أَيث-روما9
1سَّاوَاڒغ ڒْحَقّ ذِي لْمَسِيح وَار يدْجِي بُو ذ يخَرِّيقن. ڒَعْقڒ ينُو أُو ذ اَرُّوْح يقدّْسن اَذَايِي صَحّن مِين غَا ينِيغ.2يعْنِي، ئِسْحرّق-اَيِي يجّن ن ڒحْرِيق اَطَّاس ذݣ وُوْڒ ينُو وَار يتْكمِّيڒ شَا خ سَّبَاب ن ڒْقُوْم ينُو، يعْنِي يِنِّي يدْجَان زِي لْأُمَّا ينُو. مَعْلِيك زمَّرغ نش، أَذ تْوَانعْڒغ اَذ تْوَاحَرّْمغ زِي لْمَسِيح بَاش نِثْنِي وَار تْوَانعِّيڒن شَا وَار تْوَاحَرِّيمن شَا زِي لْمَسِيح.4نِثْنِي ذ أَيث-إِسْرَائِيل، يتْبنَّا-ثن سِيذِي أَربِّـي. ئِسْمظْهَار-اَسن-د لْعَظَمَا نّس، ئِعَاهذ-يثن، يُوْشَا-اَسن شَّرِيعَا ن مُوْسَى ذ لْعِبَادَا، يوْعذ-يثن.5ؤُسِين-د زِي سَّلَف صَّالِحِين، أُو زݣ وࢲْور نْسن إِي د يُوْسَا لْمَسِيح ذ دَّات ذ بْنَاذم. أَربِّـي يتْوَاحْمذ إِ ڒبْدَا، ونِّي يحكّْمن خ مَارَّا. آمِين.6وَلَكِن، أَوَاڒ ن أَربِّـي مَا وَار ينْجِيح شَا؟ لَّا، ئِنْجح! فَا مَاشِي أَيث-إِسْرَائِيل قَاع إِݣ يدْجَان ذ يسْرَائِلِيْين ذ صَّح.7عَاوذ وَار يدْجِي مَارَّا ثَارْوَا إِي د يكِّين زِي بْرَاهِيم ذ ثَارْوَا نّس ن صَّح. ينَّا-ٱس أَربِّـي: <ذ ثَارْوَا نّش إِي د غَا يفّْغن زِي مِّيش إِسْحَاق إِي غَا يتْوَاحسّْبن.>8مَانَايَا يخس اَذ يِينِي ثَارْوَا ن أَربِّـي ذ صَّح تْوَاحسّْبن زِي ثَارْوَا ن ڒْعَهذ، مَاشِي زِي ثَارْوَا ن بْنَاذم.9لِأَنَّا ڒْعَهذ-أَ إِي ذَاس يُوْشَا أَربِّـي إِ بْرَاهِيم ذ وَانِيتَا، ينَّا: <أَذ د عقْبغ اَسݣّْوَاس إِي د غَا يَاسن اَم ڒْوقْث-أَ، أَذ اَفغ يج وحنْجِير غَار سَارَا.>10وَار يدْجِي بُو مَانَاينِّي وَهَا. رَفِيقَا ثيْسِي اَعدِّيس غَارس اَشْنِيون. بَابَاثْسن نتَّا ذ جدِّيثْنغ إِسْحَاق.11ثُمَّا يكَّر أَربِّـي ينَّا-ٱس إِ رَفِيقَا قَا اَمقّْرَان اَذ يِيڒِي ذ اَخدَّام غَار ومزْيَان. ئِڒَاغَا-يَاس-د أَربِّـي إِ نتَّا وَاهَا، نِثْنِي وَار ݣِّين وَالُو. تُوْغَا عَاذ وَار د خْڒِيقن شَا عَاذ وَار ݣِّين ڒْخِير وَار ݣِّين شَّرّْ، وَلَكِن سِيذِي أَربِّـي يخْضَر يجّن زَّايْسن يسْمظْهَار-د ڒْخَاضَر نّس إِي غَا يِيڒِين.13مَامّش يقَّار لْكِتَاب: <حِيْبّغ يَعْقُوْب، سحْقَرغ عَسُو.>14مِين غَا نِينِي خ مَانَايَا؟ مَا أَربِّـي يضدْجم؟ لَّا، عمَّارْص!15قَا أَربِّـي ينَّا-ٱس إِ مُوْسَى: <أَذ رحْمغ ونِّي خْسغ، أَذ حِيْنّغ خ ونِّي خْسغ.>16مَانَايَا وَار يدْجِي شَا زِي ڒْخذْمث ن بْنَاذم نِغ زِي مِين يتخْس، مَانَايَا اَقَاث زِي أَربِّـي ونِّي يرحّْمن.17أَقَا يقَّار-اَس لْكِتَاب إِ فِيرْعُوْن: <ݣِّيغ-اَش ذ اَزدْجِيذ حمَا اَذَايك د سْمظْهَارغ جّْهذ ينُو، حمَا اَذ يتْوَاسّن يِيسم ينُو ذِي مَارَّا دُّنشْت.>18فَلِهَذَا أَربِّـي يرحّم ونِّي يخس، ئِسْغَانَّان ونِّي يخس.19إِيوَا آ بْنَاذم، مَا ٱذَايِي ثِينِيذ مَايمِّي عَاذ إِي ذَانْغ يتْحَاسَاب أَربِّـي؟ مَا ٱذَايِي ثِينِيذ، ؤُݣ يزمَّرن اَذ يمْغَانّن اَك مِين يخْس نتَّا؟20شُوْف آ بْنَادم، مِين ثعْنِيذ شك بَاش ثْزمَّرذ اَذ تَارّذ اَوَاڒ خ أَربِّـي؟ مَا زمَّرن اَذ ينِين يغرَّافن إِ ونِّي إِي ثن يصنْعن، مَايمِّي ذَانغ ثݣِّيذ اَمُّو؟21مَا وَار غَارس بُو ڒْحَقّ غَار لمْعَلّم اَذ يسخْذم ثْڒَاخْث مَامّش يخْس، يعْنِي اَذ يݣّ زݣ يِجّن ن ڒْعَجْنث يذقِّي يجّن ن وغرَّاف إِ مِين يصبْحَان، أَذ يݣّ يجّن إِ مِين يعُوْفّْنن؟22أَمنِّي إِݣ يݣَّا أَربِّـي. وَامِي يخس اَذ د يسْمظْهَار اَغْضَاب نّس اَذ د يسْبيّن جّْهذ إِي غَارس، ئِصبَّار اَطَّاس خ يِنِّي إِي خف يغْضب، يعْنِي يغرَّافن نِّي وجْذن اَذ تْوَارْزن.23يݣَّا اَمنِّي لِأَنَّا يخس اَذ يسْمظْهَار لْعَظَمَا نّس يمْغَارن خ يِيْنَا إِݣ يرْحم، يعْنِي يغرَّافن-أَ إِݣ يسوْجذ زِي قْبڒ إِ لْعَظَمَا، يعْنِي ذ نشِّين. ئِڒَاغَا-يَانغ-د إِ نشِّين إِي د يُوْسِين زِي أَيث-إِسْرَائِيل ؤُڒَا ذ يِنِّي وَار يدْجِين شَا زِي أَيث-إِسْرَائِيل.25مَامّش يقَّار أَربِّـي ذِي لْكِتَاب ن نَّبِي هُوْشَع:<يِنِّي تُوْغَا وَار يدْجِين شَا ذ شَّعْب ينُو،أَسن ڒَاغِيغ آ شَّعْب ينُو.ثنِّي تُوْغَا وَار يعِيزّن،أَس ڒَاغِيغ آ ثَمْعِيزِّيت ينُو.>26أُو ذݣ ومْشَان نِّي ونِّي مَانِي ذَاسن ينَّا أَربِّـي: كنِّيو وَار ثدْجِيم ذ شَّعْب ينُو، ذِنِّي إِي ذَاسن غَا ڒَاغَان آ ثَارْوَا ن أَربِّـي يدَّرن.27فَا نَّبِي إِشَعْيَا، ئِڒَاغَا نتَّا خ أَيث-إِسْرَائِيل ينَّا: <وَاخَّا لْعَدَد ن أَيث-إِسْرَائِيل يݣَّا اَم يِجْذِي ن ڒبْحَر، ذْرُوْس زَّايْسن إِي غَا ينجْمن.28أَقَا سِيذِي أَربِّـي وَار يتْعطِّيڒ شَا اَذ يخْذم ذِي دُّنشْت-أَ اَوَاڒ إِݣ ينَّا.>29أَمُّو إِݣ ينَّا نَّبِي إِشَعْيَا زِي قْبڒ: <مَعْلِيك وَار يدْجِي ذ سِيذِي أَربِّـي لْعَلَامِين إِي يحفْضن شَان دُّوْرِّيث نّغ، إِڒِي يوْقع-اَنغ اَمشْنَاو مِين يوقْعن إِ ثنْدِينْت ن سَادُوْم ذ ثنْدِينْت ن عَمُوْرَا.>30إِيوَا، مِين غَا نِينِي؟ يِنِّي وَار يدْجِين شَا زِي أَيث-إِسْرَائِيل تُوْغَا وَار رزُّوْن شَا صُّلْح اَك أَربِّـي، وَلَكِن ؤُفِين-ث وَامِي ؤُمْنن.31أَيث-إِسْرَائِيل وَامِي رزُّوْن يجّن ن شَّرِيعَا يتِيشّن صُّلْح اَك أَربِّـي، وَار ؤُفِين شَا شَّرِيعَا نِّي.32مَايمِّي؟ لِأَنَّا تُوْغَا رزُّوْن صُّلْح نِّي س ڒخْدَايم نْسن وَاهَا بْڒَا مَا ٱذ اَمْنن. نْقڒْظن ذݣ وزْرُو نِّي إِي ذِي تْنقْڒَاظن يِوْذَان.33مَامّش يقَّار لْكِتَاب:<أَقَا ݣِّيغ ذِي ثنْدِينْت ن لْقُدْسيج ن تِّيرْشث إِي ذِي تنْقْڒَاظن يِوْذَان،ذ يِجّن ن وزْرُو إِي ثن يغطّْڒن.ونِّي إِي زَّايس غَا يَامْنن،عمَّارْص اَث خيّْبغ.>
Wycliffe Bible Translators, Inc.