ⵏⴰⵜⴰⵏⵉⵢⵉⵍ ⴷ ⵎⵉⵅⴰ-ⵢⴰⵀⵓ, ⵃⵉⵎⴰ ⴰⴷ ⵙⵙⵖⴰⵔⴻⵏ ⴷⵉ ⵜⵏⴻⴷⴷⴰⵎ ⵏ ⵢⴰⵀⵓⴷⴰ.8ⵔⵓⵃⴻⵏ ⴰⴽⵉⴷⵙⴻⵏ ⵉⵍⴰⵡⵉⵢⵢⴻⵏ ⵛⴰⵎⵄⵉⵢⴰ, ⵏⴰⵜⴰⵏⵢⴰ, ⵣⴰⴱⴰⴷⵢⴰ, ⵄⴰⵙⴰ’ⵉⵍ, ⵛⴰⵎⵉⵔⴰⵎⵓⵜ, ⵢⵓⵏⴰⵜⴰⵏ, ⵜⵓⴱⵉⵢⴰ ⴷ ⵟⵓⴱ-ⴰⴷⵓⵏⵉⵢⴰ, ⵎⴰⵔⵔⴰ ⵏⵉⵜⵏⵉ ⴷ ⵉⵍⴰⵡⵉⵢⵢⴻⵏ, ⵓⵛⴰ ⵓⵍⴰ ⴷ ⵉⴽⴻⵀⵀⴰⵏⴻⵏ ⴰⵍⵉⵛⴰⵎⴰⵄ ⴷ ⵢⴰⵀⵓⵔⴰⵎ ⵔⵓⵃⴻⵏ ⴰⴽⵉⴷⵙⴻⵏ.9ⵏⵉⵜⵏⵉ ⵙⵙⵖⴰⵔⴻⵏ ⴷⵉ ⵢⴰⵀⵓⴷⴰ ⵓ ⵜⵓⵖⴰ ⵖⴰⵔⵙⴻⵏ ⴰⴷⵍⵉⵙ ⵉⵜⵜⵡⴰⵏⵏⴹⴻⵏ ⵏ ⵛⵛⴰⵔⵉⵄⴰ ⵏ ⵙⵉⴷⵉ. ⴽⴽⵉⵏ ⵎⴰⵔⵔⴰ ⵜⵉⵏⴻⴷⴷⴰⵎ ⵏ ⵢⴰⵀⵓⴷⴰ ⵓⵛⴰ ⵙⵙⵖⴰⵔⴻⵏ ⵍⴳⴻⵏⵙ.10ⵜⵓⵙⴰ-ⴷⴷ ⴰⵔⵔⴻⵀⴱⴻⵜ ⵏ ⵙⵉⴷⵉ ⵅ ⵎⴰⵔⵔⴰ ⵜⵉⴳⴻⵍⴷⵉⵡⵉⵏ ⵏ ⵜⴻⵎⵎⵓⵔⴰ ⵉ-ⴷⴷ-ⵉⵏⵏⴹⴻⵏ ⵉ ⵢⴰⵀⵓⴷⴰ, ⴰⵍⴰⵎⵉ ⵡⴰⵔ ⵙⵙⴻⴽⴽⴰⵔⴻⵏⵜ ⴰⵎⴻⵏⵖⵉ ⴰⴽ-ⴷ ⵢⴰⵀⵓⵛⴰⴼⴰⵟ.11ⵣⴻⴳ ⵉⴼⵉⵍⵉⵙⵟⵉⵏⵉⵢⵢⴻⵏ ⵉⵡⵢⴻⵏ ⵜⴰⵔⵣⵉⴼⵉⵏ ⴷ ⵏⵏⵓⵇⴰⵔⵜ ⴰⵎ ⵍⵊⵉⵣⵢⴰ ⵉ ⵢⴰⵀⵓⵛⴰⴼⴰⵟ. ⵓⵍⴰ ⴷ ⴰⵄⵔⴰⴱⴻⵏ ⵙⵙⴻⴽⴽⴻⵏ ⴰⵙ ⵓⴵⵉ: ⵙⴻⴱⵄⴰ-ⴰⵍⴰⴼ ⵓ-ⵙⴻⴱⵄⴰ-ⵎⵢⴰ ⵏ ⵉⵛⴰⵔⵔⵉⵢⵢⴻⵏ ⴷ ⵙⴻⴱⵄⴰ-ⴰⵍⴰⴼ ⵓ-ⵙⴻⴱⵄⴰ-ⵎⵢⴰ ⵏ ⵉⵎⵓⵢⴰⵏ.12ⴰⵎⵎⵓ ⵉ ⵉⴷⵡⴻⵍ ⵢⴰⵀⵓⵛⴰⴼⴰⵟ ⵢⴰⵔⵏⵉ ⴷⵉ ⵍⴻⵎⵖⴰⵔⴻⵜ ⴰⵍ ⵟⵟⴰⵔⴼ ⵓⵛⴰ ⵉⴱⵏⴰ ⵍⵇⴻⵍⵄⴰⵜ ⴷ ⵜⵏⴻⴷⴷⴰⵎ ⵏ ⵍⴻⵅⵣⴻⵏ ⴷⵉ ⵢⴰⵀⵓⴷⴰ.13ⵜⵓⵖⴰ ⵖⴰⵔⴻⵙ ⴰⵟⵟⴰⵙ ⵏ ⵍⵅⴻⴷⵎⴻⵜ ⴷⵉ ⵜⵏⴻⴷⴷⴰⵎ ⵏ ⵢⴰⵀⵓⴷⴰ, ⵓⵍⴰ ⴷ ⵉⵄⴻⵙⴽⴰⵔⵉⵢⵢⴻⵏ, ⴰⵢⵜ ⵏ ⴱⵓ-ⵜⴻⵖⵔⵓⴹⵜ ⵉⵎⴻⵃⴹⴻⵏ, ⴷⵉ ⵓⵔⵛⴰⵍⵉⵎ.14ⴷ ⵡⴰⵏⵉⵜⴰ ⴷ ⵍⵇⴻⴷⴷ ⵏⵙⴻⵏ ⵄⵍⴰⵃⵙⴰⴱ ⵜⵓⴷⵔⵉⵏ ⵏ ⵉⴱⴰⴱⴰⵜⴻⵏ ⵏⵙⴻⵏ. ⴷⵉ ⵢⴰⵀⵓⴷⴰ ⴰⵇⴰ ⵉⵏⴰ ⴷ ⵍⵇⴻⴱⵟⴰⵏⴰⵜ ⵅ ⵍⵓⵍⵓⴼ: ⴰⵎⴻⵇⵇⵔⴰⵏ ⴰⴷⵏⴰ ⵓ ⴰⴽⵉⴷⴻⵙ ⵜⴻⵍⵜ-ⵎⵢⴰⵜ-ⴰⵍⴻⴼ ⵏ ⴰⵢⵜ ⵏ ⴱⵓ-ⵜⴻⵖⵔⵓⴹⵜ ⵉⵎⴻⵃⴹⴻⵏ.15ⵖⴰⵔ ⵓⵖⴻⵣⴷⵉⵙ ⵏⵏⴻⵙ ⵍⵇⴻⴱⵟⴰⵏ ⵢⴰⵀⵓⵏⴰⵜⴰⵏ, ⴰⴽⵉⴷⴻⵙ ⵎⵉⵜⴰⵢⴻⵏ ⵓ-ⵜⵎⴰⵏⵢⵉⵏ-ⴰⵍⴻⴼ ⵏ ⵢⴻⵔⵢⴰⵣⴻⵏ.16ⵖⴰⵔ ⵓⵖⴻⵣⴷⵉⵙ ⵏⵏⴻⵙ ⴰⵎⴻⵇⵇⵔⴰⵏ ⵄⴰⵎⴰⵙⵢⴰ, ⵎⵎⵉⵙ ⵏ ⵣⵉⴽⵔⵉ, ⵡⴻⵏⵏⵉ ⵜⵓⵖⴰ ⵉⵙⴻⴱⴱⵍⴻⵏ ⵉⵅⴻⴼ ⵏⵏⴻⵙ ⵙ ⵍⵅⴰⴹⴰⵔ, ⵓ ⴰⴽⵉⴷⴻⵙ ⵎⵉⵜⴰⵢⴻⵏ-ⴰⵍⴻⴼ ⵏ ⴰⵢⵜ ⵏ ⴱⵓ-ⵜⴻⵖⵔⵓⴹⵜ ⵉⵎⴻⵃⴹⴻⵏ.17ⵣⵉ ⴱⵉⵏⵢⴰⵎⵉⵏ ⵜⵓⵖⴰ ⴰⵍⵉⵢⴰⴷⴰⵄ, ⵉⵊⵊ ⵏ ⴱⵓ-ⵜⴻⵖⵔⵓⴹⵜ ⵉⵎⴻⵃⴹⴻⵏ, ⴷ ⴰⵎⴻⵇⵇⵔⴰⵏ ⵏⵙⴻⵏ, ⵓ ⴰⴽⵉⴷⴻⵙ ⵎⵉⵜⴰⵢⴻⵏ-ⴰⵍⴻⴼ ⵏ ⵢⴻⵔⵢⴰⵣⴻⵏ ⵙ ⵍⵇⴻⵡⵙ ⴷ ⵜⵙⴻⴷⴷⴰⵔⵜ ⵏ ⵓⵄⴻⵙⴽⴰⵔⵉ ⵉ ⵓⵎⴻⵏⵖⵉ.18ⵖⴰⵔ ⵓⵖⴻⵣⴷⵉⵙ ⵏⵏⴻⵙ ⴰⵎⴻⵇⵇⵔⴰⵏ ⵢⴰⵀⵓⵣⴰⴱⴰⴷ ⵓ ⴰⴽⵉⴷⴻⵙ ⵎⵢⴰ ⵓ-ⵜⵎⴰⵏⵢⵉⵏ-ⴰⵍⴻⴼ ⵏ ⵢⴻⵔⵢⴰⵣⴻⵏ, ⵎⴰⵔⵔⴰ ⵃⴻⵣⵣⵎⴻⵏ ⵉ ⵓⵎⴻⵏⵖⵉ.19ⵉⵏⴰ ⵜⵓⵖⴰ ⵜⵜⵙⴻⵅⵅⴰⵔⴻⵏ ⵉ ⵓⵊⴻⴵⵉⴷ, ⴱⵍⴰ ⵉⵏⵏⵉ ⵉ ⵜⵓⵖⴰ ⵉⴳⴳⴰ ⵓⵊⴻⴵⵉⴷ ⵅ ⵜⵏⴻⴷⴷⴰⵎ ⵉⴼⴰⵔⵢⴻⵏ ⴷⵉ ⵎⴰⵔⵔⴰ ⵢⴰⵀⵓⴷⴰ.
expand_more
Search