أَيث-فيليـپـي4
1إِذن آي أَيثْمَا إِي خَافِي يعِيزّن إِي تْوحَّاشغ إِݣ يدْجَان ذ ڒفْرَاحث ينُو ذ تَّاج ينُو، أَمنِّي لَابُد يتْخصَّا اَذ تقِّيمم ثْبدّم ذِي سِيذِيثْنغ آي يمْعِيزّن ينُو.2تتَّارغ إِ سُوْيْثْمَاثْنغ ثُوْدْيَا ذ ثِينْتِيشْيَا بَاش اَذ يِيڒِي اَرَّاي نْسنْت ذ يجّن اَك سِيذِيثْنغ.3وَاه، تتَّارغ ؤُڒَا ذ شك آي اَمْعَشَار ينُو ن صَّح، عَون ثِمْغَارِين-أَ إِي كِذِي يخدّْمن فُوْس ذݣ وفُوْس ذِي لْإِنْجِيل، أَكِذْسنْت عَاوذ كْرِيمُو ذ يمْعَشَارن ينُو نّغْنِي. ئِسمَاون نْسن مَارَّا اَقَاثن ذِي لْكِتَاب ن ثُوْذَارْث.4فَرّْحث ڒبْدَا س سِيذِيثْنغ! أَذَاوم ينِيغ اَوَاڒ-أَ عَاوذ، فَرّْحث!5ئِتْخصَّا اَذ د يمظْهَار صّْبَر نْوم إِ مَارَّا يوْذَان، أَقَا سِيذِيثْنغ يُوْذس-د.6وَار كسِّيم بُو ومْنُوْس خ وَالُو. س ثْࢲَادْجِيث نْوم ذ دُّعَاء نْوم اَكِذْسن شُّكر نْوم اَذ تْقدّْمم مَارَّا ثِمسْڒَايِين س طَّلَابَاث نْوم إِ أَربِّـي.7ثُمَّا ڒهْنَا ن أَربِّـي إِݣ يتجْهِيذن خ مَارَّا ڒفْهَامث ذِي دُّنشْت-أَ ذ ونِّي إِي غَا يحْضَان ؤُڒَاون نْوم ذ ڒَعْقُوْڒَاث نْوم ذِي عِيْسَى لْمَسِيح.8غَار ونݣَّارُو آي أَيثْمَا، مِين يدْجَان ذ لْحَقِيقَا ذ مِينْدِي يدْجَا ڒوْقَّار ذ مِين يدْجَان يسݣّْذن ذ مِين يدْجَان يصْفَان ذ مِين يدْجَان ذ اَصبْحَان ذ مِين خَانغ يعِيزّن ذ اَيِّي ثَمسْڒَايْث ذ ثَصبْحَانْت اَطَّاس اَذَاس نُوْش لْقِيمَا يتْخصَّا كنِّيو اَذ تْفكَّرم ذِي ثْمسْڒَايِين-أَ.9مِين ثْڒمْذم ذ مِين ثْقبْڒم زَّايِي ذ مِين ثسْڒِيم ذ مِين ثࢲْرِيم خَافِي يتْخصَّا أُو لَابُد اَذ تسْخذْمم ثِمسْڒَاِيِين-أَ. ثُمَّا اَكِذْوم يِيڒِي أَربِّـي ن ڒهْنَا.10فَا، مشْحَاڒ فَرْحغ س سِيذِيثْنغ وَامِي اَڒ ونݣَّارُو عَاوذ تُوْغَا ثْزمَّرم اَذَايِي ثْفقْذم. وَاه، تُوْغَا تْفكَّرم ذَايِي قْبڒ وَلَكِن وَار ثُوْفِيم شَا لْفُرْصَا بَاش اَذَايِي ثْعَوْنم.11أَوَاڒ-أَ ينُو وَار يقَّار شَا رزُّوْغ شَان ڒْحَاجث؛ لَّا، نش ڒمْذغ اَذ قنْعغ مَامّش مَا دْجَانْت ظُّرُوْف ينُو.12سّْنغ اَذ عِيشغ ذݣ وزيَّار، سّْنغ عَاوذ اَذ عِيشغ ذِي ڒْخِير. نش مَامش مَا دْجَانْت ظُّرُوْف ينُو ڒمْذغ سِّير اَذ وَاجْهغ ڒْخِير نِغ ذ جُّوْع، وَاخَّا غَارِي اَطَّاس نِغ شْوَايْت وَاهَا.13قَاع ثِمسْڒَايِين زمَّرغ-اَسنْت س ونِّي إِي ذَايِي يتشّن جّْهذ.14وَلَكِن مْلِيح وَامِي ثْشَرْشم اَكِذِي ذِي لْمَشَاكِل ينُو.15آ أَيث-فِيلِيـپِّـي، وَامِي فّْغغ نش زِي لْإِقْلِيم ن مَسِيدُوْنْيَا ثسّْنم قَا ذ كنِّيو وَاهَا زِي مَارَّا ثِجُمَاع ن ڒْمُوْمِنِين إِي كِذِي يشَرْشن ذِي لْمُعَاوَنَا. مَانَاينِّي يوْقع وَامِي يَالَّاه بْذِيغ تْبشَّارغ س لْإِنْجِيل ذِي جْوَايه نِّي.16وَاخَّا وَامِي تُوْغَايِي ذِي ثنْدِنْت ن سَلُوْنِيك مِين حْذَاجغ ذِنِّي ثسّكّم-اَيِي-ث-يد اَطَّاس ن ثْوَاڒَاثِين.17وَلَكِن نش وَار رزُّوْغ شَا اَذَايِي ثُوْشم شَا ن ڒْحَاجث، نش رزُّوْغ مِين غَا يَرْنِين ذِي لْأَجَار نْوم اَك أَربِّـي.18طّْفغ ڒْمُوْنث ثكْمَاڒ زَّايْوم أُو كْتَار عَاذ. ثْذبَّرم-اَيِي-د مْلِيح وَامِي قبْڒغ زݣ وُوْمَاثْنغ پَـارْفُوْلِيتُس لْهَدِيَاث نِّي إِي ذَايِي د ثسّكّم. نِثنْتِي اَم يِجّن صّذْقث ثتْفُوْح ذ يِجّن ن دْبِيحث إِي غَا يقْبڒ أَربِّـي إِي ذَاس غَا يعجْبن.19أَقَا أَربِّـي ينُو اَذَاوم يُوْش قَاع مِين ثحْذَاجم عْلَاحْسَاب اَݣْڒَا نّس لْعَظِيم ذِي عِيْسَى لْمَسِيح.20لْعَظَمَا إِ أَربِّـي بَابَاثْنغ إِ ڒبْدَا ن ڒبْدَاث. آمِين.21سِيوْضم سْڒَام إِ مَارَّا صَّالِحِين س عِيْسَى لْمَسِيح. أَوْمَاثن يدْجَان اَكِذِي سَاوَّاضن-اَوم-د سْڒَام.22مَارَّا صَّالِحِين سَاوَّاضن-اَوم-د سْڒَام خَاصَّتَان يِنِّي يدْجَان ذِي ثدَّارْث ن وزدْجِيذ قَيْصَار.23أَذ يِيڒِي اَك اَرُّوْح نْوم اَرْضَا ن سِيذِيثْنغ عِيْسَى لْمَسِيح.
Wycliffe Bible Translators, Inc.